Վիտամին ակումբ

«Վիտամին ակումբ», հայկական սթենդապ ժանրի հումորային հեռուստահաղորդում, որը ցուցադրվել է «Շանթ» հեռուստաընկերությամբ 2010-2015 թվականներին։

Վիտամին Ակումբ
Տեսակ	հումորայի հեռուստահաղորդում
Ժանր	հումորային հաղորդաշար
Ձևաչափ	Հումորային, Սթենդապ
Սցենարիստ	Ռոբերտ Մարտիրոսյան Կարեն Սահակյան Վաչե Թովմասյան
Գլխավոր դերերում	Արման Խաչատրյան Գարիկ Պապոյան Արամ Սարգսյան Վաչե Թովմասյան Կարեն Սահակյան Տիգրան Գևորգյան
Սկզբի երաժշտություն	Արամ Mp3 - «Վիտամին ակումբ»
Վերջի երաժշտություն	Արամ Mp3 - «Վիտամին ակումբ» ինստրումենտալ
Արտադրող երկիր	Հայաստան
Լեզու(ներ)	հայերեն
Ստեղծում
Վայր(եր)	Երևան
Տեսախցիկի տեղադրում	բազմախցիկ
Տևողություն	40 րոպե
Հեռարձակում
Ալիք	Շանթ TV (2010-2015)
Պատկերի ձևաչափ	576p50 (SDTV) 1080p (HDTV) - 2013 թ․-ից
Ձայնային ձևաչափ	48 kHz
Սկզբնական եթեր	2010 թվականի օգոստոսի 13 – 2015 թվականի մարտի 28
Կարգավիճակ	ավարտված
Տարեգրություն
Հաջորդ	Women's Club
Կապված ցուցադրումներ	32 ատամ ակումբ Comedy Club
Պաշտոնական կայք

Պատմություն

Առաջին անգամ եթեր է հեռարձակվել 2010 թվականի օգոստոսին, երբ հումորիստներից ոմանք լքեցին «32 ատամ» ակումբը, և այդտեղից դուրս եկած հումորիստները ձևավորում են նորաստեղծ «Վիտամին ակումբը»։ Ակումբի պատմությունը, ըստ իրենց առաջին թողարկման առաջացել է ընդհանուր ժողովից, որտեղ էլ որոշվել է հաղորդման անվանումը, պատկերանշանը և այլն։ Սակայն համաձայն «Իրականում.am» լրատվական կայքի, նոր նախագծի գաղափարը առաջացել էր «32 ատամում» որոշ հումորիստների համար անհարմար պայմանների, Հանրային հեռուստաընկերության և Արմենիա հեռուստաընկերության կողմից մերժման և փառամոլության արդյունքում։

Կառուցվածք

Շոուն իր մեջ պարունակում էր «32 ատամ»–ին բնորոշ ձևաչափ․ շփում հյուրերի հետ, տարատեսակ հաղորդումներ և վերջում մեծ համարի ներկայացում, որը կարող էր լինել սիրված կերպարի, հայտնի անձնավորությունների կամ հեռուստահաղորդումների նմանակում։

Հաղորդումներ

Հիմնականում թողարկումներում երևում էին հետևյալ հաղորդումները․

• Մուլտիվիտամիններ, որտեղ ներկայացվում են մանրապատումներ տարատեսակ իրավիճակներ ընտանիքի, փողոցի և այլ դեպքերի մասին։ Առաջ նաև կային Վիդեովիտամիններ, որտեղ մանրապատումները նկարահանված էին նախապես և ցուցադրվում էին էկրանին։
• Չարենց։ Այնտեղ Չարենցը (Կարեն Սահակյան) գալիս էր բեմ, և կատակներ անում կենցաղի որոշակի տարրերի մասին։
• Բողոքողներ․ այնտեղ Գարիկը և Վաչեն իրար դեմ դիմաց բողոքում էին իրենց կենցաղից և կատարվող երևույթներից, և մրցում թե ում մոտ էր այն ավելի վատ։
• Հայտարարությունների և նկարների մասին, որտեղ Գոռ Բարսեղյանը ներկայացվում էր տարատեսակ լուսանկարներ Համացանցից և հայտարարություններ կամ վահանակներ, փակցրած Երևանում և այլ վայրերում։

Կերպարներ

«Վիտամին ակումբ»–ում եղել են բազմապիսի համարներ, որոնցից որոշակի կերպարներ սիրվել են հեռուստադիտողի կողմից և հաճախ երևացել թողարկումներում։

Անվանում	Մարմնավորող(ներ)	Նկարագրություն
Եկատերինա	Գարիկ Պապոյան	Գանգրահեր, աֆրո մազերով աղջիկ է, որը չի կարողանում վարժ խոսել ռուսերեն, և առանձնանում էր իր միամտությամբ ու օպտիմիզմով։ Միշտ գալիս է Արսեն Գրիգորյանի «Ապրիր միշտ պարզ» երգի ներքո։
Դրախտի ալվան	Գարիկ Պապոյան	Հայտնվում է Չարենցի հետ դուետում, և միշտ գալիս է Արամ Ասատրյանի «Դրախտի ալվան ծաղիկ» երգի տակ։ Հիմնականում նրանից դժգոհ է գործատուն և վերջում միշտ հեռացնում է իրեն աշխատանքից։ Բարևելիս միշտ շփոթում է դիմացինի պաշտոնը։
Ամենից ամենա մարդը	Վաչե Թովմասյան	Ամենից ամենա որակով զարգացած անձը գալիս է հարցազրույցի և պատմում իր մասին։ Ամենամազոխիստ անձնավորության դերը Վաչեյի փոխարեն բացառության կարգով կատարել է Արամ MP3-ն։
Տատ ու թոռ	Վաչե Թովմասյան (տատ) Արմուշ (թոռ Վազգեն)	Վազգենը փորձում է կապնվել տարատեսակ աղջիկների հետ, սակայն նրան միշտ խոչընդոտում է իր տատը, պարբերաբար կատակելով և փչացնելով փորձերը։ Նաև լինում է երբ նրանք գտնվում են տարբեր իրավիճակներում։
Ծկուլ / Ճոճոլ	Գարիկ Պապոյան	«Օ՜, կտա՜վ, կտա՜վ» եռամսյակը մեկ դուրս եկացող հաղորդմանը հրավիրվող միակ հյուր նկարիչը ցուցադրում է իր նկարած կտավները, որոնք սովորաբար իրենց մեջ արժեք չեն կրում, սակայն դա ներկայացնում է որպես արվեստ։

Նմանակումներ

Հաղորդումներում շատ հաճախ են եղել նմանակումներ տարատեսակ հեռուստահաղորդումների, հայտնի անձնավորությունների և տարբեր խավի ներկայացուցիչների վրա։ Ամենահայտնիները եղել են Հ2–ի «Լրաբեր», «ՄագԱվտո», «Չէին սպասում», «Քաղցած չէին սպասում», Շանթի «Հայ սուպերսթար», «X Ֆակտոր», «Իմ անունն է», «Առավոտը Շանթում», «Աշխարհի Հայեր», «Ավտոշքերթ» հաղորդումների, ինչպես նաև Միշոյի, Ջուսի, Գոռ Վարդանյանի, Երվանդ Ղարիբյանի, Արտյոմ Երկանյանի և այլ անձանց նանակումները։

Մասնակիցներ

Ակումբի «ամենաերկարակյաց» անդամներն էին համարվում նախկին երեսուներկուսցիներ Արման Խաչատրյանը (Արմուշ) Գարիկ Պապոյանը, Արամ Սարգսյանը (Արամ MP3), Վաչե Թովմասյանը, Կարեն Սահակյանը (Չարենց) և Տիգրան Գևորգյանը (Տիկո)։

• Գարիկ Պապոյան
• Վաչե Թովմասյան
• Արամ MP3 (Սարգսյան)
• Արմուշ (Արման Խաչատրյան)
• Կարեն Սահակյան
• Տիգրան Գևորգյան

Նորեկներ

2010 թվականին կարճ ժամանակով որոշակի անձնավորություններ նույնպես մասնակցել են ակումբին, սակայն ինչ–ինչ պատճառներով հեռացել են այդտեղից։ 2011–ից «32 ատամ» ակումբից նոր մարդիկ սկսեցին մասնակցել Վիտամին–ում, որոնցից որոշները հետագայում հիմնական դերեր ստանձնեցին «Women's Club» նախագծում։ Այդ մարդկանց թվում են ՝

• Պոնչը
• Գրիգ Գևորգյանը
• Բոնին (Վահե Բեգլարյան)
• Մհեր Մխիթարյանը
• Վան Խաչատրյանը

և ուրիշներ։

Women's Club

«Վիտամին ակումբ»–ի ավարտից հետո, 2018 թ․ հոկտեմբերին եթեր դուրս եկավ «Women's Club» նախագիծը, որը հիմնված է «Comedy Woman» նախագծի վրա։ Այն իր նախորդից տարբերվում է նրանով, որ հիմնական դերերում կին դերասանուհիներ և հումորիստներ են և «Վիտամին»–ի նորեկները։ Այն մինչ օրս եթերում է, և պահում է բավականին բարձր վարկանիշներ դիտելիության առումով։

Արտաքին հղումներ

• Պաշտոնական կայք Archived 2012-10-16 at the Wayback Machine.
• Էջը «Շանթ» հեռուստաընկերության պաշտոնական կայքում