Ալիծ
երկսեռ անձնանուն (Alix)
| ||||||||||||
Ալիծ, եվրոպական ծագումով հայկական իգական անձնանուն։ Կիլիկիայի պատմության շրջանում մուտք գործելով հայերի մեջ՝ գործածական է եղել 12-րդ դարից մինչև 14-րդ դար[1]։
Հայտնի անվանակիրներ խմբագրել
- Ալիծ Անտիոքացի (Alice of Antioch, 1110 - 1136), Երուսաղեմի երկրորդ թագավոր Բալդուին II-ի և Մորֆիա Մալաթիացու դուստրը, Անտիոքի դուքս Բոհեմունդ II-ի կինը[2].
- Ալիծ Շամպայնացի (Alix de Champagne, Alice, 1140 - 4 հունիսի 1206), Ֆրանսիայի թագուհի, Լուի VII Երիտասարդ թագավորի կինը.
- Ալիծ Ռուբինյան (1182 - 1234), Թորոնի իշխանուհի (1229), Լևոն Բ թագավորի եղբոր՝ Ռուբեն Գ-ի և Իզաբել Թորոնցու դուստրը, Հեթում Սասնեցու (1188-11924), Ռեմոնդի (Raimond III, 1194-1196) և Վահրամ մարաջախտի կինը, Ռուբեն-Ռայմոնդի մայրը.
- Ալիծ տիկին, Օշին Լամբրոնացու դուստրը, Ներսես Լամբրոնացու և Հեթումի քույրը, իշխանաց իշխան Ջոֆրիի կինը, Կոստանդինի, Սմբատի և Օշինի մայրը (հիշված իբրև հանգուցյալ 1259)[3].
- Ալիծ Լամբրոնացի (Վիծ, Տամա Վիծի), իշխանուհի, Ներսես Լամբրոնացու եղբոր՝ Հեթումի դուստրը, Կոստանդին Լամբրոնացու քույրը, Կոստանդին պայլի կինը, Կիլիկիայի արքա Հեթում Ա-ի և Սմբատ Գունդստաբլի մայրը.
- Ալիծ (1312 - ?), Բալդուին Հեթումյանի դուստրը, Կիլիկիայի արքա Կոստանդին Դ-ի քույրը.
- Ալիծ (? - 1316), տապանաքարը գտնվում է Տարսոնի Սբ. Պողոս եկեղեցում[4].
- Ալիծ, Հեթում Լամբրոնացու դուստրը, Լևոն Գ-ի կնոջ՝ Կեռան թագուհու քույրը, Կիպրոսի թագավորության սենեսկալ Ֆիլլիպ Իբլինյանի կինը.
- Ալիծ, կույս Տարսոնում, գեղագիր, Լևոն Գ-ին (1236-1289) ժամանակակից.
- Ալիծ, Թանգեր տիկնոջ հարսը, նրա մահվան հիշատակին գրել է տվել մի Ավետարան (1327).
- Ալիծ Կոռիկոսցի (? - 1329), Օշին պայլի դուստրը, Կիլիկիայի արքա Լևոն Ե-ի կինը, գլխատվել է ամուսնու կողմից՝ հոր հետ միասին.
- Ալիծ, Վասիլ թղթագրի հոր՝ Ստեփանոսի երկրորդ կինը (1337).
- Ալիծ Հեսսեացի (գերմ.՝ Alix Viktoria Helena Luise Beatrice, հունիսի 6, 1872 - հուլիսի 17, 1918), հետագայում՝ ռուս կայսուհի Ալեքսանդրա Ֆեոդորովնա (ռուս.՝ Императрица Александра Фёдоровна), Ռուսական կայսրության վերջին կայսր Նիկոլայ II-ի կինը, Անգլիայի թագուհի Վիկտորիայի թոռը, սպանվել է բոլշևիկների կողմից իր ընտանիքի հետ միասին՝ 1918 թվականի հուլիսի 17-ին.
Տես նաև խմբագրել
Ծանոթագրություններ խմբագրել
- ↑ Հրաչյա Աճառյան, Հայոց անձնանունների բառարան, հ. Ա, Երևան, «Երևանի պետական համալսարանի հրատարակություն», 1942, էջ 12 — 634 էջ։
- ↑ «Սիսուան», Ղևոնդ Ալիշան, Վենետիկ, 1885, էջ 48ա.
- ↑ «Թորոս աղբար», Գարեգին Սրվանձտյան, 1884, Կոստանդնուպոլիս, Հատոր Բ, էջ 437
- ↑ «Սիսուան», Ղևոնդ Ալիշան, Վենետիկ, 1885, էջ 272.
Աղբյուրներ խմբագրել
- «Հայոց անձնանունների բառարան», Հրաչյա Աճառյան, Երևան, 1944, Հատոր 1, Ցուցակ 1, Էջ 80
- «Սիսուան», Ղևոնդ Ալիշան, Վենետիկ, 1885, էջ 272, 48ա.
- «Թորոս աղբար», Գարեգին Սրվանձտյան, 1884, Կոստանդնուպոլիս, Հատոր Բ, էջ 437