Թրոմսյո

Թրոմսյո (նորվ.՝ Tromsø), կոմունա Նորվեգիայի Թրոմս ֆյուլքեյում։ Կոմունայի վարչական կենտրոնը Թրոմսյո քաղաքն է։ Պաշտոնական լեզուների ընտրության ժամանակ 3 լեզուներից որևէ մեկը չի ընտրել, այսինքն՝ չեզոք է։ Զբաղեցնում է 2480.34 կմ² տարածք։

Թրոմսյո նորվ.՝ Tromsø
Դրոշ Զինանշան
Երկիր	Նորվեգիա
Կարգավիճակ	Նորվեգիայի կոմունաներ
Մտնում է	Թրոմս
Վարչկենտրոն	Թրոմսյո
Ամենաբարձր կետ	Jiehkkevárri?
ԲԾՄ	20 մետր
Յանս Յոհան Հոլթ
Հիմնական լեզու	չեզոք (այսինքն կոմունան չի ընտրել լեզուներից որևէ մեկը)
Բնակչություն (2014)	59 590 (8 տեղ)
Տարածք	2480.34  (18 տեղ)
Հիմնադրված է	1252 թ.
Սահմանակցում է	Լենվիք, Բալսֆյորդ, Storfjord kommune – Omasvuona suohkan – Omasvuonon kunta, Լյունգեն, Կարլսյո և Սենյա
Ժամային գոտի	UTC+1
ISO 3166-2 կոդ	1902
tromso.kommune.no

Թրոմսյո կոմունան Թրոմս ֆյուլքեի քարտեզին

Պատմություն

Թրոմսյո բնակավայրը գոյություն է ունեցել դեռևս վերջին սառցե դարաշրջան և երկաթե դարում։ Առաջին եկեղեցին կառուցվել է 1252 թվականին։ Թրոմսյո քաղաքը այդ կարգավիճակը ստացել է 1794 թվականին։ 19-րդ դարում քաղաքի դերը մեծացավ եպիսկոպոսական թեմի հիմնումով, ուսումնական հաստատությունների բացումով, ինչպես նաև նավավերանորոգման կառամատույցի կառուցումով։ Երկրորդ համաշխարհային պատերազմի ժամանակ այստեղ ժամանակավոր տեղափոխվել է Նորվեգիայի կառավարությունը։ Քաղաքը պատերազմի հետևանքով չի վնասվել։ Քաղաքի ափից ոչ հեռու կռվի ժամանակ խարտակվել է գերմանական Տրիպս ռազմական հացանավը, որի վրա եղել են մոտ 1000 գերմանացի զինծառայող։ 1964 թվականին բացվել է օդանավակայանը, իսկ 1972 թվականին՝ Թրոմսյոյի համալսարանը։

Թրոմսյոյի զինանշանը

Թրոմսյո կոմունայի զինանշանը իրենից ներկայացնում է դեղին գույնով ներկված վահան, ներքևի մասը սուր, որի վրա պատկերված է սև գույնի արջ։

Բնակչություն

Համաձայն 2014 թվականի մարդահամարի տվյալների՝ Թրոմսյո կոմունայում բնակվում է 59 590 մարդ։ Այստեղ ապրում են շուրջ 100 էթնիկ խմբեր, ինչպիսիք են նորվեգացիները, սաամները, քվենները, ֆինները և այլն։ Սաամական համայնքը քաղաքում ունի սաամական մանկապարտեզ և սաամերենի դպրոց։

Սպորտ

Թրոմսյոյում գործում են մի քանի ֆուտբոլային ակումբներ, որոնցից ամենահայտնին «Թրոմսյո» ակումբն է,որը խաղում է Նորվեգիայի ֆուտբոլի առաջնությունում։ Գործում է նաև կանանց ֆուտբոլի թիմ։ Տարածված են նաև ձմեռային սպորտաձևերը։

Տեսարժան վայրերը

• Սուրբ Մարիամ Աստվածածնի եկեղեցի — հանդիսանում է աշխարհի ամենահյուսիսային կաթոլիկ եկեղեցին։
• Արկտիկայի մայր տաճար — մոդեռն ոճի մեջ 1965 թվականին կառուցված լյութերական եկեղեցի։
• Թրոմսյոյի կամուրջ — Նորվեգիայի առաջին շրջանակակոնսոլային կամուրջ, որը իր տեսակի մեջ Եվրոպայի ամենամեծ կամուրջներից է։

Թրոմսյո քաղաքի համայնապատկերը

Քույր քաղաքներ

Ֆինլանդիա Կեմի (1940թ.) Շվեդիա Լուլեո (1950թ.) Դանիա Ռինգկոբինգ (1950թ.) Մեծ Բրիտանիա Գրիմսբի (1961թ.) Հնդկաստան Պունա (1966թ.) ԱՄՆ Անքորեջ (1969թ.)

Խորվաթիա Զագրեբ (Хорватия, 1971) Ռուսաստան Մուրմանսկ (1972թ.) Գվատեմալա Կեսալտենանգո (1999թ.) Պաղեստին Ղազա (2001թ.) Ռուսաստան Նադիմ (2008թ.) Ռուսաստան Արխանգելսկ (2011թ.)

Պատկերասրահ

• 
• 
• 
• 

Աղբյուրներ

• Store norske leksikon. (նորվեգերեն)

Արտաքին հղումներ

• Կոմունայի վիճակագրական տվյալները վերցված Նորվեգիայի վիճվարչությունից: Archived 2009-01-12 at the Wayback Machine. (նորվեգերեն)
• Карта города Тромсё. (ռուսերեն)
• Тромсё — «Северный Париж». (ռուսերեն)
• Арктическо-альпийский ботанический сад в Тромсё. (ռուսերեն)
• Путеводитель по Тромсё на портале whatusee.ru. Archived 2017-01-07 at the Wayback Machine. (ռուսերեն)