Անվան այլ կիրառումների համար տես՝ Վերակրուս (այլ կիրառումներ)
Վերակրուս (իսպ.՝ Veracruz), քաղաք և նավահանգիստ Մեքսիկայի արևելքում, Մեքսիկական ծոցի ափին։ 307 հազար բնակչությամբ (1979)։ Երկաթուղիների, ավտոճանապարհների և օդային հաղորդակցությունների հանգույց է։ Երկրի ներմուծման գլխավոր նավահանգիստն է Մեքսիկական ծոցի ափին։ Կա մետալուրգիա, նավաշինություն, սննդի (հիմնականում՝ ծխախոտի), տեքստիլ արդյունաբերություն, շրջակայքում՝ նավթավերամշակում։ Հիմնադրվել է 1519 թվականին։ Պահպանվել են 16-18-րդ դարերի ճարտարապետական հուշարձաններ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 392)։ 
|
Մեքսիկա
