Կարրարա ակադեմիա

Կարրարա ակադեմիա
Տեսակ	արվեստի պատկերասրահ, պինակոտեկ, թանգարան, պատկերասրահ և museum of a public entity?
Երկիր	Իտալիա
Տեղագրություն	Բերգամո
Կազմված է	Accademia Carrara exhibition room?
Հասցե	Piazza Giacomo Carrara, 82/d - 24121 - Bergamo (BG), Piazza G. Carrara, 82a և Piazza Giacomo Carrara 82, 24121 Bergamo24121
Հիմնադրվել է	1793
Հիմնադիր	Giacomo Carrara?
Մակերես	1880 քառակուսի մետր
Այցելուներ	19 157 մարդ (2020), 120 000 մարդ (2018), 32 623 մարդ (2021) և 37 426 մարդ (2022)
Հավաքածուի չափս	600 արխիվային միավոր
Կայք	lacarrara.it

Կարրարա ակադեմիա (իտալ.՝ Accademia Carrara), արվեստի պատկերասրահ և ակադեմիա Իտալիայի Բերգամո քաղաքում։

Պատմություն

Պատկերասրահի հիմնումը վերագրվում է մեկենաս և կոլեկցիոներ կոմս Ջակոմո Կարրարային, որը 18-րդ դարի վերջին հարուստ ժառանգություն է թողել Բերգամո քաղաքին։ Կոմսի մահից հետո, 1796 թվականից մինչև 1958 թվականը` Բերգամո քաղաքի կոմունայի` ղեկավարումը վերցնելը, նրա ունեցվածքը տնօրինել են նշանակված կոմիսարներ։ 1810 թվականին ըստ ճարտարապետ Սիմոն Էլիայի նախագծի կլասիցիզմի ոճով նոր շինություն է կառուցվել։

«Սուրբ Սեբաստիան» Ռաֆայել, 1501/1502

Կոմս Ջակոմո Կարրարայի հավաքածուն, որում հաշվվում էր մոտ մեկուկես հազար աշխատանք, մասամբ վաճառվել է, սակայն շարունակել է ինտենսիվորեն համալրվել, հիմնականում` նվիրատուների հաշվին. 1866 թվականին կտավներ են ստացվել` ըստ կոմս Գուլելիմո Լոկիսի կտակի, 19-րդ դարի վերջին` սենատոր Ջովաննի Մորելլիի կողմից և 1998 թվականին՝ արվեստաբան Ֆեդերիկո Ձերիի կողմից։ Պատկերասրահի հավաքածուն համալրվել է մոտ 200 այլ նվիրատվություններով։

Այժմ հավաքածուի մեջ հաշվվում է 1800 կտավ, որոնց մեջ են այնպիսի վարպետների աշխատանքներ, ինչպիսիք են Ջորջիո Սկյավոնեն, Պիզանելլոն, Բոտիչելլին, Անդրեա Մանտենյան, Ռաֆայել Սանտին, Մորոնին, Բասկենիսը, Գալգարիոն, Ջովաննի Բատիստա Տիեպոլոն, Ջովաննի Անտոնիո Կանալետտոն և Ջովաննի Կարնովալլին։

Գեղանկարչությունից բացի թանգարանում առկա են նաև նկարներ ու փորագրություններ, քանդակներ, ճենապակի, կահույք և մեդալների հավաքածու։

1973 թվականին պատկերասրահի առաջին հանրային բացման ժամանակ կոմս Կարրարան ցանկություն է հայտնել պատկերասրահին կից հիմնել նկարչության ու գեղանկարչության դասընթացներ։ Դպրոցը, որը մինչև 1912 թվականը գտնվում էր պատկերասրահի հետ նույն շենքում, այժմ տեղակայված է հարևանությամբ գտնվող շինության մեջ։ 1908 թվականին այն դարձել է պաշտոնապես ճանաչված Գեղեցիկ արվեստների ակադեմիա (Accademia di Belle Arti):

1991 թվականին ակադեմիային է միացել ժամանակակից արվեստի Galleria d’Arte Moderna e Contemporanea (GAMEC) պատկերասրահը, որը տեղակայված է եղել հենց պատկերասրահի նեոկլասիկ ոճով կառուցված շինության դիմաց։ Պատկերասրահն այս պահին ունի 10 ցուցասրահ, որոնք տեղակայված են երեք հարկերում։ 1999 թվականի հունիսից, որպես Raccolta Gianfranco e Luigia Spajani վերակազմավորվելուց հետո, այստեղ պահվում են 20-րդ դարի իտալացի և օտարերկրացի այնպիսի վարպետների գործեր, ինչպիսիք են Ումբերտո Բոչոնին, Ջորջո Մորանդին, Մասիմո Կամպիլյին, Կազորատին, Սավինյոն, Ջորջո դե Կիրիկոն, Վասիլի Կանդինսկին, Սազերլանդը և Ջակոմո Մանցուն։

2008 թվականից Կարրարա ակադեմիան լայնորեն վերակառուցվել է։ Անհրաժեշտ վերակառուցումից հետո Պատկերասրահը վերաբացվել է 2015 թվականի ապրիլի 23-ին։ Այժմ այն ժամանակակից թանգարան է, որտեղ առկա են հանրությանն սպասարկելու անհրաժեշտ բոլոր պայմանները։ Սկսած 2016 թվականից` թանգարանը ղեկավարվում է Կարրարա ակադեմիայի հիմնադրամի կողմից։

Տնօրեններ

Ակադեմիայի տնօրեններն են եղել Ջուզեպպե Դիոտտին, Էնրիկո Սկուրին, Չեզարե Տալլոնեն, Պոնցիանո Լովերինին, Լուիջի Բրինյոլին, Աքիլե Ֆունին, Տրենտո Լոնգարետտին, Պիեռլուիջի դե Վեկկին, Մարիո Կրեշին և Մարիա Գրացիա Ռեկանատին^[7]։

Ծանոթագրություններ

↑ ^1,0 ^1,1 ^1,2 ^1,3 dati.beniculturali.it — 2014.
↑ ^2,0 ^2,1 SIRBeC (իտալ.)
↑ ^3,0 ^3,1 ^3,2 ^3,3 Indagine sui musei e le istituzioni similari — 2022.
↑ ^4,0 ^4,1 Indagine sui musei e le istituzioni similari — 2024.
↑ ^5,0 ^5,1 Indagine sui musei e le istituzioni similari — 2020.
↑ Indagine sui musei e le istituzioni similari — 2023.
↑ «Accademia Carrara di Belle Arti». Accademia Carrara di Belle Arti. Արխիվացված օրիգինալից 2010 թ․ հունվարի 2-ին. Վերցված է 2010 թ․ հունվարի 15-ին.

Արտաքին հղումներ

Կարրարա ակադեմիայի պաշտոնական կայքը
GAMEC պատկերասրահի պաշտոնական կայքը

Վիքիպահեստն ունի նյութեր, որոնք վերաբերում են «Կարրարա ակադեմիա» հոդվածին։

[_3bcde9ce190a1c0e-1] 1,0 ^1,1 ^1,2 ^1,3 dati.beniculturali.it — 2014.

[_1b0381e0d9970d63-2] 2,0 ^2,1 SIRBeC (իտալ.)

[_0300cb39d9094711-3] 3,0 ^3,1 ^3,2 ^3,3 Indagine sui musei e le istituzioni similari — 2022.

[_2983efd4e9c4b746-4] 4,0 ^4,1 Indagine sui musei e le istituzioni similari — 2024.

[_753df77fcd882a40-5] 5,0 ^5,1 Indagine sui musei e le istituzioni similari — 2020.

[_0921dc0ab87ad5e3-6] Indagine sui musei e le istituzioni similari — 2023.

[directors-7] «Accademia Carrara di Belle Arti». Accademia Carrara di Belle Arti. Արխիվացված օրիգինալից 2010 թ․ հունվարի 2-ին. Վերցված է 2010 թ․ հունվարի 15-ին.

[1]

[2]

[3]

[4]

[5]

[6]

[7]