Ջերմուկի պատկերասրահ

Ջերմուկի պատկերասրահ, Հայաստանի հանրապետության Վայոց ձոր մարզի Ջերմուկ քաղաքում գործող Հայաստանի ազգային պատկերասրահի Ջերմուկի մասնաճյուղ՝ պատկերասրահ։ Այն գործում է 1972 թվականից։

Հայաստանի ազգային պատկերասրահի Ջերմուկի մասնաճյուղ
Ջերմուկի պատկերասրահ.jpg
Տեսակպատկերասրահ
ԵրկիրՀայաստան
ՏեղագրությունՀայաստան Հայաստան
Ջերմուկ
Չարենցի 1
ՀասցեՎայոց ձորի մարզ, Ջերմուկ, Չարենցի 1
Հիմնադրված է1972
ՏնօրենՎարդան Ավետյան
Կայքgallery.am/hy/Branches/DjermukGallery/

ՊատամությունԽմբագրել

Ջերմուկի պատկերասրահի շենքը մինչև 1972 թվականը եղել է հյուրանոց ռեստորան։ 1972 թվականից Հայաստանի ազգային պատկերասրահն այն վերցրել է և մինչ օրս գործում է որպես պատկերասրահ (ՀԱՊ Ջերմուկի մասնաճյուղ ՊՈԱԿ)[1]։ Ջերմուկի պատկերասրահը գտնվում է Արփա գետի առափնյա լանջին։ Ցուցադրությունը դիտելուց հետո այցելուները հնարավորություն ունեն բակային տարածքից բացված դաշտային ճանապարհով տասը րոպեում հասնել Ջերմուկի ջրվեժ։

ՑուցադրությունԽմբագրել

Պատկերասրահի մշտական ցուցադրության հավաքածուն ներառում է 1920-1990-ական թվականների ստեղծագործողների մոտ 100 գեղանկարներ ու քանդակներ: Ցուցադրությունը ներառում է խորհրդային-հայկական և ժամանակակից մշակութային ժառանգության ցուցանմուշներ։ Ներկայացված են Մարտիրոս Սարյանի[2], Արա Սարգսյանի, Գևորգ Գրիգորյանի, Մհեր Աբեղյանի, Հովհաննես Զարդարյանի, Հարություն և Արմինե Կալենցների, Գրիգոր Խանջյանի, , Լավինա Բաժբեուկ-Մելիքյանի, Սարգիս Բաղդասարյանի, Խաչատուր Իսկանդարյանի, Մարտին Պետրոսյանի, Ռուբեն Ադալյան (նկարիչ)ի և այլոց աշխատանքներ[3]:

 
Ջերմուկի պատկերասրահի առաջին հարկի ցուցասրահ
 
Ջերմուկի պատկերասրահի երկրորդ հարկի ցուցասրահ

ՄիջոցառումներԽմբագրել

Բացի մշտական ցուցադրությունից, մասնաճյուղում պարբերաբար կազմակերպվում են մշակութային տարբեր միջոցառումներ, այդ թվում՝ ժամանակավոր ցուցահանդեսներ, հուշ-երեկոներ, դասախոսություններ և դասընթաց-սեմինարներ։

ԾանոթագրություններԽմբագրել