Վաչագան Թովմասյան (հուլիսի 15, 1986(1986-07-15), Երևան, Հայկական ԽՍՀ, ԽՍՀՄ), ավելի հայտնի է որպես Վաչե, հայ դերասան, հումորիստ, շոումեն, պրոդյուսեր և սցենարիստ։

Վաչե Թովմասյան
Բնօրինակ անունՎաչե Թովմասյան
Ի ծնե անունՎաչագան Թովմասյան
Ծնվել էհուլիսի 15, 1986(1986-07-15) (34 տարեկան)
Երևան, Հայկական ԽՍՀ, ԽՍՀՄ
ԵրկիրFlag of Armenia.svg Հայաստան
Մասնագիտությունդերասան, կատակերգու, պրոդյուսեր, շոումեն և սցենարիստ
Գործունեություն2006

Կենսագրություն և ԿարիերաԽմբագրել

Ծնվել է 1986 թ. հուլիսի 15-ին, Երևանում։ Ամուսնացած է հաղորդավար, լրագրող Գայանե Մանուկյանի հետ։ 2003 թ. ավարտել է Երևանի Սիամանթոյի անվան թիվ 162 միջնակարգ դպրոցը։ Այնուհետև ընդունվել է Երևանի պետական տնտեսագիտական համալսարանի ինֆորմատիկայի բաժինը և 2008 թվականին ավարտել այն։ Որպես խմբագիր 2004 թ. աշխատել է Հայաստանի ուսանողական ազգային ասոցիացիայի կազմակերպած ՈՒՀԱ ուսանողական լիգայում։ 2005 թվականին Վաչեն դառնում է «32 ատամ» հումորային ակումբի անդամը, որտեղ էլ նա անում է իր առաջին սցենարիստի քայլերը[1]։ «32 ատամ»-ում դերասան և սցենարիստ հանդես է գալիս մինչև 2010 թ.։ 2006 թ. աշխատել է Հայաստանի հանրային հեռուստաընկերությունում՝ որպես «2 աստղ» նախագծի օրագրերի սցենարի հեղինակ։ 2009-10 թթ աշխատել է «Արմենիա» հեռուստաընկերությունում՝ «3 պատ» նախագծի դերասան և սցենարիստ, «Մեր Բակը» հեռուստասերիալի ստեղծագործական խմբի ղեկավար։ 2010-15 թթ աշխատել է «Շանթ» հեռուստաընկերությունում՝ որպես «Վիտամին ակումբ» նախագծի դերասան և սցենարիստ։ Եղել է նաև «Բարի լույս» հաղորդման հաղորդավարը և «Շիլաշփոթ» մանկապատանեկան հաղորդման ստեղծագործական խմբի ղեկավարը։ Նկարահանվել է նաև «Կորած և մոլորված Հայաստանում» (2012 թ.) ֆիլմում և «Բանակում» սիթքոմում 2009թ. 2015-17 թթ եղել է «ATV» հեռուստաընկերությամբ հեռարձակվող «Քարե դարդ» հումորային նախագծի գլխավոր դերակատարներից ու պրոդյուսերը[1]։ 2017 թ-ից նկարահանվել է «Ոսկե դպրոց» հումորային նախագծում, որտեղ հանդես է եկել նաև որպես պրոդյուսեր։ Այժմ հանդես է գալիս «Երգիր թե կարող ես» երաժշտական նախագծում՝ որպես հաղորդավար և «Կուկուռուզ» հումորային նախագծում՝ որպես դերասան և պրոդյուսեր։

ՖիլմագրությունԽմբագրել

Ֆիլմ
Տարի Անվանում Դեր Նշում
2012 Կորած մոլորվածը Հայաստանում
Հեռուստատեսություն
Տարի Անվանում Դեր Նշում
2011-2012 Գերդաստան Ալֆրեդ Երկրորդական դեր
2009 Բանակում Տիգրան
2015-2017 Քարե Դարդ Մոսո Գլխավոր դեր
2017-2018 Ոսկե դպրոց Ռոբերտ Գլխավոր դեր
2019 Կուկուռուզ Վաչե Գլխավոր դեր
Ինքը
Տարի Անվանում Նշում
2006-10 32 ատամ Comedy TV show
2010-2015 Վիտամին Ակումբ Comedy TV show
2009-2010 3 պատ Comedy TV show
2010 Բարի լույս Հաղորդավար

ԾանոթագրություններԽմբագրել

  1. 1,0 1,1 «Վաչե Թովմասյան»։ AV Production