Ռուբեն Մանուկյան (նկարիչ)
Անվան այլ կիրառումների համար տե՛ս՝ Ռուբեն Մանուկյան (այլ կիրառումներ)
Ռուբեն Սոսի Մանուկյան (հուլիսի 2, 1940, Երևան, Հայկական ԽՍՀ, ԽՍՀՄ), հայ գեղանկարիչ, Հայաստանի վաստակավոր նկարիչ (1990)։
Ռուբեն Մանուկյան | |
|---|---|
| Ի ծնե | Ռուբեն Սոսի Մանուկյան |
| Ծնվել է | հուլիսի 2, 1940 (83 տարեկան) |
| Ծննդավայր | Երևան, Հայաստան |
| Ազգություն | հայ |
| Քաղաքացիություն |  Հայաստան |
| Մասնագիտություն | նկարիչ |
| Ակտիվ շրջան | գեղանկարիչ |
| Անդամակցություն | Հայաստանի նկարիչների միություն |
Գեղանկարիչ-գրաֆիկ Ալեքսանդրա Մանուկյանի հայրն է։
Կենսագրություն խմբագրել
1960 թվականին ավարտել է Երևանի Փանոս Թերլեմեզյանի անվան գեղարվեստի ուսումնարանը, 1965 թվականին՝ Երևանի գեղարվեստա-թատերական ինստիտուտը։ 1970 թվականից Հայաստանի նկարիչների միության անդամ է։ 1962-1980 թվականներին եղել է Ավանգարդ թերթի գլխավոր նկարիչը։ 1977 թվականին եղել է ՀՆՄ քարտուղարը։ Գործերին բնորոշ են հստակ գիծը, հագեցած գույնը («Ճոճանակ», 1974 թ., ՀՀ մշակույթի նախարարության ֆոնդ, «Վերածնունդ», 1988 թ., «Անդորր», 1993 թ., «Երկնային ֆանտազիա», 1995 թ., «Վարդագույն երազներ», 2001 թ.)։ Հեղինակ է նաև գրքի ձևավորումների։
Գործերից պահվում են Ստաժիցեի (Բուլղարիա), Կլայպեդայի (Լիտվա), Ջերմուկի պատկերասրահում[1], Մոսկվայի Արևելքի ժողովուրդների արվեստի թանգարանում, Հայաստանի ազգային պատկերասրահում[2]։
Ցուցահանդեսներ խմբագրել
- Անհատական ցուցահանդես, Բեյրութ, 1973 թ.
- Հայ նկարիչների ցուցահանդես, Քյոլն, Գերմանիա, 1977 թ.
- Անհատական ցուցահանդես Հայաստանի ժուռնալիստների միությունում, Երևան, 1979 թ.
- Անհատական ցուցահանդես, Բուլղարիա
- Հայ նկարիչների ցուցահանդես, Տորոնտո, Կանադա, 1983 թ.
- Անհատական ցուցահանդես, Սոչի, 1984 թ.
- Անհատական ցուցահանդես, 1987 թ., Եթովպիա (արժանացել է մրցանակի)
- Անհատական ցուցահանդես, Ալեք Մանուկյան սրահ, Ֆրանսիա, 1992 թ.
- Անհատական ցուցահանդես, Ֆրեզնո, Կալիֆորնիա, 1993 թ.
- Անհատական ցուցահանդես, Բևերլի Հիլզ, Կալիֆորնիա
- Լոս Անջելեսի երաժշտա-թատերակամ միություն, 1995 թ.
- Թեքեյան մշակութային կենտրոն, Փասադենա, Կալիֆորնիա
- Թեքեյան մշակութային կենտրոն, Երևան, 1997 թ.
- Միջազգային Արտ-Էքսպո, Լոս Անջելես, 1998 թ.
- Հայ նկարիչների ցուցահանդես, Երևան, 2000 թ.
- Միջազգային Արտ-Էքսպո, Լաս Վեգաս, 2007 թ.
- «Զազզվե», 2009 թ.
- ՀԲԸՄ Արվեստի և մշակույթի կոմիտեի Փասադենայի կենտրոն, 2010 թ.
- ՀԲԸՄ Նազարյան կենտրոն, 2011 թ.
Ծանոթագրություններ խմբագրել
- ↑ Ռուբեն Մանուկյանի գործերից Ջերմուկի պատկերասրահում
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
Արտաքին հղումներ խմբագրել
- Ռուբեն Մանուկյան Արխիվացված 2022-05-17 Wayback Machine