Ռոզամունդ Փայք
Ռոզամունդ Փայք (անգլ.՝ Rosamund Pike, Ռոզամունդ Մերի Էլեն Փայք (անգլ.՝ Rosamund Mary Ellen Pike), հունվարի 27, 1979[1][2][3][…], Համմերսմիթ, Լոնդոն, Անգլիա, Միացյալ Թագավորություն[4]), անգլիացի դերասանուհի։ Հայտնի է, առաջին հերթին, շնորհիվ դերերի «Մեռիր, բայց ոչ հիմա» (Ջեյմս Բոնդի մասին ֆիլմերից մեկը), «Կորածը», «Երկիր ավետյաց», «Բառնիի վարկածով» և «Հպարտություն և նախապաշարմունք» ֆիլմերում։
 անգլ.՝ Rosamund Pike | |
|---|---|
 | |
| Ծնվել է | հունվարի 27, 1979[1][2][3][…] (45 տարեկան) |
| Ծննդավայր | Համմերսմիթ, Լոնդոն, Անգլիա, Միացյալ Թագավորություն[4] |
| Կրթություն | Ուոդհեմ քոլեջ և Բադմինթոնի դպրոց |
| Քաղաքացիություն | .svg){kind=small} Միացյալ Թագավորություն |
| Մասնագիտություն | ձայնային դերասանուհի, թատրոնի դերասանուհի, կինոդերասանուհի, հեռուստատեսային դերասանուհի, վիպասաց և դերասանուհի |
| Ծնողներ | հայր՝ Julian Pike? |
| Համատեղ ապրող(ներ) | Robie Uniacke?[5] |
| Երեխա(ներ) | Solo Uniacke?[6] և Atom Uniacke?[6] |
| Պարգևներ և մրցանակներ | |
Կենսագրություն
խմբագրելՌոզամունդ Փայկը միակ զավակն էր օպերային երգիչներ Յուլիան և Կարոլինա Փայկերի ընտանիքում։ Ռոզամունդը այցելում էր Բրիստոլի դպրոց-ինտերնատ։ 16 տարեկանում ընդունվում է հանրահայտ Ազգային երիտասարդական թատրոն (անգլ.՝ National Youth Theatre), որտեղ խաղում է երեք եթերաշրջան։ Նրա ամենանշանակալից դերը այդ թատրոնում լինում է Ջուլիետը «Ռոմեո և Ջուլիետ» պիեսում։
Այնուհետև Ռոզամունդը ընդունվում է Վեդհեմ (անգլ.՝ Wadham) քոլեջը Օքսֆորդի համալսարանում, որպեսզի ուսումնասիրի անգլիական գրականությունը։ Այստեղ նա բավականին հաջող մասնակցում է մի քանի ուսանողական թատերական բեմադրություններում, հյուրախաղերի է մեկնում ուսանողական թատրոնի «Կամակոր կնոջ սանձահարումը» բեմադրությունով, այդ թվում նաև լինելով Ճապոնիայում։ Ուսումն ավարտելուց մի քիչ առաջ նա խաղում է «Ամուսնություն անգլիական ձևով» (անգլ.՝ A Rather English Marriage)» հեռուստաֆիլմում, Թոմ Քորթնիի և Ալբերտ Ֆիննի հետ միասին։ Նա նաև ելույթ է ունեցել տեղական թատրոնում, հանրահայտ Oxford Playhouse-ում, Սթիվեն Ջեֆիզի «Անառակը» (անգլ.՝ The Libertine) և Արթուր Միլլերի «Բոլոր իմ որդիները» (անգլ.՝ All My Sons) պիեսներում։ Դեռևս մինչ Օքսֆորդ ընդունվելը Ռոզամունդը մասնակցություն է ունեցել նախագծի քասթինգում, որն այն ժամանակ չի իրականացվում։ Սակայն մեկ տարի անց նա անսպասելիորեն հրավեր է ստանում վերադառնալ փորձերին և արդյունքում ստանում է լեդի Հերիետի դերին BBC-ի «Կանայք և դուստրեր» (անգլ.՝ Wives and Daughters) ֆիլմում, որտեղ նրա խաղընկերներն են դառնում Մայքլ Գեմբոնը, Ֆրանչեսկա Էննիսը և Բիլլ Պատերսոնը։ Vanity Fair ամսագիրը, մեկնաբանելով Ռոզամունդ Փայկի խաղը, դերասանուհուն համեմատում է «դրոշի հետ, որը ծածանվում է քամուց»։ Ինն ամիս Ռոզամունդը նկարահանվել է այդ ֆիլմում, իսկ այնուհետև վերադառնում է Օքսֆորդ, որպեսզի ավարտի ուսումը և խաղալու իր վերջին դերը Oxford Playhouse-ում։ Այն դառնում է Դեյզիի դերը Իոնեսկոյի «Ռնգեղջյուրը» (անգլ.՝ Rhinoceros) պիեսում։ Հաջորդ ամառային արձակուրդներին նա ինը շաբաթվա ընթացքում նկարահանվում է «Սեր սառը կլիմատում» (անգլ.՝ Love in a Cold Climate) ֆիլմում, ըստ Նենսի Միտֆորդի ստեղծագործությունների։ Նրա խաղընկերներն են լինում Ալան Բեյթսը, Շեյլա Գիշը, Չելի Իմրին, Ջուն Սթենդինգը և Էնթոնի Էնդրյուսը։ Վերադառնալով Օքսֆորդ, Ռոզամունդը ուսմանը զուգահեռ հանդես է գալիս թատրոնում Կիրի դերում Դևիդ Մերի «Վերին լույս» (անգլ.՝ Skylight) պիեսում, ռեժիսոր Ջեյմս Ռոգան։
2001 թվականին նա ավարտում է իր ուսումը, ստանալով բակալավրի աստիճան։ Այսուհետև Ռոզամունդը կենտրոնանում է միայն իր դերասանական կարիերայի վրա։ Դերասանուհին նկարահանվում է մի շարք հայտնի ֆիլմերում, բացի այդ նա մնում է ակտիվ նաև թատերական բեմում։
.jpg)
2011 թվականին Փայկը կատարում է գլխավոր դերերից մեկը «Գործակալ Ջոնի Ինգլիշ. Վերբեռնում» էքշն-կատակերգությունում։
2014 թվականին իրականացրել է դերասանական բեկումը , խաղալով գլխավոր դերը «Կորածը» քրեական թրիլերում Բեն Աֆլեք ի հետ միասին և դրա համար արժանացավ մի շարք մրցանակների։
2018-ին Փայկը նկարահանվեց «Մասնավոր պատերազմ» կենսագրական ֆիլմում, որի համար նա կրկին առաջադրվեց «Ոսկե գլոբուս» դրամայի լավագույն դերասանուհու համար։
2019-ի հունիսին հայտնի դարձավ, որ Փայկը կկատարի գլխավոր դերը «Ժամանակի անիվը» Հեռուստասերիալում, որը նկարահանվելու է Ռոբերտ Ջորդանի համանուն ցիկլի հիման վրա և թողարկվելու է Ամազոն վիդեո- ում , Նույն թվականին տեղի ունեցավ «Ռադիոակտիվ » կենսագրական դրամայի համաշխարհային պրեմիերան որտեղ Փայկը մարմնավորեց Մարի Կյուրի -ին։
2020-ի աշնանը Տորոնտոյի կինոփառատոնի շրջանակներում տեղի ունեցավ «Խաբեբան» քրեական կատակերգության պրեմիերան։ Այս դերի համար Փայկը ստացել է երրորդ անգամ «Ոսկե գլոբուս» անվանակարգը որպես կատակերգության կամ մյուզիքլի լավագույն դերասանուհի
Անձնական կյանք
խմբագրելՌոզամունդ Փայկը, բացի մայրենի անգլերենից, ազատորեն խոսում է նաև երկու լեզուներով՝ գերմաներեն և ֆրանսերեն։ Նվագում է թավջութակի վրա։ Դերասանուհին ապրում է Լոնդոնի կենտրոնում, Վեսթ-Էնդ շրջանում։ Դերասան Սայմոն Վուդսի (նրանք շարունակվում էին 1997 թվականից մինչև 2003 թվականը) և նկարիչ Հենրի Ջոնի (2004 թվական) հետ իր հարաբերությունների ավարտից հետո Ռոզամունդը 2004 թվականից սկսում է հանդիպել ռեժիսոր Ջո Ռայթի հետ։ Նրանք ծանոթացել էին «Հպարտություն և նախապաշարմունք» ֆիլմի նկարահանումների ժամանակ, որում նա խաղացել է Ջեյն Բենետի դերը, իսկ Ռայթը հանդես է եկել որպես ռեժիսոր։ 2007 թվականի օգոստոսի վերջին նրանք հայտարարում են իրենց նշանադրության մասին, ամուսնությունը նախատեսված էր 2008 թվականի մայիսին[7]։ Սակայն շուտով զույգը հայտարարում է իրենց բաժանման մասին։
2009 թվականի դեկտեմբերից Ռոզամունդը փաստացի ամուսնության մեջ է գտնվում կինոօպերատոր Ռոբի Յունիակի հետ։ Զույգն ունի երկու որդի՝ Սոլո Յունիակ (ծնվել է 2012 թվականի մայիսի 6-ին)[8] և Ատոմ Յունիակը (ծնվել է 2014 թվականի դեկտեմբերի 2-ին)[9]։
Ֆիլմագրություն
խմբագրել| Թվական | Անվանում | Բնօրինակ անվանում | Կերպար |
|---|---|---|---|
| 1998 | Ամուսնություն անգլիական ձևով | A Rather English Marriage | Սելիա (TV) |
| 1999 | Կանայք և աղջիկներ | Wives and Daughters | լեդի Հերիեթ Կամնոր (սերիալ, դրվագներ 1.1, 1.2, 1.4) |
| 2001 | Սեր սառը կլիմայում | Love in a Cold Climate | Ֆեննի (TV մինի-սերիալ) |
| 2002 | Ֆոյլի պատերազմը | Foyle’s War | Սառա Բոմոնտ (1 դրվագ «The German Woman») |
| 2002 | Մեռիր, բայց ոչ հիմա | Die Another Day | Միրանդա Ֆրոստ |
| 2004 | Ավետյաց երկիր | Promised Land | Ռոզա |
| 2004 | Անառակը | The Libertine | Էլիզաբեթ Մալե |
| 2005 | Ճակատագիր | Doom | Սամանթա Գրիմմ |
| 2005 | Հպարտություն և նախապաշարմունք | Pride & Prejudice | Ջեյն Բենեթ |
| 2007 | Բեկում | Fracture | Նիկի Գարդներ |
| 2007 | Բեկորներ | Fugitive Pieces | Ալեքս |
| 2008 | Աշտարակ | The Tower | Օլիվիա Ուինն (ТV) |
| 2009 | Զգացմունքների դաստիարակում | An Education | Էլեն |
| 2009 | Ազատ անկում | Freefall | Աննա (ТV) |
| 2009 | Փոխնակները | Surrogates | Մեգգի |
| 2010 | Այրվող արմավենիներ | Burning Palms | Դեդրա Դևենպորտ |
| 2010 | Երկարաճիտ կոշիկները Ուայթհոլլում | Jackboots on Whitehall, մուլտֆիլմ | Դեյզի (ձայնավորում) |
| 2010 | Պատրաստված է Դագենհեմում | Made in Dagenham (նաև հայտնի է որպես "We Want Sex") | Լիզա |
| 2010 | Բառնիի վարկածով | Barney’s Version | Միրիամ Գրանտ |
| 2011 | Գործակալ Ջոննի Ինգլիշ. Վերբեռնում | Johnny English Reborn | Քեյթ Սամներ |
| 2011 | Մեծ տարի | The Big Year | Ջեսիկա |
| 2012 | Տիտանների զայրույթը | Wrath of the Titans | Անդրոմեդա |
| 2012 | Ջեք Ռիչեր | Jack Reacher | Հելեն Ռոդին |
| 2013 | Արմագեցին | The World's End | Սեմ Չեմբերլեն |
| 2014 | Հեկտորի ճանապարհորդությունը երջանկություն փնտրելիս | Hector and the Search for Happiness | Կլարա |
| 2014 | Կորածը | Gone Girl | Էմի Դանն |
| 2014 | Երազանքի արձակուրդներ | What We Did on Our Holiday | Էբի |
| 2015 | Վերադարձնել ուղարկողին | Return to Sender | Միրանդա |
| 2016 | Միացյալ Թագավորություն | A United Kingdom | Ռութ Ուիլյամս Կհամա |
| 2017 | Հիմլերի ուղեղը կոչվում է Հեյդրիխ | The Man with the Iron Heart | Լինա Հեյդրիխ |
| 2017 | Թշնամիներ | Hostiles | Ռոզալի |
| 2018 | Բեյրութ | Beirut | Սենդի |
| 2018 | 7 օր Էնտեբեում | Entebbe | Բրիջիտ Քոլման |
| 2018 | Մասնավոր պատերազմ | A Private War | Մարի Քոլվին |
| 2019 | Ինֆորմանտ | The Informer | Ուիլկոկս |
| 2019 | Ռադիոակտիվ | Radioactive | Մարի Կյուրի |
| 2021 | Խաբեբան | I Care a Lot | Մարլա Գրեյսոն |
Ծանոթագրություններ
խմբագրել- ↑ 1,0 1,1 Internet Movie Database — 1990.
- ↑ 2,0 2,1 filmportal.de — 2005.
- ↑ 3,0 3,1 Munzinger Personen (գերմ.)
- ↑ 4,0 4,1 4,2 https://web.archive.org/web/20161127154852/http://www.biography.com/people/rosamund-pike
- ↑ Pas L. v. Genealogics — 2003.
- ↑ 6,0 6,1 Lundy D. R. The Peerage
- ↑ Розамунд Пайк получает кольцо от господина Райта, Daily Mail, 31 августа 2007
- ↑ «Baby joy for Bond girl Rosamund Pike as she gives birth to son Solo» (անգլերեն). DailyMail. 6 мая 2012. Վերցված է 2012 թ․ մայիսի 15-ին.
- ↑ «Rosamund Pike Welcomes a Son». Արխիվացված է օրիգինալից 2015 թ․ փետրվարի 16-ին. Վերցված է 2016 թ․ մարտի 28-ին.
Աղբյուրներ
խմբագրել- Ռոզամունդ Փայքը (անգլ.) Internet Movie Database կայքում
 | Վիքիպահեստն ունի նյութեր, որոնք վերաբերում են «Ռոզամունդ Փայք» հոդվածին։ |