Օրորա (Իլինոյս)

Օրորա (անգլ.՝ Aurora), քաղաք ԱՄՆ-ի հյուսիսում, մեծությամբ Իլինոյս նահանգի երկրորդ քաղաքը։ Օրորայի պաշտոնական անունը ունի «Կրակների քաղաք» մականունը։ Այդ մականունը օրինական կերպով ընդունվել է 1908 թվականին։ Դա ուղղակիորեն կապված է այն փաստի հետ, որ 1881 թվականին Օրորան դարձել էր ԱՄՆ-ի առաջին ամբողջովին էլեկտրաֆիկացված փողոցային լուսավորություն համակարգ ունեցող քաղաքը։

Բնակավայր
Օրորա
անգլ.՝ Aurore
Երկիր	ԱՄՆ
Համայնք	Քեյն շրջան
Հիմնադրված է	1835 թ.
Մակերես	118,551888 կմ², 118,607475 կմ²
ԲԾՄ	220 մետր
Բնակչություն	▼180 542 մարդ (2020)
Ժամային գոտի	UTC-6 և UTC-5
Փոստային դասիչ	60502, 60503, 60504, 60505 և 60506
Պաշտոնական կայք	aurora-il.org​(անգլ.)
Օրորա (Իլինոյս) (ԱՄՆ)
Օրորա Վիքիպահեստում

Պատմություն

• 1834 — Մաքքարթի եղբայրները Ֆոքս գետի վրա տուն, հողակտոր և ջրաղաց են գնում և մի շարք տնտեսական շինություններ են կառուցում ։
• 1837 — բնակավայրում հայտնվում է փոստային բաժանմունք։ «Օրորա» անվանումը դառնում է պաշտոնական ։
• 1856 — քաղաքում ստեղծվում է հրդեհային դեպարտամենտ։
• 1857 — Օրորան միավորվում է արևմտյան ափին գտնվող հարևան բնակավայրերի հետ։
• 1860—1920 — քաղաքի բուռն զարգացումը․ բացվում են դպրոցներ և հիվանդանոցներ, ի հայտ են գալիս արդյունաբերական ձեռնարկություններ, քաղաքը դառնում է ապաստան ամբողջ աշխարհից եկած հազար ներգաղթյալների համար։
• 1970—1974 — մի շարք խոշոր ձեռնարկությունների փակում, որոնք վերաբերել են նաև երկաթուղային արդյունաբերությանը (քաղաքի գոյության տնտեսական փաստացի հիմքերը)։
• 1980 — քաղաքի արդյունաբերական ձեռարկությունների մեծ մասի փակում։ Գործազրկությունը հասնում է մինչև 16 %։
• 1987—1990 — մի քանի արդյունաբերական գոտիների և բիզնես կենտրոնների ստեղծում։
• 1993 — առաջին խաղատան բացումը։
• 1995—2005 — Օրորայի արդյունաբերական ձեռնարկությունների զարգացումը արվարձաններում, նոր արդյունաբերական գոտու ձևավորումը, ակտիվ տնտեսական աճը։

Արդյունաբերություն

Օրորան պատմականորեն, ինչպես ամբողջ Իլինոյս նահանգը, ներկայացնելով մի շարք խոշոր ձեռնարկություններ, ունի զարգացած արդյունաբերություն։

• Lyon Workspace Products (երկաթեղեն իրեր)
• The Aurora Silverplate Manufacturing Company (ոսկերչական իրերի արտադրություն և տեխնիկական արծաթի արտադրություն)
• Barber Greene Ltd. (արդյունաբերական սարքավորումներ)
• the Chicago Corset Company (տեսքտիլ արդյունաբերություն)
• the Aurora Brewing Company (գարեջրի գործարան)
• Stephens-Adamson Company
• Caterpillar Inc.
• Allsteel Metals (մետաղագործություն)
• National Metalwares (մետաղագործություն)
• Western Wheeled Scraper Works (հետագայում վերափոխվեց Austin-Western Inc.-ի)

Հայտնի բնակիչներ և բնիկներ

• Էդ Քլեյթոն (գրող, նկարազարդող)
• Քլայվ Կասլեր (գրող, ծովային հնագետ)
• Ռուտ ՎանՍիկլ Ֆորդ (1897—1989) (Չիկագոյի արվեստի ակադեմիայի սեփականատեր)
• Կեն Գրիֆին (1909—1956) (դերասան և երաժիշտ)
• Վերնոն Լուիս Փարինգթոն (1871—1929), (գրող, պատմաբան, Պուլիցերյան մրցանակի դափնեկիր)
• Պոլ Շորինգ (ռեժիսոր, սցենարիստ)
• Թոմ Պետրանոֆ (նիզակի նետման աշխարհի նախկին չեմպիոն)
• Հենրի Հեյլ (1874—1942) (գրող, աստղաֆիզիկոս)
• Դեյվիդ Թիլման (բնապահպան)
• Նատանիել Փոփ (ուղղափառ արքեպիսկոպոս)
• Վասիլ Լուիս Պուսաս (կաթոլիկ եպիսկոպոս)
• Ալեքսանդր Ռատիու (հունակաթոլիկական եկեղեցու քահանա, գրող, ռումինական քաղբանտարկյալ)
• Ռեյ Բրեդբերի (հայտնի ֆանտաստիկ գրող)

Արտաքին հղումներ

• Քաղաքի պաշտոնական կայք
• Օրորա քաղաքը Չիկագոյի էլեկտրոնային հանրագիտարանը
• Пожарный департамент города. Արխիվացված 2014-06-26 Wayback Machine Информация в связи со 150-летием департамента (2006 год)
• город на city-data.com
• Информация для туристов и деловых людей
• Региональная палата предпринимателей г. Орора