Թերեզա Մարինովա
Թերեզա Մոնչևա Մարինովա (բուլղար․՝ Тереза Мончева Маринова. սեպտեմբերի 5, 1977, Պլևեն, Բուլղարիա), բուլղար թեթևաթլետուհի, 2000 թվականին Սեուլում կայացած ամառային օլիմպիական խաղերի չեմպիոնուհի, աղջիկների եռացատկի համաշխարհային ռեկորդի հեղինակ։ Հասակը՝ 170 սմ[1]։ Մարզիչ՝ Խրիստո Մարկով։
| Թերեզա Մարինովա | |
|---|---|
| Անձնական տեղեկություն | |
| Սեռ՝ | իգական |
| Մասնագիտացում՝ | թեթևատլետ |
| Երկիր՝ |  Բուլղարիա |
| Ծննդյան ամսաթիվ՝ | սեպտեմբերի 5, 1977 (46 տարեկան) |
| Ծննդավայր՝ | Պլևեն, Բուլղարիա |
| 173 սանտիմետր | |
| Քաշ՝ | 56 կիլոգրամ |
Մարինովան եռացատկի մրցումների ոսկե մեդալներ է նվաճել նաև թեթև աթլետիկայի աշխարհի 2001 թ. և Եվրոպայի 2002 թ. մարզադահլիճային առաջնություններում, այդ նուն տարիների բացօթյա առաջնություններում էլ արժանացել է բրոնզե մեդալների։ Բացի այդ, երեքական անգամ հաղթող է հռչակվել Բուլղարիայի թեթև աթլետիկայի բացօթյա (1995, 1996, 2003) ու մարզադահլիճային առաջնությունների (1996, 1999, 2006) եռացատկի, մեկական անգամ՝ հեռացատկի (թե՛ մարզադահլիճում և թե՛ բացօթյա՝ 2000 թվականին) մրցումներում[2][3]։ 6 ոսկե մեդալ էլ նվաճել է Բալկանների թեթև աթլետիկայի բացօթյա ու մարզադահլիճային առաջնություններում[4][5]։
Թերեզա Մարինովան մարզական ակտիվ գործունեությունը դադարեցրել է Պեկինի 2008 թ. ամառային օլիմպիական խաղերի նախօրյակին[6]։ 2011 թվականի փետրվարի 1-ին դուստր է ունեցել[7]։ 2012 թվականից աշխատել է Բուլղարիայի սպորտի ազգային ակադեմիայում որպես թեթև աթլետիկայի մարզիչ[8][9], այդ նույն տարվա ամռանից աշխատել է նաև որպես Բուլղարիայի ազգային հեռուստատեսության հաղորդավարուհի և մարզական մեկնաբան[10][11]։ 2012 թ. դեկտեմբերի 22-ին տղա զավակ է ունեցել[12]։
Նա թեթև աթլետիկայի սեփական դպրոց է բացել[13], յուրաքանչյուր տարի կազմակերպում է «Թերեզա Մարինովան և բարեկամները» խորագիրը կրող մարզական տոնահանդես, որին մասնակցում են 6-12 տարեկան մանուկները[14]։
Նվաճումներ խմբագրել
Հեռացատկ խմբագրել
| Տարին | Մրցումները | Մրցավայրը | Գրաված տեղը | Ցուցանիշը |
|---|---|---|---|---|
| 2006 | Եվրոպայի թեթև աթլետիկայի առաջնություն, առաջին լիգա, B խումբ | Սալոնիկ, Հունաստան | 6 | 6,14 մ |
Եռացատկ խմբագրել
| Տարին | Մրցումները | Մրցավայրը | Գրաված տեղը | Ցուցանիշը |
|---|---|---|---|---|
| 1995 | Եվրոպայի թեթև աթլետիկայի պատանեկան առաջնություն | 1 | ||
| 1996 | Աշխարհի թեթև աթլետիկայի պատանեկան առաջնություն | Սիդնեյ, Ավստրալիա | 1 | 14,62 մ |
| 1997 | Աշխարհի թեթև աթլետիկայի մարզադահլիճային առաջնություն | Բերսի, Ֆրանսիա | 8 | 14,00 մ |
| Աշխարհի թեթև աթլետիկայի առաջնություն | Աթենք, Հունաստան | 6 | 14,34 մ | |
| Թեթև աթլետիկայի 1997 թ. Գրան պրի մրցաշարի եզրափակիչ | Ֆուկուոկա, Ճապոնիա | 7 | 13,96 մ | |
| 1998 | Եվրոպայի թեթև աթլետիկայի առաջնություն | Բուդապեշտ, Հունգարիա | 3 | 14,50 մ |
| 1999 | Աշխարհի թեթև աթլետիկայի մարզադահլիճային առաջնություն | Մաեբասի, Ճապոնիա | 4 | 14,76 մ |
| 2000 | Ամառային օլիմպիական խաղեր | Սիդնեյ, Ավստրալիա | 1 | 15,20 մ |
| 2001 | Աշխարհի թեթև աթլետիկայի մարզադահլիճային առաջնություն | Լիսաբոն, Պորտուգալիա | 1 | 14,91 մ |
| Աշխարհի թեթև աթլետիկայի առաջնություն | Էդմոնտոն, Կանադա | 3 | 14,58 մ | |
| Թեթև աթլետիկայի 2001 թ. Գրան պրի մրցաշարի եզրափակիչ | Մելբուռն, Ավստրալիա | 1 | 14,77 մ | |
| 2002 | Եվրոպայի թեթև աթլետիկայի մարզադահլիճային առաջնություն | Վիեննա, Ավստրիա | 1 | 14,81 մ |
| 2003 | Եվրոպայի թեթև աթլետիկայի մարզադահլիճային առաջնություն | Բիրմինգհեմ, Մեծ Բրիտանիա | 4 (որակավ.) | 14,09 մ |
| 2004 | Եվրոպայի թեթև աթլետիկայի մարզադահլիճային առաջնություն | Բուդապեշտ, Հունգարիա | 8 (որակավ.) | 14,13 մ |
| 2006 | Եվրոպայի թեթև աթլետիկայի մարզադահլիճային առաջնություն | Մոսկվա, Ռուսաստան | 6 | 14,37 մ |
| Եվրոպայի թեթև աթլետիկայի գավաթի խաղարկություն, առաջին լիգա, B խումբ | Սալոնիկ, Հունաստան | 2 | 14,21 մ | |
| Եվրոպայի թեթև աթլետիկայի առաջնություն | Գյոթեբորգ, Շվեդիա | 6 | 14,20 մ |
Լավագույն արդյունքները խմբագրել
Բացօթյա մրցումներում խմբագրել
- Վազք 100 մետր — 11,7 վրկ., 1 հունվարի 1996 թվական
- Հեռացատկ — 6,46 մ, 2 հուլիսի 2000 թվական, Կավալա, Հունաստան
- Եռացատկ — 15,20 մ, 24 սեպտեմբերի 2000 թվական, Սիդնեյ, Ավստրալիա
Մարզադահլիճում խմբագրել
- Հեռացատկ — 6,53 մ, 9 փետրվարի 2002 թվական, Սոֆիա, Բուլղարիա
- Եռացատկ — 14,91 մ, 11 մարտի 2001 թվական, Լիսաբոն, Պորտուգալիա
Մեծարանք խմբագրել
- Բուլղարիայի «Տարվա մարզիկ» - 2000[15]
Ծանոթագրություններ խմբագրել
- ↑ «От архива: Сидни завинаги ще остане в сърцето на Тереза Маринова». atletikabg.com. 2020 թ․ մարտի 28. Վերցված է 2020 թ․ մայիսի 31-ին.
- ↑ Bulgarian Championships. GBR Athletics. Retrieved 2020-06-12.
- ↑ Bulgarian Indoor Championships. GBR Athletics. Retrieved 2020-06-12.
- ↑ Balkan Championships. GBR Athletics. Retrieved 2020-06-12.
- ↑ Balkan Indoor Championships. GBR Athletics. Retrieved 2020-06-12.
- ↑ dnes.bg - Тереза Маринова се отказва
- ↑ dnes.bg - Тереза Маринова роди момиченце – 3,500 кг и високо 50 см
- ↑ gong.bg - Олимпийската шампионка Тереза Маринова става асистент в НСА
- ↑ nsa.bg - НСА » Ас. Тереза Маринова
- ↑ bnt.bg - Тереза Маринова и Сашо Йовков заминаха за Лондон
- ↑ bnt.bg - Тереза дебютира като водеща в БНТ в „Олимпиадата с Тереза Маринова“, Արխիվացված է օրիգինալից 2012-07-30-ին, Վերցված է 2012-08-05-ին
- ↑ «Тереза Маринова роди второ дете». Արխիվացված է օրիգինալից 2014 թ․ փետրվարի 20-ին. Վերցված է 2022 թ․ նոյեմբերի 6-ին.
- ↑ Тереза Маринова: Пия глина и очиствам тялото си от токсини!
- ↑ 600 деца се включиха в ‘Тереза Маринова и приятели’
- ↑ «Вижте всички победители за "Спортист на годината", aнкетата се провежда от 1958 година». topsport.bg. 2011 թ․ դեկտեմբերի 19. Վերցված է 2013 թ․ դեկտեմբերի 27-ին.
Արտաքին հղումներ խմբագրել
- Թերեզա Մարինովայի պաշտոնական կայքէջը(բուլղ.)
- Тереза Маринова на сайте ИААФ(անգլ.)
- Triple jumper Tereza Marinova retires, Meldung von CBC, 3. Juli 2008 (Seite nicht mehr online)