Մաքսիմ Մարտիրոսյան

Վիքիպեդիայում կան հոդվածներ Մարտիրոսյան ազգանունով այլ մարդկանց մասին:

Մաքսիմ Սահակի Մարտիրոսյան (սեպտեմբերի 9, 1931(1931-09-09), Երևան, Հայկական ԽՍՀ, ԱԽՖՍՀ, ԽՍՀՄ - դեկտեմբերի 3, 2019(2019-12-03), Երևան, Հայաստան), բալետի հայ խորհրդային արտիստ և բալետմայստեր, ՌԽՖՍՀ ժողովրդական արտիստ (1973)։

Մաքսիմ Մարտիրոսյան
Ծնվել է	սեպտեմբերի 9, 1931(1931-09-09)
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Մահացել է	դեկտեմբերի 3, 2019(2019-12-03) (88 տարեկան)
Մահվան վայր	Երևան, Հայաստան
Քաղաքացիություն	Հայկական ԽՍՀ և  Հայաստան
Կրթություն	Երևանի պարարվեստի պետական քոլեջ (1950), Մոսկվայի պարարվեստի պետական ակադեմիա (1952) և Ռուսաստանի թատերական արվեստի համալսարան (1967)
Մասնագիտություն	բալետմայստեր
Աշխատավայր	Ալեքսանդր Սպենդիարյանի անվան օպերայի և բալետի ազգային ակադեմիական թատրոն և Երևանի պարարվեստի պետական քոլեջ
Կուսակցություն	ԽՄԿԿ
Պարգևներ և մրցանակներ	և

Դերասանուհի Մարուսյա Մարտիրոսյանի եղբայրը։

Կենսագրություն

Ավարտել է Երևանի (1950) և Մոսկվայի (1952) պարարվեստի ուսումնարանները, ինչպես և Մոսկվայի Լունաչարսկու անվան թատերական արվեստի ինստիտուտի բալետմայստերական ֆակուլտետը (1967)։ 1952 թվականից եղել է Երևանի օպերայի և բալետի թատրոնի մենապարող (1958-1971 թվականներին՝ գլխավոր բալետմայստերը) և Երևանի պարարվեստի ուսումնարանի դասական պարի ուսուցիչ։ 1972 թվականից Մոսկվայի պարարվեստի ուսումնարանի գեղարվեստական մասի վարիչն է և գլխավոր բալետմայստերը։ Հրավիրվել է աշխատելու (1977-1978) Սան Պաուլուի (Բրազիլիա) բալետային խմբում։ 1992-1997 թվականներին եղել է Մոնրեալի (Կանադա) «Դիվերտիմենտո դե Մոնրեալ» բալետի խմբերի բալետմայստերը, 1997 թվականից՝ Երևանի պարարվեստի թատրոնի հիմնադիր-գեղարվեստական ղեկավարը։

Աշակերտներից են եղել Վիլեն Գալստյանը, Աննա Մարիկյանը, Ռուդոլֆ Խառատյանը, Նորայր Մեհրաբյանը և ուրիշներ։

Լավագույն բեմադրությունները

• Դ. Եղիազարյանի «Անուրջների լիճը» (1968)
• Կոնստանտին Օրբելյանի «Անմահություն» (1969)
• Էդգար Հովհաննիսյանի «Անտունի» (1969)
• Արամ Խաչատրյանի «Գայանե» (1970, Վորոնեժում՝ 1971 թվականին, Ուլան Ուդեում՝ 1973 թվականին)
• Չայկովսկու «Մարդուկ-Ջարդուկը» (1977, Վորոնեժ)։

Մրցանակներ

• ՀԽՍՀ արվեստի վաստակավոր գործիչ, 1960
• Ռուսաստանյան ԽՖՍՀ ժողովրդական արտիստ, 1973
• ՀՀ «Մեսրոպ Մաշտոց» շքանշան, 2001
• «Հայրենիքին մատուցած ծառայությունների համար» 2-րդ աստիճանի մեդալ, 2016

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 349)։