Ռուբեն Սաֆրաստյան

արևելագետ-թուրքագետ


Ռուբեն Արամի Սաֆրաստյան (հոկտեմբերի 5, 1955(1955-10-05), Երևան, Հայկական ԽՍՀ, ԽՍՀՄ), արևելագետ-թուրքագետ, ՀՀ ԳԱԱ ակադեմիկոս (2014), պատմական գիտությունների դոկտոր (2009), պրոֆեսոր (2007ՀՀ ԳԱԱ Արևելագիտության ինստիտուտի տնօրեն (2006), ՀՀ Նախագահին կից Հանրային խորհրդի Կրոնի, սփյուռքի և միջազգային ինտեգրման հանձնաժողովի նախագահ։

Ռուբեն Սաֆրաստյան
Ռուբեն Սաֆրաստյան.jpg
Ռուբեն Սաֆրաստյանը
Ծնվել էհոկտեմբերի 5, 1955 (64 տարեկան)
Հայկական Խորհրդային Սոցիալիստական Հանրապետություն, Երևան, ՀԽՍՀ, ԽՍՀՄ
Բնակության վայր(եր)Հայաստան Երևան Երևան, Հայաստան
ՔաղաքացիությունՀայաստան Հայաստան
ԱզգությունՀայ
ԴավանանքՀայ Առաքելական Եկեղեցի
ՄասնագիտությունԱրևելագիտություն
Թուրքագիտություն
Պատմություն
Հաստատություն(ներ)ՀՀ Գիտությունների Ազգային Ակադեմիա
Ալմա մատերԵՊՀ
Գիտական աստիճանպրոֆեսոր
Գիտական ղեկավարպրոֆեսոր Հովհաննես Ինճիկյան
Պարգևներ«Մովսես Խորենացի» մեդալ
«Գարեգին Նժդեհ» մեդալ

ԿենսագրությունԽմբագրել

Ծնվել է 1955 թվականի հոկտեմբերի 5-ին Երևանում հայտնի թուրքագետ, արևելագետ և քաղաքական գործիչ Արամ Սաֆրաստյանի ընտանիքում։

1977 թ. ավարտել է ԵՊՀ արևելագիտության ֆակուլտետի թուրքագիտության բաժինը և 1980 թ.` Հայաստանի Հանրապետության ԳԱԱ Արևելագիտության ինստիտուտի ասպիրանտուրան: 1981 թ. աշխատանքի է անցել ՀՀ Գիտությունների Ազգային Ակադեմիայի համակարգում: Եղել է Արևելագիտության ինստիտուտի կրտսեր, հետագայում` ավագ և առաջատար գիտաշխատող, Թուրքիայի բաժնի վարիչ։ 2006 թ. նույն ինստիտուտի տնօրենն է։ 1988 - 1991 թթ. աշխատել է որպես ՀՀ ԳԱԱ Սփյուռքի ուսումնասիրման կենտրոնի փոխտնօրեն։

1983 թ. համատեղության կարգով գիտամանկավարժական աշխատանք է տարել Երևանի բարձրագույն ուսումնական հաստատություններում (Երևանի պետական համալսարան, Հայկական մանկավարժական ինստիտուտ, Գեղարվեստա-թատերական ինստիտուտ, Աճառյան համալսարան)։

Ունի նաև պետական կառավարման բարձրագույն մարմիններում քաղաքագետ-վերլուծաբանի, ինչպես նաև դիվանագիտական աշխատանքի փորձառություն. 1991-1992 թթ. եղել է Հայաստանի Գերագույն Խորհրդի միջազգային հարաբերությունների գծով ավագ փորձագետ, 1992-1996 թթ.՝ ՀՀ նախագահի աշխատակազմի վերլուծական բաժնի վարիչի տեղակալ։ 1996-1997 թթ. վարել է դիվանագիտական աշխատանք Գերմանիայում` աշխատելով Բոննում ՀՀ դեսպանատան խորհրդական:

1999 թ. հաղթել է Հումբոլդտի անվան (Գերմանիա) միջազգային գիտական մրցույթում և մեկ տարի հետազոտական աշխատանք է վարել Գերմանիայի Բոխում քաղաքի համալսարանում: 2001 թ. հաղթել է Ֆուլբրայթի անվան (ԱՄՆ) միջազգային գիտական մրցույթում և մեկ տարի գիտական պրպտումներ է կատարել Կալիֆորնիայի Բըրքլի համալսարանում: 2002 թ. հաղթել է Կենտրոնական Եվրոպական Համալսարանի (Բուդապեշտ, Հունգարիա) կողմից հայտարարված միջազգային քաղաքականության ուսումնասիրման գիտական մրցույթում և մեկ տարի գիտական ուսումնասիրություններ է կատարել նույն համալսարանի Քաղաքականության ուսումնասիրման կենտրոնում:

Ռուբեն Սաֆրաստյանը շարունակողն է Սաֆրաստյանների արևելագիտական գերդաստանի. Արամ Սաֆրաստյան և Արշակ Սաֆրաստյան:

Գիտական աշխատանքԽմբագրել

Հաղթել է մի շարք հեղինակավոր միջազգային գիտական մրցույթներում` Հումբոլդտի անվան (Գերմանիա), Ֆուլբրայթի անվան (ԱՄՆ), Միջազգային քաղաքականության ուսումնասիրման (Հունգարիա) և հետազոտական աշխատանք է տարել այդ երկրների առաջատար համալսարաններում։ Հիմնադիրն է ու խմբագիրը «Թյուրքագիտական և օսմանագիտական հետազոտություններ» և «Ժամանակակից Եվրասիա» գիտական պարբերականների։ Հեղինակ է հարյուրից ավելի գիտական աշխատությունների, որոնք նվիրված են Թուրքիայի նոր ու նորագույն պատմության և արտաքին քաղաքականության, ինչպես նաև Հայոց ցեղասպանության ուսումնասիրման հարցերին։

ՊարգևներԽմբագրել

Պարգևատրվել է «Մովսես Խորենացի» (2008 թ.) և «Գարեգին Նժդեհ» (2010) մեդալներով։

ԱղբյուրներԽմբագրել

Արտաքին հղումներԽմբագրել