Վավիկ Վարդանյան
- Վիքիպեդիայում կան հոդվածներ Վարդանյան ազգանունով այլ մարդկանց մասին։
Վավիկ (Անուշավան) Տիգրանի Վարդանյան (դեկտեմբերի 28, 1900 կամ 1900[1], Ղուբա, Բաքվի նահանգ, Ռուսական կայսրություն - նոյեմբերի 7, 1967 կամ 1967[1], Երևան, Հայկական ԽՍՀ, ԽՍՀՄ), հայ ռեժիսոր, դերասան, ՀԽՍՀ ժողովրդական արտիստ (1950)։
 | |
|---|---|
 | |
| Ծնվել է | դեկտեմբերի 28, 1900 կամ 1900[1] |
| Ծննդավայր | Ղուբա, Բաքվի նահանգ, Ռուսական կայսրություն |
| Մահացել է | նոյեմբերի 7, 1967 կամ 1967[1] |
| Մահվան վայր | Երևան, Հայկական ԽՍՀ, ԽՍՀՄ |
| Կրթություն | Մոսկվայի հայկական դրամատիկական ստուդիա |
| Մասնագիտություն | դերասան և ռեժիսոր |
| Աշխատավայր | Ալեքսանդր Սպենդիարյանի անվան օպերայի և բալետի ազգային ակադեմիական թատրոն |
| Պարգևներ և մրցանակներ |  և  |
Դերասանուհի Ռուզաննա Վարդանյանի եղբայրը։
Կենսագրություն
խմբագրելՎավիկ Վարդանյանը ծնվել է Ղուբա քաղաքում մտավորականի ընտանիքում։ Գործունեությունն սկսել է սիրողական խմբերից՝ մասնակցելով Կովկասում շրջագայող հայկական թատերախմբերի ներկայացումներին։
1918 թվականին Աստրախանում ղեկավարում է Հայկական գործերի կոմիսարիատի տեղական բաժանմունքին առընթեր բացված դրամատիկական ստուդիան։ Երկու տարի աշխատելով այստեղ՝ նա չորս տարի էլ աշխատում է Հյուսիսային Կովկասի հայկական թատրոններում։
1920 թվականին հիմնադրել և մինչև 1926 թվականը ղեկավարել է Ստավրոպոլի հայկական թատրոնը։
Վարդանյանը ստեղծագործական ռեժիսուրա է ուսումնասիրել Մոսկվայի հայկական դրամատիկական ստուդիայում, որտեղ սովորել է 1924-1925 թվականներին։
Վարդանյանն իր գործունեությունը սկսել է իբրև դերասան, այնուհետև սկսել է ներկայացումներ բեմադրել։ Ստեղծել է բազմաթիվ թատրոն-ստուդիաներ, իսկ 1944 թվականին հիմնադրել է հայկական առաջին թատերական բարձրագույն դպրոցը, եղել է դրա տնօրենը (1946 թվականից` պրոֆեսոր)։
Վարդանյանը ղեկավարել է Հայկական թատերական ընկերությունը, եղել հանրապետության գերագույն խորհրդի նախագահության նախագահի տեղակալ, հանրապետության մշակույթի նախարարի տեղակալ, հասարակական մի շարք միությունների, խորհուրդների անդամ և այլն։ Պրոպագանդել է Ստանիսլավսկու սիստեմը[2], ռուսական արվեստի լավագույն ավանդույթները։ Գրել է հայ և օտար թատրոնի պատմության մասին երկեր[3]։
1954-1958 թվականներին եղել է Սպենդիարյանի անվան օպերայի և բալետի թատրոնի գլխավոր ռեժիսորը[4]։ 1951-1955 թվականներին եղել է Հայաստանի Գերագույն սովետի նախագահության նախագահի, 1953-1954 թվականներին` կուլտուրայի մինիստրի տեղակալ, 1952-1955 թվականներին, 1959-1965 թվականներին` Հայկական թատերական ընկերության վարչության նախագահը, Հայաստանի 2-րդ, 3-րդ և 4-րդ գումարումների Գերագույն խորհրդի պատգամավոր[5]։
Պարգևներ
խմբագրելՊարգևատրվել է մի շարք շքանշաններով, պետական պարգևներով։ 1950 թվականին արժանացել է ՀԽՍՀ ժողովրդական արտիստի կոչման։
Բեմադրություններ
խմբագրել- «Պատվի համար»
- «Եվգինե»
- «Ավերակների վրա»
- «Չար ոգի»
- «Մարվող կրակներ»
- «Մագդա»
- «Հեքիաթ»
- «Հեռավորը»
- «Անհանգիստ ծերություն»
- «Հրացանավոր մարդը»
- «Ռուսական հարց»
- «Ռուս մարդիկ»
- «Սպանված աղավնի»
- «Խոր արմատներ»
- «Մոսկովյան բնավորություն»
- «Ռոմեո և Ջուլիետ»
- «Արշակ Երկրորդ»
- «Արծվաբերդ»
- «Տարտյուֆ»
- «Սկապենի արարքները»
- «Բեկում»
- «Առաջարկություն»
- «Ամպրոպ»
- «Բելա»
- «Օթելլո»
- «Իլյա Գոլովին»
- «Թեհրան»
Պատկերասրահ
խմբագրել-
Վավիկ Վարդանյանի հուշատախտակը Երևանի թատրոնի և կինոյի պետական ինստիտուտի պատին -
Վավիկ Վարդանյանի հուշատախտակը Երևանի այն տան պատին, որտեղ նա ապրել է 1941-1967 թվականներին
Ծանոթագրություններ
խմբագրել- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ «Bibliothèque de l'Église apostolique arménienne - Paris - Վարդանյան , Վավիկ». www.bibliotheque-eglise-armenienne.fr. Վերցված է 2018 թ․ դեկտեմբերի 28-ին.
- ↑ «Կոհա առցանց քարտարան, Վարդանյան, Վավիկ Տիգրանի». haygirk.nla.am. Վերցված է 2018 թ․ դեկտեմբերի 28-ին.
- ↑ Հայ սովետական թատրոնի պատմություն. Երևան: ՀՍՍՀ Գիտությունների Ակադեմիայի Հրատարակչություն. 1967.
- ↑ «ВАРТАНЯН ВАЛЕНТИН ТИГРАНОВИЧ». kino-teatr.ru. Վերցված է 2018 թ․ դեկտեմբերի 28-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 322)։ 
|
 | Վիքիդարանն ունի նյութեր, որոնք վերաբերում են «Վավիկ Վարդանյան» հոդվածին։ |