Ռուբեն Մարուխյան

հայ դրամատուրգ, ռեժիսոր, արձակագիր

Ռուբեն Արամի Մարուխյան (նոյեմբերի 15, 1934(1934-11-15), Երևան, Հայկական ԽՍՀ, ԱԽՖՍՀ, ԽՍՀՄ), հայ դրամատուրգ, ռեժիսոր, արձակագիր։ 1978 թվականից Հայաստանի գրողների միության անդամ է, 2020 թվականից՝ Կալիֆորնիայի հայ գրողների միության անդամ։ 2021 թվականին արժանացել է ԿՀԳՄ պատվավոր անդամի կոչման[1][2][3]։

Ռուբեն Մարուխյան
Ծնվել էնոյեմբերի 15, 1934(1934-11-15) (87 տարեկան)
ԾննդավայրԵրևան, Հայկական ԽՍՀ, ԱԽՖՍՀ, ԽՍՀՄ
ՔաղաքացիությունFlag of the Soviet Union.svg ԽՍՀՄ և Flag of Armenia.svg Հայաստան
Ազգությունհայ
ԿրթությունԵրևանի պետական գեղարվեստաթատերական ինստիտուտ (1960)
Մասնագիտությունդրամատուրգ, ռեժիսոր և արձակագիր
ԱշխատավայրՀՀ ԳԱԱ արվեստի ինստիտուտ և Երևանի թատրոնի և կինոյի պետական ինստիտուտ
ԿուսակցությունԽՄԿԿ
ԱնդամությունՀԳՄ, Հայաստանի ժուռնալիստների միություն և Հայաստանի թատերական գործիչների միություն

ԿենսագրությունԽմբագրել

Ռուբեն Մարուխյանը ծնվել է 1934 թվականի նոյեմբերի 15-ին Երևանում։ 1960 թվականին ավարտել է Երևանի գեղարվեստա-թատերական ինստիտուտի դերասանական ֆակուլտետը, Սերգեյ Օբրազցովի անվան տիկնիկային թատրոնի ռեժիսուրայի բարձրագույն դասընթացները։ Աշխատել է ՀՀ ԳԱԱ արվեստի ինստիտուտում` որպես կրտսեր գիտաշխատող։ 1960-1970 թվականներին որպես ռեժիսոր աշխատել է Հայաստանի պետական հեռուստառադիոընկերության մանկական և երիտասարդական հաղորդումների խմբագրությունում, ստեղծել է տասնյակ մանկական հաղորդումներ, հեռուստաբեմադրություններ։ Աշխատել է նաև Հրաչյա Ղափլանյանի անվան դրամատիկական թատրոնում, «Երևան» կինոմիավորումում, Երևանի պետական տիկնիկային թատրոնում՝ որպես բեմադրող ռեժիսոր, գեղարվեստական ղեկավար և տնօրեն[1][2]

Երևանի թատրոնի և կինոյի պետական ինստիտուտի պրոֆեսոր է, 1974 թվականից դասավանդում է հեռուստառեժիսուրա, դերասանի վարպետություն, դրամատուրգիա[2]։ Ռուբեն Մարուխյանի պիեսները բեմադրվել են Հայաստանի պետական թատրոններում, ռադիո և հեռուստաթատրոններում, արտերկրում։ Հեղինակ է չորս տասնյակից ավելի բեմադրությունների։ Մամուլում հանդես է եկել բազմաթիվ հոդվածներով։ Հեղինակ է ավելի քան 25 գրքի։ Մարուխյանի ստեղծագործությունները թարգմանվել ու տպագրվել են ռուսերեն, անգլերեն, ‎ֆրանսերեն, իտալերեն, լեհերեն, գերմաներեն։

1978 թվականից Հայաստանի գրողների միության անդամ է։ Հանդիսանում է նաև Հայաստանի ժուռնալիստների և թատերական գործիչների միությունների անդամ։ Արժանացել է պարգևների և կոչումների արվեստի և մշակույթի բնագավառում։

Հեղինակել է «Ամենալավ տունը», «Իսկական ընկեր», «Խոսող ձուկը», «Ծաղրածու», «Չիկարելիի արկածները», «Մկնիկը» և այլ պիեսներ, մի շարք հեքիաթներ, ժողովածուներ, վիպակներ, որոնց մի մասը թարգմանվել է ֆրանսերեն, գերմաներեն, անգլերեն, իտալերեն և այլ լեզուներով[1]։ 2020-2021 թվականների տպագրվել է Կալիֆորնիայի հայ գրողների միության «Ժամանակակից դրամատուրգիա» ժողովածուի երկրորդ և չորրորդ հատորներում։

Մրցանակներ և պարգևներԽմբագրել

  • «Չիկարելիի արկածները» հեքիաթ-վիպակի համար արժանացել է ՀԳՄ մանկական լավագույն գրքի 1-ին մրցանակի (1988)։
  • «Մուկիկը» վիպակի համար արժանացել է միջազգային ՊԷՆ գրական ընկերակցության մրցանակի (2010)։
  • «Տիկնիկների զարմանահրաշ տոնավաճառ» գրքի համար արժանացել է ՀԳՄ Վախթանգ Անանյանի անվան մանկապատանեկան գրականության մրցանակի (2013)։
  • Թատերարվեստին արժանապատիվ ծառայության համար արժանացել է ՀԹԳՄ «Արտավազդ» մրցանակի (2015)։
  • Կալիֆորնիայի հայ գրողների միության «ՏԻՐ» ամենամյա մրցանակաբաշխության շրջանակներում արժանացել է «Երախտագիտություն» պատվո շքանշանի (2021)[1]։

ԵրկերԽմբագրել

  • Հեքիաթների տոնավաճառ, Երևան, 2003
  • Զրույցներ թատրոնի մասին, Երևան, 2006
  • Չիկարելիի նոր արկածները, Երևան, 2008, նաև ռուսերեն, Երևան, 2008[4]
  • Տիկնիկների զարմանահրաշ տոնավաճառ, Երևան, 2013
  • Ընտրանի, Երևան, 2015[5][6]
  • Պիեսներ ժողովածու, 2021 (խմբագիր՝ դրամատուրգ Մխիթար Մոս-Մուշեղյան)

ԾանոթագրություններԽմբագրել

  1. 1,0 1,1 1,2 1,3 Baghdasaryan Aram։ «AV Production - Ռուբեն Մարուխյան»։ avproduction.am։ Վերցված է 2017-02-04 
  2. 2,0 2,1 2,2 Ռուբեն Մարուխյանի մասին ՀԳՄ կայքում
  3. «Рубен Марухян»։ Кино-Театр.Ру։ Վերցված է 2021-08-07 
  4. «Марухян, Рубен Арамович - Приключения Чикарели : Повесть : [Для сред. и ст. шк. возраста] - Search RSL»։ search.rsl.ru։ Վերցված է 2021-08-07 
  5. «Ռուբեն Մարուխյանն իր 80-ամյա հոբելյանի առիթով ընթերցողին նոր գիրք կներկայացնի»։ «Ազատ Եվրոպա/Ազատություն» ռադիոկայան (հայերեն)։ Վերցված է 2021-08-07 
  6. «Ավետիք Իսահակյանի անվ. կենտրոնական գրադարան»։ www.isahakyanlibrary.am։ Վերցված է 2021-08-07 

Արտաքին հղումներԽմբագրել