Բացել գլխավոր ցանկը

Վացլավ Վացլավովիչ Վորովսկի (ռուս.՝ Вацлав Вацлавович Воровский, լեհ.՝ Wacław Worowski, գրական և կուսակցական ծածկանունները՝ Պ․ Օռլովսկի, Շվարց, ժոզեֆինա Ֆավն, հոկտեմբերի 15 (27), 1871, Մոսկվա, Ռուսական կայսրություն[1] - մայիսի 10, 1923(1923-05-10)[1], Լոզան, Շվեյցարիա[1]), մարքսիստ հեղափոխական, խորհրդային կուսակցական և պետական գործիչ, հրապարակախոս, գրական քննադատ։ Կոմունիստական կուսակցության անդամ՝ 1894 թվականից։

Վացլավ Վորովսկի
Vorovskiy VV.jpg
Ծնվել էհոկտեմբերի 15 (27), 1871
ԾննդավայրՄոսկվա, Ռուսական կայսրություն[1]
Մահացել էմայիսի 10, 1923(1923-05-10)[1] (51 տարեկանում)
Մահվան վայրԼոզան, Շվեյցարիա[1]
ՔաղաքացիությունՌուսական կայսրություն
Flag of the Soviet Union (1924–1955).svg ԽՍՀՄ
ԿրթությունՊետրոպավլովի տղամարդկանց ուսումնարան, Մոսկվայի պետական համալսարան և Մոսկվայի Ն. Բաումանի անվան պետական տեխնիկական համալսարան
Մասնագիտությունդիվանագետ, գրական քննադատ և քաղաքական գործիչ
Զբաղեցրած պաշտոններդեսպան
Քաղաքական կուսակցությունԽՄԿԿ
Vatslav Vorovsky Վիքիպահեստում

ԿենսագրությունԽմբագրել

1891-1897 թվականներին սովորել է Մոսկվայի բարձրագույն տեխնոլոգիական ուսումնարանում, մասնակցել ուսանողական շարժմանը։ 1894 թվականից՝ Մոսկվայի բանվորների միության անդամ։ 1902 թվականից աշխատակցել է լենինյան «Իսկրա»-ին, եղել դրա շրջիկ գործակալը։ 1904 թվականին՝ Օդեսայում ՌՍԴԲԿ ԿԿ Հարավային բյուրոյի կազմակերպիչներից։ Մասնակցել է կուսակցության III (1905 թվական) և IV (1906 թվական) համագումարներին։ Եղել է բոլշևիկների ներկայացուցիչը Լեհաստանի թագավորության և Լիտվայի ս-դ-ի V համագումարում (1906 թվական)։ Վորովսկիի հասարակական-հեղափոխական․ աշխատանքի Էական մասը նրա գրական գործունեությունն Էր բոլշևիկյան «Վպերյոդ» («Вперёд»), «Պքւուեւռարի» («Пролетарий»), «Պրավդա» («Правда») են թերթերում ու այլ ամսագրերում։ Գեորգի Պլեխանովի, Անատոլի Լունաչարսկու հետ Վորովսկին Ռուսաստանում մարքսիստական գեղարվեստական քննադատության հիմնադիրներից է, հանդես է եկել որպես մարքսիզմի պրոպագանդիստ: 1917 թվականի Փետրվարյան հեղափոխությունից հետո գլխավորել է Ստոկհոլմում գտնվող ՌՍԴԲ(բ)կ ԿԿ արտասահմանյան ներկայացուցչությունը։ 1917 թվականից ստանձնել է Խորհրդային Միության դեսպանի պաշտոնը Սկանդինավյան երկրներում (Շվեդիա, Դանիա, Նորվեգիա1921 թվականից՝ լիազոր ներկայացուցիչ Իտալիայում։ Եղել է խորհրդային պատվիրակության գլխավոր քարտուղարը Ջենովայի (1922 թվական), Լոզանի (1922-1923 թվականներին) միջազգային կոնֆերանսներում։ Լոզանում սպանվել է սպիտակգվարդիականների կողմից։

Թաղված է Մոսկվայում, Կարմիր հրապարակում։ 1961 թվականին ԽՍՀՄ-ում սահմանվեց Վորովսկու անվան մրցանակ միջազգային ժուռնալիստիկայի գծով՝ տարվա լավագույն աշխատանքի համար։

ԾանոթագրություններԽմբագրել

  1. 1,0 1,1 1,2 1,3 1,4 1,5 1,6 1,7 1,8 Воровский Вацлав Вацлавович // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 502