Dancing Queen
«Dancing Queen» («Պարերի թագուհի», «Պարող թագուհի»), ABBA շվեդական խմբի երգը, որի թողարկումն անմիջապես հաջորդել է «Fernando» հայտնի հիթի թողարկմանը։ Այն սովորաբար համարվում է 1970-ականների լավագույն ստեղծագործություններից մեկը, ինչպես նաև ABBA խմբի այցեքարտը։ «Dancing Queen» երգի հեղինակներն են Բեննի Անդերսոնը, Բիոռն Ուլվեուսը և Ստիգ Անդերսոնը։ 1975 թվականին ձայնագրվելով «Arrival» ալբոմի համար՝ հաջորդ տարի այն որպես սինգլ թողարկվել է «That’s Me» երգի հետ՝ երկրորդ կողմում[1]։ Այն ABBA խմբի միակ երգն է, որ գլխավորում է ամերիկյան հիթ-շքերթները։
| «Dancing Queen» | ||||
|---|---|---|---|---|
 | ||||
| ABBA-ի սինգլը | ||||
| «Arrival» ալբոմից | ||||
| Թողարկված | 16 օգոստոսի, 1976 (Շվեդիա) 21 օգոստոսի, 1976 (Մեծ Բրիտանիա) 12 նոյեմբերի, 1976 (ԱՄՆ) | |||
| Ֆորմատ | 7" single | |||
| Ձայնագրված | 1975 | |||
| Ժանր | դիսկո/փոփ | |||
| Երգահան | Բյորն Ուլվեյս, Ստիգ Անդերսոն և Բեննի Անդերսոն | |||
| Տևողություն | 3:51 | |||
| Լեյբլ | Polar (Շվեդիա) Epic (ՄԹ) Atlantic (ԱՄՆ) | |||
| ABBA-ի սինգլների ժամանակագրություն | ||||
 «Dancing Queen» | ||||
Պատմություն խմբագրել
Երգի ձայնագրությունն սկսվել է 1975 թվականի օգոստոսի 4-ին։ Սկզբում երգը կոչվել է «Boogaloo»։ Երգի վրա աշխատելու ընթացքում Անդերսոնը և Ուլվեուսը որոշել են դիմել դիսկո-ռիթմերին, որոնք օգտագործվել են դեռևս Ջորջ Մաքքրեյի «Rock Your Baby» երգում և Դոկտոր Ջոնի «Gumbo» ալբոմում (1972)։ Ֆելթսքոգը և Լինգստադը սեպտեմբերին ձայնագրել են վոկալային պարտիաներ, և երեք ամիս անց ձայնագրությունը ավարտվել է։ Տեքստի վրա աշխատելու ընթացքում նրա մի մասը բաց է թողնվել[2]։
«Dancing Queen»-ը վեց աբաթ զբաղեցրել է բրիտանական չարթերի առաջին հորիզոնականը՝ սկսած 1976 թվականի սեպտեմբերից, և դարձել է ABBA-ի միակ ամերիկյան չարթ-թոփերը 1977 թվականի ապրիլին։ Այն առաջին հորիզոնականին հասել է ևս տասներեք երկրներում, որոնք են Շվեդիան (14 շաբաթ), Նորվեգիան, Իռլանդիան, ԳՖՀ-ն, Բելգիան, Նիդերլանդները, Ռոդեզիան (այժմ՝ Զիմբաբվե), ՀԱՀ-ը, Մեքսիկան, Բրազիլիան, Ավստրալիան, Նոր Զելանդիան։ «Dancing Queen» երգը ընդգրկվել է Կանադայի, Ֆինլանդիայի, Շվեյցարիայի, Ավստրիայի, Ֆրանսիայի լավագույն հնգյակներում, հասել է հիթ-շքերթի 14-րդ հորիզոնականին Իտալիայում, որտեղ ABBA-ն այնքան էլ հայտնի չէր, որքան այլ երկրներում։
Ազդեցություն խմբագրել
1976 թվականի հունիսին «Dancing Queen» երգը կատարվել է Շվեդիայի թագավոր Կառլ XVI Գուստաֆի և ապագա թագուհի Սիլվիա Զոմերլատի համար։ Դրանից հետո նույնիսկ հին շվեդական ավանդույթների հետևորդները հետաքրքրություն են ցուցաբերել երգի նկատմամբ։
Երգը հայտնի է դարձել ոչ միայն Շվեդիայում և անգլիախոս երկրներում, որտեղ այն կատարվել է անգլերեն։ 1980 թվականի «Gracias Por La Música» ալբոմի համար ABBA-ն ձայնագրել է «Dancing Queen» երգի իսպանալեզու տարբերակը, որը կոչվել է «Reina Danzante»՝ Buddy և Mary McCluskey-ի հեղինակած իսպաներեն տեքստով։
ԽՍՀՄ-ում երգն առաջին անգամ պաշտոնապես հրատարակվել է 1977 թվականին «Кругозор» (№ 5) աուդիոհանդեսում՝ «Money, Money, Money» երգի հետ միասին։ Ռուսերեն երգերը համապատասխանաբար կոչվել են «Танцующая королева» («Պարող թագուհին») և «Деньги, деньги» («Փող, փող»։ Поющие сердца խումբը մենակատար Անտոնինա Ժմակովայի հետ կատարել է ռուսալեզու քավեր տարբերակը՝ «Королева танца» («Պարի թագուհին», ուսերեն տեքստի հեղինակ՝ Իգոր Կոխանովսկի) անվանումով, որը նույնպես լույս է տեսել «Мелодия» ֆիրմայի ձայնապնակներում։
1992 թվականին երգը կրկին թողարկվել է Մեծ Բրիտանիայում այն բանից հետո, երբ Erasure խումբը ABBA-ի նկատմամբ հետաքրքրության նոր ալիք է առաջացրել իր «Abba-esque» ալբոմի հաջողությամբ։ «Dancing Queen»-ի երկրորդ թողարկումը նույնպես ժողովրդականություն է վայելել և զբաղեցրել է բրիտանական հիթ-շքերթների 16-րդ հորիզոնականը 1992 թվականի սեպտեմբերի 12-ին[3]։
2002 թվականի նոյեմբերի 9-ին «Top 50 Favourite UK Number Ones» հարցման արդյունքներով երգը հեռարձակվել է Radio 2-ի եթերում The Official UK Charts Company-ի 50-ամյա հոբելյանի տոնակատարության շրջանակներում։ 188 357 ունկնդիրներ քվեարկել են այդ երգի օգտին, և այն դարձել է 8-րդը ընդհանուր վարկանիշում։ 2004 թվականի մայիսին Բրիտանական Phonographic Performance Limited-ը տոնել է իր յոթանասունամյա հոբելյանը և այդ իրադարձության պատվին կազմել է 70 երգերի ցանկը, որոնք ամենից հաճախ հնչում էին ռադիոյում և ակումբներում։ Այս ցուցակում «Dancing Queen» երգն զբաղեցրել է 6-րդ հորիզոնականը[4]։
ԱՄՆ նախագահի թեկնածու Ջոն Մաքքեյնը «Dancing Queen»-ը նշել է որպես իր սիրելի երգը «Blender Magazine» ամսագրին ուղարկված 10 երգերի ցանկում[5]։
2008 թվականի օգոստոսին «Dancing Queen» երգի վաճառված օրինակների քանակն ԱՄՆ-ում հատել է 500 000 նշագիծը (մասնավորապես՝ 512 000)[6]։
Դիրքը հիթ-շքերթներում խմբագրել
| Հիթ-շքերթ (1976-1977) | Դիրք |
|---|---|
| American Billboard Hot 100 | 1 |
| American Billboard Adult Contemporary | 6 |
| Australian Kent Music Report | 1 |
| Austrian Singles Chart | 4 |
| Belgian VRT Top 30 Singles Chart | 1 |
| British Singles Chart | 1 |
| Canadian Singles Chart | 1 |
| Dutch Top 40 | 1 |
| Eurochart Hot 100 | 1 |
| Finnish Singles Chart | 3 |
| French IFOP Singles Chart | 5 |
| German Singles Chart | 1 |
| Irish Singles Chart | 1 |
| Italian FIMI Singles Chart | 14 |
| Japanese Oricon Weekly Singles Chart | 19 |
| Japanese Oricon International Singles Chart | 1 |
| New Zealand RIANZ Singles Chart | 1 |
| Norwegian VG-lista Singles Chart | 1 |
| Spanish Singles Chart | 10 |
| Swedish Singles Chart | 1 |
| Swiss Singles Chart | 3 |
Հավաստագրումներ խմբագրել
| Տարածաշրջան | Հավաստագրում | Վաճառք |
|---|---|---|
| Դանիա (IFPI Denmark)[7] | Gold | 45 000^ |
| Իտալիա (FIMI)[8] sales since 2009 |
Gold | 15 000* |
| Ճապոնիա (RIAJ) | 350,000[9] | |
| Մեծ Բրիտանիա (BPI)[10] | Platinum | 1,120,000[11] |
| ԱՄՆ (RIAA)[12] | Gold | 1 000 000^ |
| Թվային | ||
| ԱՄՆ (RIAA)[13] | 597,000[14] | |
*Վաճառքի վերաբերյալ տվյալները հիմնված են միայն հավաստագրումների վրա։ | ||
Ծանոթագրություններ խմբագրել
- ↑ «abba for the record — vinyl singles». Արխիվացված է օրիգինալից 2017 թ․ դեկտեմբերի 23-ին. Վերցված է 2020 թ․ հոկտեմբերի 27-ին.
- ↑ Մասնավորապես՝ «Baby, baby, you’re out of sight/hey, you’re looking alright tonight/when you come to the party/listen to the guys/they’ve got the look in their eyes…»
- ↑ «Chart Stats - ABBA - Dancing Queen (1992)» (անգլերեն) — информация о релизе. Արխիվացված է օրիգինալից 2012 թ․ ապրիլի 5-ին. Վերցված է 2011 թ․ ապրիլի 8-ին.
- ↑ www.classicbands.com/mostplayed.html .
- ↑ «White House DJ Battle». Blender Magazine. Արխիվացված է օրիգինալից 2008 թ․ օգոստոսի 14-ին. Վերցված է 2008 թ․ օգոստոսի 4-ին.
- ↑ Soundscan Top 200 digital singles — August 2008 Արխիվացված 2009-02-16 Wayback Machine
- ↑ «Danish single certifications – Abba – Dancing Queen». IFPI Danmark. Վերցված է 7 May 2019-ին. Scroll through the page-list below until year 2019 to obtain certification.
- ↑ «Italian single certifications – Abba – Dancing Queen» (Italian). Federazione Industria Musicale Italiana. Վերցված է 6 May 2020-ին.
{{cite web}}: CS1 սպաս․ չճանաչված լեզու (link) Select "2014" in the "Anno" drop-down menu. Select "Dancing Queen" in the "Filtra" field. Select "Singoli" under "Sezione". - ↑ «List of best-selling international singles in Japan». JP&KIYO. 2002. Արխիվացված է օրիգինալից 2012 թ․ հոկտեմբերի 1-ին. Վերցված է 2012 թ․ հուլիսի 6-ին.
- ↑ «British single certifications – ABBA – Dancing Queen». British Phonographic Industry. Select singles in the Format field. Select Platinum in the Certification field. Type Dancing Queen in the "Search BPI Awards" field and then press Enter.
- ↑ Myers, Justin (2016 թ․ հունիսի 23). «EU referendum special: The biggest selling singles by European acts». Official Charts Company. Վերցված է 2016 թ․ հունիսի 23-ին.
- ↑ «American single certifications – ABBA – Dancing Queen». Recording Industry Association of America. Վերցված է 6 July 2012-ին.
- ↑ «American single certifications – Abba». Recording Industry Association of America.
- ↑ Trust, Gary (2009 թ․ հունվարի 23). «Ask Billboard: Mariah Carey, Abba, Oasis, The Verve». Billboard. Prometheus Global Media. Արխիվացված է օրիգինալից 2009 թ․ փետրվարի 7-ին. Վերցված է 2013 թ․ ապրիլի 12-ին.