Արաբո կամավորական ջոկատ
Անվան այլ կիրառումների համար տե՛ս՝ Արաբո կամավորական ջոկատ (այլ կիրառումներ)
Արաբո, Արցախյան ազատամարտի հայկական կամավորական ջոկատ, որը մտնում էր «Արծիվ» ռազմական միավորման կազմի մեջ։ 1992 թվականի հունիսին ջոկատի ազատամարտիկները անհետ կորել են Ղարաբաղի Հասան Ղայա գյուղի մոտ ընթացող մարտերում (այժմ գյուղը չեզոք գոտում է)։ Հրամանատար՝ Մ․ Եղիազարյան, շտաբի պետ՝ Մ․ Միրզոյան։ Ջոկատից ՀՀ 1-ին և 2-րդ աստիճանի «Մարտական խաչ» և Արցախի Հանրապետության «Մարտական խաչ» 2-րդ աստիճանի շքանշաններով պարգևատրվել է 5 ազատամարտիկ։
| Արաբո կամավորական ջոկատ | |
|---|---|
| Ընդհանուր տեղեկություն | |
| Տեսակ | ռազմական միավոր |
| Երկիր |  Հայաստան և  Արցախ |
| Անվանված է | Արաբո |
| Ստեղծվեց | 1989 |
| Ճակատամարտեր | Արցախյան ազատամարտ |
| Լուծարվեց | 1994 |
| Հրամանատարներ | |
| Հայտնի հրամանատարներ | Սիմոն Աչիկգյոզյան Մանվել Եղիազարյան |
ՊատմությունԽմբագրել
Կամավորական ջոկատը կազմավորվել է 1989 թվականին Երևանում՝ ԽՍՀՄ Զինված ուժերում ծառայություն անցած փորձառու մարտիկներից։ Ունեցել է շտաբ, դրոշ, զինանշան, համազգեստ։ 1989-1994 թվականներին մասնակցել է ՀՀ Եղեգնաձորի (Խաչիկ), Վայքի (Բարձրունի), Նոյեմբերյանի (Ոսկեպար), Ճամբարակի (Վահան), Գորիսի (Շուռնուխ, Խոզնավար) և Արցախի Հանրապետության Շահումյանի (Բուզլուխ, Մանաշիդ, Էրքեջ, Գյուլիստան), Ասկերանի (Մալիբեկլու, Փառուխ, Ղուշչուլար, Խոջալու), Մարտունու (Ղարադաղլու), Մարտակերտի (Կուսապատ, Թալիշ, Դրմբոն, Կարմիրավան, Լենինավան, Մարաղա), Լաչինի, Քարվաճառի (Օմարի լեռնանցք) շրջանների, Գետաշենի ենթաշրջանի ինքնապաշտպանական և ազատագրական մարտերին։
1992 թվականի հունիսի 27-ին ԼՂՀ Մարտակերտի շրջանի Հասանղայա գյուղի տարածքում անհետացավ 79 ազատամարտիկ, որոնցից 22-ը «Արաբո» ջոկատից էին[1]։ Նրանց ճակատագիրն անհայտ էր մինչև 2008 թվականը, երբ YouTube կայքում հայտնվեցին մի քանի տեսագրություններ, որտեղ տեսանելի են սպանված ազատամարտիկների դիերը[1]։
Տես նաևԽմբագրել
Արտաքին հղումներԽմբագրել
- «Արաբոյի» ճակատագիրը. վերջակետ դնելը դեռ վա՞ղ է(չաշխատող հղում)
ԾանոթագրություններԽմբագրել
- ↑ 1,0 1,1 ««Արաբո» ջոկատը գտնվել է սպանված»։ www.aravot.am։ Առավոտ։ 2008-05-22
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|