Միշո
Միքայել Աբրահամյան (դեկտեմբերի 24, 1984, Երևան, Հայկական ԽՍՀ, ԽՍՀՄ), հայ ռեփեր և դերասան, ավելի հայտնի է որպես Միշո։ Համարվում է Հայաստանում հիփ հոփ երաժշտության հիմնադիրը։
| Միշո | |
|---|---|
 | |
 | |
| Հիմնական տվյալներ | |
| Ի ծնե անուն | Միքայել Աբրահամյան |
| Ծնվել է | դեկտեմբերի 24, 1984 (38 տարեկան) Երևան, Հայկական ԽՍՀ, ԽՍՀՄ |
| Երկիր |  Հայաստան |
| Ժանրեր | հիփ-հոփ, ռեպ |
| Մասնագիտություն | ռեպ |
| Գործունեություն | 2000–այժմ |
| Կապված | ՀՏ Հայկո, DJ Serjo, A Chilla, Felo, ՀՏ Համո |
Վաղ կյանք խմբագրել
Միշոն ծնվել է 1984 թվականի դեկտեմբերի 24-ին[1][2] Երևանում՝ արցախցի բժշկի և ուսուցչի ընտանիքում։ Դպրոցական և ուսանողական տարիներին խաղացել է բասկետբոլ։ 2009 թվականին ավարտել է Երևանի պետական բժշկական համալսարանը և ստացել բժշկի որակավորում[2]։
Երաժշտական գործունեություն խմբագրել
Միշոն հետաքրքրվում էր հիփ հոփով դեռ դպրոցական տարիներին։ 14 տարեկանից գրում էր բանաստեղծություններ։ Երբ առաջին անգամ լսել է հիփ հոփ երաժշտություն, մեծապես զարմացած էր, թե ինչպես կարող են երաժշտությունը և պոեզիան լինել այդքան համահունչ, ուստի որոշել է, որ ինքը ևս ցանկանում է զբաղվել դրանով։ 2000 թվականին մանկության ընկերներ Յոժի, Համոյի և իր զարմիկ Սաշի հետ Միշոն ստեղծե է «Selected from...» խումբը, որտեղ էլ առաջին անգամ գրել է հիփ հոփ ժանրի երգ հայերենով։ Նրանք գրում էին երգեր հայերեն և ռուսերեն լեզուներով։ Մեկ տարի անց առանց տեսանելի պատճառների խումբը դադարեցրել է գործունեությունը[3]։
2001 թվականին Միշոն ծանոթացել է ՀՏ Հայկոյի հետ։ Երկու տարի հետո հրապարակվել է նրանց առաջին երգը՝ «Հայ տղեն տղայա» (իրենց խմբի անունով՝ «Հայ Տղեք»)։ Դա առաջին հիփ հոփ խումբն էր Հայաստանում։ «Հայ Տղեքը» պաշտոնապես դադարեցրել է իր գործունեությունը 2008 թվականին։ Նույն թվականին Միշոն հիմնադրել է նոր խումբ՝ «Հայ Թիմ» անունով[2]։
2007 թվականին Միշոն սկսել է սոլո գործունեություն՝ նույն տարում թողարկված «Էկա, տեսա, ...ի» ալբոմով։ Նա հանդես է եկել որպես լուրջ քնարերգու, որը բարձրաձայնում էր իր երկրի սոցիալական խնդիրները և արգելքները։ Նրա աշխատանքն աչքի էր ընկնում ոչ միայն Հայաստանում հիփ հոփը տարածելով, այլև ստեղծագործությունների քաղաքական, քնարական բովանդակությամբ։
Դերասանական գործունեություն խմբագրել
Երաժշտության մեջ Միշոյի հաջողությունը հանգեցրել է ֆիլմերի տարբեր առաջարկների։ 2005 թվականին նա ստացավ առաջին դերը «Մեր Բակը 3» ֆիլմում, որի համար գրել է նաև սաունդթրեք («Հայ տղեքի») հետ[4]։ 2010 թվականին նրան առաջարկվել է առաջին գլխավոր դերը «Պահանջվում է միլյոնատեր» ֆիլմում[5]։Այս ֆիլմի հաջողությունից հետո նրան առաջարկվել է ևս երկու դեր «Poker.Am»[6] (2012) և «Հյուսիս-հարավ»[7] (2015) ֆիլմերում։
Արշավներ խմբագրել
Միշոյի ճանաչումը, նրա երաժշտությունն ու դերասանական գործունությունը նրան դարձրել են նաև տարբեր արշավների դեմք։ 2012 թվականին նրա նկարը օգտագործվել է ՁԻԱՀ-ի դեմ քարոզարշավի ժամանակ, որի նպատակն էր գտնել արյան դոնորներ վիրուսով վարակվածների համար։ Միշոյին առաջարկվել է նաև անցկացնել վարպետության դաս Թումո ստեղծարար տեխնոլոգիաների կենտրոնում[8], որտեղ նա սովորեցրել է երեխաներին՝ ինչպես ինքնադրսևորվել ռեպի օգնությամբ։ 2015 թվականին VivaCell-MTS-ը[9] Միշոյին դարձրել է իր արշավների դեմքը, նկարահանել 4 գովազդային հոլովակ, նաև նրան պատվիրել գրել երգ, որը պիտի դառնար արշավի սաունդթրեքը («Super BIT»)[10]։
Բարեգործություններ խմբագրել
Բժշկի արտոնագիրը ստանալուց հետո Միշոն իր երաժշտական գործունեությանը զուգահեռ շարունակել է կամավոր կատարել բժշկի աշխատանքը՝ օգնելով աղքատության մեջ գտնվող, հաշմանդամ և մանկատան երեխաներին։ Նա նաև ելույթ է ունեցել տարբեր բարեգործական համերգներում, այդ թվում՝ Blood Drive 2013 թվականին Երևանում[11][12], դրամահավաք Բրյուսելում գտնվող հայկական գյուղերի կարիքավոր ընտանիքների համար 2015 թվականին[13] և դրամահավաք Հայաստանի հիվանդ երեխաների համար 2017 թվականին[14]։
Անձնական կյանք խմբագրել
2012 թվականին Միշոն Լոս Անջելեսում ծանոթացել է հեռուստապրոդյուսեր, հաղորդավարուհի և դերասանուհի Սոնա Հովհաննիսյանի հետ[15][16]։ 2015 թվականին նրանք ամուսնացել են Երևանում[17]։
Սկավառակագրություն խմբագրել
Միշոյի ալբոմները 2004 թվականց մինչ օրս[18][19][20]․
Հայ Տղեք խմբագրել
Սոլո ալբոմներ խմբագրել
- Էկա, տեսա, ...ի - 2007
- Քաղաքը խոսում ա, լսեք... - 2009
- Զրո - 2010
- Իմ Լեզուն - 2011
- Բծախնդիր - 2015
- Մառախուղ - 2017
- Խճճված Ջուր - 2020
Համատեղ ալբոմներ խմբագրել
Ծանոթագրություններ խմբագրել
- ↑ Gevorgyan Siranuysh (October 16, 2009)։ «Armenia Rap Rapprochement: Hay Tgheq Misho and Hayko reach peace over "puppy" protocols»։ ArmeniaNow.com։ Արխիվացված է օրիգինալից December 15, 2010-ին։ Վերցված է August 30, 2012
- ↑ 2,0 2,1 2,2 «Տենաս տենց լոմբարդ կա՞, որ սիրտս գրավ դնեմ…» Archived 2012-10-14 at the Wayback Machine.
- ↑ ՄԻՇՈ Archived 2017-10-14 at the Wayback Machine., avproduction.am
- ↑ "Mer Bake 3"
- ↑ A Millionaire Wanted at IMDB
- ↑ Poker AM at IMDB
- ↑ Four Buddies and the Bride at IMDB
- ↑ "Tumo Workshop"
- ↑ "VivaCellMTS"
- ↑ "Super Bit"
- ↑ "Blood Drive Performance"
- ↑ «"Blood Drive Event Participants"»։ Արխիվացված է օրիգինալից 2021-08-13-ին։ Վերցված է 2021-09-16
- ↑ "Charity Event in Brussels"
- ↑ "Charity Concert"
- ↑ "Sona Oganesyan IMDB"
- ↑ "Hollywood Reporter"
- ↑ "Sona's & Misho's Wedding"
- ↑ Misho - Дискография (2007-2011)
- ↑ Misho Albums
- ↑ [1]