Հենրիկ Մամյան

Հենրիկ Մամյան
Ի ծնե	Հենրիկ Արամի Մամյան
Ծնվել է	1934, ապրիլի 24
Ծննդավայր	Երևան
Վախճանվել է	2014, հուլիսի 17
Մահվան վայր	Երևան
Ազգություն	հայ
Քաղաքացիություն	ԽՍՀՄ և Հայաստան
Մասնագիտություն	նկարիչ
Պարգևներ	և Հայաստանի Հանրապետության ժողովրդական նկարիչ
Զավակներ	Զարուհի Մամյան Լուսին Մամյան

Վիքիպեդիայում կան հոդվածներ Մամյան ազգանունով այլ մարդկանց մասին։

Հենրիկ Արամի Մամյան (ապրիլի 24, 1934(1934-04-24), Երևան, Հայկական ԽՍՀ, ԽՍՀՄ - հուլիսի 17, 2014(2014-07-17), Երևան, Հայաստան^[1]), հայ նկարիչ, ՀՀ ժողովրդական նկարիչ (2010)։

Կենսագրություն խմբագրել

1953 թվականին ավարտել է Երևանի գեղարվեստի ուսումնարանը, 1959 թվականին՝ Երևանի գեղարվեստա-թատերական ինստիտուտը։ 1960-1964 թթ. դասավանդել է Երևանի պոլիտեխնիկական ինստիտուտում, 1963 թվականից՝ Երևանի գեղարվեստա-թատերական ինստիտուտում, պրոֆեսոր` 1990 թվականից, 1991 թվականից` ԵՊՃՇԻ-ում, ամբիոնի վարիչ 1991 թվականից^[2] Հենրիկ Մամյանի աշխատանքները ցուցադրվում են Հայաստանի ազգային պատկերասրահում^[3]։

Վախճանվել է 2014 թ. հուլիսի 17-ին։

Ստեղծագործական գործունեություն խմբագրել

Աշխատել է գրքային գրաֆիկայի, մոնումենտալ և հաստոցային գեղանկարչության ասպարեզներում։ Ձևավորել է մոտ 90 գիրք։

Վահագն Դավթյանի «Ասք սիրո և սրի», 1968, լինոփորագրություն
Եղիշե Չարենցի «Ամբոխները խելագարված», 1968-1977, ցինկոգրաֆիա
Լևոն Շանթի «Հին աստվածներ», 1969-1974, ցինկոգրաֆիա
Դանիել Վարուժանի «Հարճը» (1979, ցինկոգրաֆիա, 1979-ին Մոսկվայում կայացած գրքի համամիութենական ցուցահանդեսում արժանացել է դիպլոմի)
Ավետիք Իսահակյանի «Աբու-լալա Մահարի», 1987, օֆորտ, աքվատինտա
Ռ. Գարանյանի «Հոգու հրկիզումները», 1996, տուշ
Հովհաննես Թումանյանի «Անուշ», 1987-2005
Միխայիլ Լերմոնտովի «Մծիրին»
Գևորգ Էմինի «Հավերժի ճամփորդը»
Ղազարոս Աղայանի «Անահիտը»
«Գիրք Դավիթ Սաղմոսացի», 2003-2004

Հաստոցային գրաֆիկական գործեր՝

«Ձմեռ», 1981
«Լուսին», 1983
«Հայ ժողովրդի պատմությունից» նկարաշարը 1996

Հեղինակ է նաև բազմաթիվ մատենանիշների, մոնումենտալ երփնագիր աշխատանքների։ 1965-ին նկարիչ Հովհաննես Մինասյանի հեղինակային համագործակցությամբ ստեղծել են Օշականի Մեսրոպ Մաշտոց եկեղեցու որմնանկարները, Գրիգոր Խանջյանի «Վարդանանք» եռանկարի 3-րդ մասի որմնանկարները (2000-2002, Երևան, Կասկադ)։

Կոմիտասի 100-ամյակին Բեյրութում կազմակերպված մրցույթում «Կոմիտաս» եռանկարն արժանացել է 2-րդ մրցանակի։

Ցուցահանդեսներ խմբագրել

Անհատական ցուցահանդեսներ է ունեցել Մոսկվայում, Բաքվում (1975), Կիրովականում (1980), Լենինականում, Երևանում (1981, 1985, 2004^[4]), Վարշավայում (1984), Բելգրադում (1991)։

Մեջբերումներ Հենրիկ Մամյանից խմբագրել

Գրքի նկարազարդումը կյանք է։ Նկարազարդման համար անհրաժեշտ է, որպեսզի ամբողջությամբ մտնես ստեղծագործության էության մեջ, ընկալես հեղինակի ասելիքը, պետք է աշխատես, համառորեն աշխատես։

Կոչումներ խմբագրել

Արտաքին հղումներ խմբագրել

Հենրիկ Մամյան(չաշխատող հղում)
Հենրիկ Մամյան

Ծանոթագրություններ խմբագրել

↑ Մահացել է ՀՀ ժողովրդական նկարիչ Հենրիկ Մամյանը
↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
↑ Հենրիկ Մամյանի աշխատանքները Հայաստանի ազգային պատկերասրահում
↑ Երևանում բացվեց գեղանկարիչ Հենրիկ Մամյանի գրաֆիկական աշխատանքների անհատական ցուցահանդեսը
↑ ՀՀ պատվավոր կոչումներ շնորհելու մասին

[1] Մահացել է ՀՀ ժողովրդական նկարիչ Հենրիկ Մամյանը

[2] Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[3] Հենրիկ Մամյանի աշխատանքները Հայաստանի ազգային պատկերասրահում

[4] Երևանում բացվեց գեղանկարիչ Հենրիկ Մամյանի գրաֆիկական աշխատանքների անհատական ցուցահանդեսը

[5] ՀՀ պատվավոր կոչումներ շնորհելու մասին

[1]

[2]

[3]

[4]

[5]