Վիքիպեդիա

Քրիստինա Ամֆլետ

Քրիստինա Ամֆլետ (անգլ.՝ Christina Joy Amphlett, հոկտեմբերի 25, 1959(1959-10-25)[1][2], Ջելոնգ, City of Greater Geelong, Վիկտորիա, Ավստրալիա - ապրիլի 21, 2013(2013-04-21)[3], Նյու Յորք, Նյու Յորք, ԱՄՆ), ավստրալիացի երգչուհի և դերասանուհի, «Divinyls» ռոք խմբի վոկալիստուհի, որը աչքի է ընկնում իր վառ բեմական կերպարով, դինամիկ և ագրեսիվ կատրաման ոճով[4], այժմ վայելում է «ավստրալիական ռոքի լեգենդի» հռչակ[5]։ 2001 թվականի մայիսին Ավստրալիայի իրավական ասոցիացիան (APRA) ընտրել էր «Desperate» խմբի առաջին ստուդիական ալբոմից «Science Fiction» սինգլը որպես Ավստրալիայի բոլոր ժամանակների 30 լավագույն երգերից մեկը[6]։

Քրիստինա Ամֆլետ
Դիմանկար
Ծնվել էհոկտեմբերի 25, 1959(1959-10-25)[1][2]
ԾննդավայրՋելոնգ, City of Greater Geelong, Վիկտորիա, Ավստրալիա
Մահացել էապրիլի 21, 2013(2013-04-21)[3] (53 տարեկան)
Մահվան վայրՆյու Յորք, Նյու Յորք, ԱՄՆ
Քաղաքացիություն Ավստրալիա
ԿրթությունBelmont High School?
Մասնագիտությունփողոցային կատարող, երգչուհի, դերասանուհի, երգերի հեղինակ և թատրոնի դերասանուհի
ԱմուսինCharley Drayton?
ԱնդամությունDivinyls?
 Christina Amphlett Վիքիպահեստում

Կենսագրություն

խմբագրել

Ծնվել է 1959 թվականի հոկտեմբերի 25-ին Ջելոնգում (Վիկտորիա նահանգ)։

Երգչուհի և պարուհի դառնալու համար Քրիստինա Ամպֆլետը երազել էր մանկուց։ Փախչելով տնից՝ (և ռոք խմբերից մեկի հետ Մելբուռն մեկնելով) նա արդեն 14 տարեկանից բարձրացել է բեմ (միկրոֆոնի մոտ)։ 1971 թվականին դուրս է եկել Սիդնեյի «One Ton Gypsy» հավակնոտ քանթրի նախագծի կազմից[4]։

17 տարեկանում Քրիստինա Ամպֆլետն Ավստրալիայից մեկնել է Եվրոպա, որտեղից միայնակ ուղևորվել է դեպի Անգլիա, Ֆրանսիա և Իսպանիա։ Փարիզում նա գիշերել է փողոցներում, Իսկ Իսպանիայում՝ թափառաշրջիկության համար 3 ամիս անցկացրել է բանտում։

Վերադառնալով Սիդնեյ Ամպֆլետն ընդունվել է եկեղեցական երգչախումբ՝ բացառապես իր ձայնի վերին ռեգիստրը զարգացնելու համար։ Ելույթներից մեկի ժամանակ աթոռը, որի վրա հենվել էր այն շրջվել է, երգչուհին խճճվել է միկրոֆոնի լարերի մեջ, բայց շարունակել է ելույթը՝ աթոռը քարշ տալով հետևից՝ ձևացնելով՝ թե ոչինչ չի պատահել։ Այս դրվագը մեծ տպավորություն է թողել դահլիճում գտնվող կիթառահար Մարկ Մաքենտիի վրա, և նա որոշել է ծանոթանալ աղջկա հետ։ Այդպես սկիզբ է դրվել արդյունավետ մասնագիտական համագործակցությանը և բուռն անձնական հարաբերություններին[4]։

1980 թվականի դեկտեմբերին դուետը սկսել է թողարկվել Սիդնեյի գիշերային բարերում և շուտով ընդարձակվել այն խմբում, որի կազմում ընդգրկվել են երաժիշտներ, որոնք իրենց ուսերի ետևում ունեցել են հարուստ ծառայողական ցուցակներ, սակայն հաջողության չեն հասել։ Բացառություն էր կազմում բասիստ Ջերեմի Փոլը, որը Air Supply-ի առաջին կազմում էր։

«Divinyls»-ը դժվարությամբ է սկսել կանոնավոր համերգներով հանդես գալ, երբ նրանց նկատել է կինոռեժիսոր Քեն Քեմերոնը, որը երաժշտական կոլեկտիվ էր որոնում «Monkey Grip» ֆիլմին մասնակցելու համար։ Քրիստինա Ամպֆլետը այնպիսի տպավորություն է թողել նրա վրա, որ սցենարում նոր դեր է ավելացրել հատուկ նրա համար։ «Boys in a Town» սաունդթրեքի սինգլը թողարկվել է տեսահոլովակ, որը Ամպֆլետը երևացել է հիանալի կերպարով․ ցանցավոր գուլպաներով, դպրոցական համազգեստով, նկարահանվել է տեսախցիկի ներքևից և շարժական պարսպի հետևից։ Այս բեմական կերպարը դարձել է «Divinyls»-ի կարիերայի գլխավորը[4]։

Սինգլն ընդգրկվել է ավստրալիական հիթ-շքերթի առաջին տասնյակում, որը խմբի շուրջ իսկական իրարանցում է առաջացրել, որի արդյունքում խոշոր պայմանագիր կնքվեց «Chrysalis Records»-ի հետ։ Ինչ-որ պահի տեղի է ունեցել առանձնահատուկ էպիզոդ. ղեկավարներն երգչուհուն առաջարկել են շտկել դուրս ցցված ատամները, որոնք կտրուկ մերժում են ստացել։ Նա կարծում էր, որ պետք է մնա այնպիսիսն ինչպիսին որ կա։

«Divinyls»-ի կարիերան հավասարապես զարգացել է երաժիշտների փոփոխվող կազմի և պրոդյուսերների հետ կապված խնդիրների պատճառով (նրանցից երեքը հերթականությամբ ձայնագրել են «What a Life»-ը, 1985 թվականի ալբոմ)։ Խմբի համար բեկումնային է դարձել 1991 թվականի «I Touch Myself» հիթը, որը գլխավորել Է ավստրալիական չարթերը և ընդգրկվել ԱՄՆ-ի ու Մեծ Բրիտանիայի հիթ-շքերթների առաջին տասնյակում[7]։ Այս հաջողությունը ամրապնդել չի հաջողվել։ Հաջորդ ալբոմը՝ Underworld-ը, դուրս է եկել ընդամենը վեց տարի անց, որից հետո խումբը բաժանվել է, իսկ Ամպֆլետը խզել է Մակենտիի հետ կապը և մեկնել Նյու Յորք, որտեղ ամուսնացել և թողարկել Pleasure and Pain: My Life ինքնակենսագրությունը, որն Ավստրալիայում սենսացիա է առաջացրել[5]։ Ամպֆլետը և Մակենտին գրեթե չեն շփվել իրենց բաժանումից հետո, սակայն շփումները վերսկսել են այն բանից հետո, երբ 2006 թվականին Divinyls-ը ներկայացվել է ARIA Hall of Fame-ում, որտեղ խոստացել է թողարկել նոր ալբոմ։ Սակայն երգչուհու մոտ առաջացել են աառողջական լուրջ խնդիրներ։ Քրիստինա Ամպֆլետը 2007 թվականի դեկտեմբերի 7-ին Nine Network հեռուստաալիքի A Current Affair ծրագրին տված հարցազրույցում պատմել է, որ տառապում է ցրված սկլերոզով և ինտենսիվ բուժման կուրսեր է անցնում[8]։ 2010 թվականի հոկտեմբերին Քրիստինայի մոտ հայտնաբերվել է կրծքի քաղցկեղ[9]։

Քրիստինա Ամպֆլետը 2013 թվականի ապրիլի 21-ին կրծքագեղձի քաղցկեղի դեմ երկամյա պայքարից հետո մահացել Է Նյու Յորքում[10]։ Նա նաև ցրված սկլերոզ է ունեցել, այդ պատճառով նրան չէր կարելի քիմիաթերապիա օգտագործել[11]։

Կինոկարիերա

խմբագրել

Դերասանուհի Ամպֆլետը իր առաջնաելույթը կատարել է «Monkey Grip» ֆիլմում, ընդորում առաջադրվել է Australian Film Institute Awards-ի՝ երկրորդ պլանի լավագույն դերի համար։

1988 թվականին մասնակցել, իսկ հետո նկարահանվել է (Ռասսել Քրոուի հետ միասին) Ուիլ Ռասելի «Blood Brothers» մյուզիքլի առաջին ավստրալիական բեմադրությունում[12]։

Ամպֆլետը Ջուդի Գառլենդի դերի համար հրավիրվել է «The Boy from Oz» երաժշտական առաջին բեմադրությունում (Պիտեր Ալենի կյանքի մասին)։ 2003 թվականին Բրոդվեյում նրա դերն անցել է Իզաբել Քիթինգին, սակայն երաժշտական ավստրալիական շրջագայության ընթացքում դերը կրկին անցել է Ամպֆլետին։

Անձնական կյանք

խմբագրել

Քրիստինա Ամպֆլետը 1999 թվականին ամուսնացել է թմբկահար Չարլի Դրեյտոնի հետ, որը խաղացել է 1991 թվականի diVINYLS ալբոմում և հանդիսացել վերածնված խմբի նորացված կազմի մասնակից։ Մինչ այդ Ամպֆլետը երկարատև սիրավեպ է ունեցել Մարկ Մակենտիի հետ, որը այդ ժամանակ ամուսնացած է եղել։

Հետաքրքիր փաստեր

խմբագրել

Քրիստինա Ամպֆլետը ավստրալիացի երգչուհի Լիթլ Փաթիի զարմիկն է (իսկական անունը՝ Պատրիսիա Ամպֆլետ)[13]։ Քրիստինա Ամպֆլետի անվամբ Մելբուռնում փողոց է անվանակոչվել։

Ծանոթագրություններ

խմբագրել
  1. ↑ 1,0 1,1 Deutsche Nationalbibliothek Record #14148649X // Gemeinsame Normdatei (գերմ.) — 2012—2016.
  2. ↑ 2,0 2,1 Find A Grave — 1996.
  3. ↑ 3,0 3,1 3,2 Chrissy Amphlett, Divinyls lead singer, dies aged 53
  4. ↑ 4,0 4,1 4,2 4,3 Ed Nimmervoll. «Divinyls». www.allmusic.com. Արխիվացված է օրիգինալից 2012 թ․ մարտի 29-ին. Վերցված է 2009 թ․ հոկտեմբերի 20-ին.
  5. ↑ 5,0 5,1 «Christina Amphlett biography». homepage.mac.com. Արխիվացված է օրիգինալից 2012 թ․ մարտի 30-ին. Վերցված է 2010 թ․ հունվարի 25-ին.
  6. ↑ Kruger, Debbie (2001 թ․ մայիսի 2). «The songs that resonate through the years» (PDF). Australasian Performing Right Association (APRA) (անգլերեն). Արխիվացված է օրիգինալից (PDF) 2011 թ․ հուլիսի 9-ին. Վերցված է 2019 թ․ հոկտեմբերի 8-ին.
  7. ↑ «Divinyls» (անգլերեն) — www.chartstats.com. Արխիվացված է օրիգինալից 2012 թ․ մարտի 30-ին. Վերցված է 2009 թ․ հոկտեմբերի 7-ին.
  8. ↑ Jano Gibson, Emily Dunn. «Amphlett reveals she has MS». Nine Network / www.smh.com.au. Արխիվացված է օրիգինալից 2012 թ․ մարտի 30-ին. Վերցված է 2009 թ․ հոկտեմբերի 7-ին.
  9. ↑ «Chrissy Amphlett diagnosed with breast cancer | News.com.au». Արխիվացված է օրիգինալից 2013 թ․ մայիսի 16-ին. Վերցված է 2020 թ․ սեպտեմբերի 27-ին.
  10. ↑ Умерла Кристина Ампфлетт(չաշխատող հղում)
  11. ↑ «Chrissy Amphlett dies at 53 after losing breast cancer battle | Herald Sun». Արխիվացված է օրիգինալից 2013 թ․ հունիսի 15-ին. Վերցված է 2013 թ․ ապրիլի 24-ին. {{cite web}}: Invalid |url-status=circular-redirect (օգնություն)
  12. ↑ «Blood Brothers» (անգլերեն) — www.theatre.asn.au. Արխիվացված է օրիգինալից 2012 թ․ մարտի 30-ին. Վերցված է 2009 թ․ հոկտեմբերի 7-ին.
  13. ↑ Kylie Northover (2015 թ․ փետրվարի 18). «Melbourne puts rock icon Chrissy Amphlett on the map» (անգլերեն). The Sydney Morning Herald. Վերցված է 2019 թ․ հոկտեմբերի 8-ին.

Արտաքին հղումներ

խմբագրել
 Վիքիպահեստն ունի նյութեր, որոնք վերաբերում են «Քրիստինա Ամֆլետ» հոդվածին։
Ստացված է «https://hy.wikipedia.org/w/index.php?title=Քրիստինա_Ամֆլետ&oldid=9799404» էջից