Էյդուր Գուդյոնսեն

Էյդուր Գուդյոնսեն
Քաղաքացիությունը	Իսլանդիա
Ծննդյան ամսաթիվ	սեպտեմբերի 15, 1978[…] (45 տարեկան)
Ծննդավայր	Ռեյկյավիկ, Իսլանդիա
Հասակ	187 սանտիմետր
Քաշ	82 կիլոգրամ
Դիրք	հարձակվող

Էյդուր Սմաուրի Գուդյոնսեն^[4] (իսլ.՝ Eiður Smári Guðjohnsen, [ˈeːiðʏr ˈsmaurɪ ˈkʏðʝɔnsɛn], սեպտեմբերի 15, 1978(1978-09-15)^[1]^[2]^[3]^[…], Ռեյկյավիկ, Իսլանդիա), իսլանդացի ֆուտբոլիստ, հարձակվող։ Հայտնի է անգլիական «Չելսիում» և իսպանական «Բարսելոնայում» ելույթներով։

Կոլբեյն Սիգտորսոնի հետ համարվում է հավաքականի պատմության լավագույն ռմբարկուն (26-ական գոլ)։

Կենսագրություն խմբագրել

Էյդուրի հայրը՝ Առնոր Գուդյոնսենը^[4], եղել է Իսլանդիայի ֆուտբոլի պատմության ամենահայտնի խաղացողներից մեկը և իր ֆուտբոլային կարիերայի մեծ մասն անցկացրել Է Բելգիայում։ Էյդուրը ծնվել է, երբ հայրը ընդամենը 17 տարեկան էր և նոր էր տեղափոխվել Բելգիա։ Առնորի կարիերայի ավարտին, երբ ընտանիքը վերադարձել է Իսլանդիա, Էյդուրը մտել է «Վալյուր» ակումբ և իր նորամուտը հիմնական կազմում նշել է 15 տարեկանում։ 1994 թվականին տեղափոխվել է հոլանդական ՊՍՎ։ Չնայած մյուս հարձակվողների հետ մեծ մրցակցությանը (որոնց թվում էր նաև երիտասարդ Ռոնալդոն), Գուդյոնսենը ՊՍՎ-ի առաջին թիմում իր նորամուտը նշել է 17 տարեկանում և շուտով մասնակցել է նաև Չեմպիոնների լիգայի «Բարսելոնայի» դեմ խաղին։

1996 թվականի ապրիլի 24-ին Առնորը և Էյդուր Գուդյոնսենը մտել են ֆուտբոլի պատմության մեջ՝ միասին մասնակցելով Տալլինում Էստոնիայի հավաքականի դեմ Իսլանդիայի հավաքականի միջազգային խաղին։ Առնորը խաղադաշտ է դուրս եկել հիմնական կազմում, իսկ Էյդուրը երկրորդ խաղակեսում փոխարինել է հորը։ Սա առաջին դեպքն էր, երբ հայր ու որդի մասնակցում էին մեկ միջազգային խաղի։

1996 թվականի վերջին Էյդուրը կոտրել է կոճը և երկար ժամանակ վերականգնվել այդ վնասվածքից։ Այդ ընթացքում ՊՍՎ-ն խզել է նրա հետ պայմանագիրը։ 1998 թվականին Էյդուրը տեղափոխվել է անգլիական «Բոլթոն Ուոնդերերս», և առաջին լիգայում իր առաջին մրցաշրջանում (1999/00) խփել 21 գոլ և օգնել թիմին հասնել Անգլիայի գավաթի և Անգլիայի լիգայի գավաթի կիսաեզրափակիչ։

«Բոլթոնի» ֆինանսական խնդիրների պատճառով Գուդյոնսենը 4 մլն ֆունտով վաճառվել է «Չելսիին»։ Էյդուրը հոլանդացի Ջիմ Ֆլոյդ Հասելբայնկի հարձակման գծում զույգ է կազմել, ինքն է խփել 23 գոլ և օգնել Հասելբայնկին իր 27 գոլով։

Գնդակը վարելու և վերահսկելու նրա ունակությունը, զուգորդված ուժեղ հարվածների հետ, թույլ է տվել նրան գեղեցիկ, հիշարժան գոլեր խփել «Չելսիում» գտնվելու ընթացքում։ 2002/03 մրցաշրջանում «Լիդսի» հետ խաղում նրա հարվածը դեռ երկար կհիշեն «կապտանռնագույնների» երկրպագուները։ Չնայած Էյդուրը հայտնի է դարձել որպես հաջող հարձակվող, ռմբարկու, նրա հպումով խաղալու և խաղը գուշակելու ունակությունը թույլ է տվել Ժոզե Մոուրինյոյին Էյդուրին ավելի մոտեցնել դաշտի կենտրոնին՝ նրան դարձնելով «Չելսիի» դիսպետչերներից մեկը։ Պորտուգալացի մարզիչը 2005 թվականին «Վեստ Հեմ Յունայթեդի» դեմ Էյդուրի փայլուն խաղից հետո Գուդյոնսենին անվանել է անգամ «Շիկահեր Մարադոնա»։

2003 թվականին Ռոման Աբրամովիչի՝ «Չելսին» գնելուց և թանկարժեք աստղային խաղացողներ ձեռք բերելուց հետո, այդ թվում՝ Ադրիան Մուտու, Դիդյե Դրոգբա և Հերնան Կրեսպո, կարծիք կար, որ Գուդյոնսենը տեղ չի գտնի կազմում։ Այնուամենայնիվ, նա 2003/04 և 2004/05 մրցաշրջաններում մնացել է հիմնական խաղացող, իսկ արդեն 2005/06 մրցաշրջանում, երբ «Չելսին» երկրորդ անգամ անընդմեջ դարձել է չեմպիոն, Էյդուրը կիսապաշտպանությունում տեղը զիջել է Մայքլ Էսյենին, իսկ հարձակման գծում՝ Հերնան Կրեսպոյին և Դիդյե Դրոգբային և սկսել է հայտնվել խաղադաշտում՝ հիմնականում դուրս գալով փոխարինման։

2006 թվականի մրցաշրջանի սկզբում «Չելսիի» մի քանի աղմկահարույց ձեռքբերումներից հետո, որոնց թվում էին թիմում տեղ ունենալու համար Էյդուրի հավանական մրցակիցները՝ հարձակվողներ Անդրեյ Շևչենկոն և Սալոմոն Կալուն ու կիսապաշտպան Միխայել Բալակը, բարձրացվել է Գուդյոնսենի՝ «Չելսիի» կազմում 2006/07 մրցաշրջանում գտնվելու նպատակահարմարության հարցը։ Չնայած խոսակցություններին «Մանչեսթեր Յունայթեդ» և «Ռեալ Մադրիդ», ինչպես նաև որոշ այլ ֆուտբոլային թիմեր տեղափոխվելու մասին, 2006 թվականի հունիսի 14-ին Էյդուրը եռամյա պայմանագիր է ստորագրել «Բարսելոնայի»՝ ևս մեկ տարով երկարաձգելու հնարավորությամբ։ Նա հրավիրվել է փոխարինելու Հենրիկ Լարսոնին, որը որոշել էր կարիերան ավարտել իր հայրենի քաղաքի «Հելսինգբորգ» թիմում^[5]^[6]։ Տրանսֆերի արժեքը կազմել է 12 միլիոն եվրո և լրացուցիչ 3 միլիոն եվրո այն դեպքում, եթե Էյդուրը դառնա «Բարսելոնայի» հիմնական ֆուտբոլիստ։

Օգոստոսի 28-ին Գուդյոնսենը «Սելտայի» դեմ խաղումիր իր նորամուտն է նշել Իսպանիայի առաջնությունում։ Խաղի ավարտից 3 րոպե առաջ նա խփել է «Բարսելոնայի» համար հաղթական գոլը։ Այն բանից հետո, երբ Սամուել Էտո'Օն ծանր վնասվածք է ստացել, իսլանդացին հաջողությամբ փոխարինել է նրան հիմնական կազմում՝ որպես թիմի հիմնական հարձակվող։

2009 թվականի օգոստոսի 31-ին Էյդուրը տեղափոխվել է «Մոնակո»՝ ակումբի հետ կնքելով երկամյա պայմանագիր։ «Բարսելոնայից» հեռանալու պատճառն այն էր, որ նա քիչ խաղաժամանակ էր ստանում^[7]։

2011 թվականի հունվարի 31-ին Էյդուրը «Սթոք Սիթիից» տեղափոխվել է «Ֆուլհեմ»։

Էյդուր Գուդյոնսենը տեղափոխվել է ԱԵԿ։ 32-ամյա հարձակվողի պայմանագիրը նախատեսված էր երկու տարով, նրա աշխատավարձը կազմել է տարեկան 1,3 միլիոն եվրո^[8]։

2013 թվականի հունվարի 13-ին խաղացողը պայմանագիր է կնքել «Բրյուգեի» հետ մինչև 2014 թվականի հունիսի 30-ը^[9]^[10]։

2014 թվականի օգոստոսին դանիական «Կոպենհագեն» ակումբին չի հաջողվել համաձայնության գալ Գուդյոնսենի հետ, որը ավարտելով ելույթները «Բրյուգեում» ազատ գործակալի կարգավիճակում էր։

2014 թվականի դեկտեմբերի 5-ին Էյդուր Գուդյոնսենը ազատ գործակալի կարգավիճակով տեղափոխվել է «Բոլթոն Ուոնդերերս», պայմանագիրը ուժի մեջ էր մինչև մրցաշրջանի ավարտը^[11]։ «Բոլթոնի» կազմում Գուդյոնսենը հանդես է եկել 22 համարի ներքո։

2016 թվականին նա դարձել է նորվեգական «Մոլդե» ակումբի խաղացող։

Ֆուտբոլի Եվրոպայի առաջնություն 2016-ից հետո տեղափոխվել է «Պունա Սիթի»^[12], բայց առանց որևէ հանդիպում անցկացնելու, շուտով հեռացել է ակումբից։

«Շապեկոենսեի» ֆուտբոլիստների ավիավթարից հետո թվիթերում գրել է, որ ցանկանում է խաղալ այդ ակումբում^[13]։

Թիմ խմբագրել

Էյդուրը Իսլանդիայի U-17 հավաքականում իր նորամուտը նշել է տասներեք տարեկանում։ Իսկ U-19 երիտասարդական հավաքականում՝ տասնհինգ տարեկանում։ Նա 1996-2016 թվականներին հանդես է եկել Իսլանդիայի հավաքականում և 2016 թվականի Եվրոպայի առաջնությունում մասնակցել է նրա կազմում։

1996 թվականի ապրիլի 24-ին իր հոր՝ Առնոր Գուդյոնսենի հետ Էյդուրը խաղադաշտ է մտել Էստոնիայի դեմ ընկերական խաղում և դրանով իսկ հաստատել է եզակի ձեռքբերում, որը նույնիսկ ներառվել է Գինեսի ռեկորդների գրքում^[14]։

Ձեռքբերումներ խմբագրել

Թիմային խմբագրել

«ՊՍՎ»

Նիդերլանդների ֆուտբոլի առաջնության չեմպիոն՝ 1996/97
Նիդերլանդների ֆուտբոլի գավաթի գավաթակիր՝ 1995/96
Ֆուտբոլի Նիդերլանդների սուպերգավաթի գավաթակիր՝ 1996

«Ռեյկյավիկ»

Իսլանդիայի գավաթի գավաթակիր՝ 1998

«Չելսի»

Պրեմիեր Լիգայի չեմպիոն (2)՝ 2004/05, 2005/06
Ֆուտբոլային լիգայի գավաթի գավաթակիր՝ 2005
Ֆուտբոլի Անգլիայի Սուպերգավաթի գավաթակիր (2) 2000, 2005

«Բարսելոնա»

Լա Լիգայի չեմպիոն՝ 2008/09
Ֆուտբոլի Իսպանիայի գավաթի գավաթակիր՝ 2008/09
Սուպերկոպա դե Իսպանիայի գավաթակիր (2), 2006, 2009
ՈՒԵՖԱ Չեմպիոնների Լիգայի հաղթող՝ 2009
ՈՒԵՖԱ Սուպեր գավաթի գավաթակիր՝ 2009

Անձնական խմբագրել

Լավագույն երիտասարդ իսլանդացի ֆուտբոլիստ՝ 1994թ
Իսլանդիայի լավագույն ֆուտբոլիստ(4)՝ 2004, 2005, 2006, 2008
Իսլանդիայի լավագույն մարզիկ(4)՝ 2004, 2005, 2006, 2012

Ծանոթագրություններ խմբագրել

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 Enciclopèdia de l'esport català (կատ.) — Grup Enciclopèdia, 2012.
↑ ^3,0 ^3,1 FBref.com(բազմ․)
↑ ^4,0 ^4,1 В семье Эйдура не используется традиционная для Исландии форма именования, согласно которой его бы звали Эйдур Арнорссон. Он и его отец принадлежат к приблизительно 10 % населения Исландии, чьи предки получили фамилии в 1913 году.
↑ Gudjohnsen completes Barca move Արխիվացված 2006-06-15 Wayback Machine, BBC Sport, 15 июня 2006
↑ Gudjohnsen set to sign Արխիվացված 2007-03-14 Wayback Machine, Барселона, 14 июня 2006
↑ «Гудьонсен перешёл в «Монако»». Արխիվացված օրիգինալից 2009 թ․ սեպտեմբերի 7-ին. Վերցված է 2009 թ․ օգոստոսի 31-ին.
↑ «Гудйонсен подписал двухлетний контракт с греческим АЕКом». Արխիվացված է օրիգինալից 2011 թ․ հուլիսի 18-ին. Վերցված է 2023 թ․ նոյեմբերի 22-ին.
↑ «Eidur Gudjohnsen voor 1,5 jaar naar Club» (հոլանդերեն). Officiële website van Club Brugge KV. 2013 թ․ հունվարի 13. Արխիվացված է օրիգինալից 2013 թ․ հունվարի 20-ին. Վերցված է 2013 թ․ հունվարի 15-ին.
↑ «Gudjohnsen zum FC Brügge» (գերմաներեն). transfermarkt.de. 2013 թ․ հունվարի 14. Արխիվացված է օրիգինալից 2013 թ․ հունվարի 20-ին. Վերցված է 2013 թ․ հունվարի 15-ին.
↑ ««Болтон» объявил о подписании контракта с Гудйонсеном». Արխիվացված օրիգինալից 2014 թ․ դեկտեմբերի 7-ին. Վերցված է 2014 թ․ դեկտեմբերի 5-ին.
↑ «Футболист сборной Исландии Эйдур Гудьонсен заключил контракт с индийским клубом». РИА Новости. 2016 թ․ օգոստոսի 24. Արխիվացված օրիգինալից 2017 թ․ մարտի 20-ին. Վերցված է 2017 թ․ մարտի 19-ին.
↑ «Экс-футболист «Барселоны» Эйдур Гудьонсен выразил желание стать игроком «Шапекоэнсе»». РИА Новости. 2016 թ․ դեկտեմբերի 5. Արխիվացված օրիգինալից 2017 թ․ մարտի 20-ին. Վերցված է 2017 թ․ մարտի 19-ին.
↑ Йегван Эгинссон (1998 թ․ հոկտեմբերի 13). «Исландцы всерьёз намерены лишить Россию очков». Спорт-Экспресс. Արխիվացված օրիգինալից 2023 թ․ հունվարի 1-ին. Վերցված է 2023 թ․ հունվարի 1-ին.

Արտաքին հղումներ խմբագրել

Պրոֆիլը transfermarkt.com կայքում(անգլ.)
Ֆուտբոլիստի էջը soccerway.com կայքում(անգլ.)
Վիճակագրությունը National Football Teams կայքում(անգլ.)

Վիքիպահեստն ունի նյութեր, որոնք վերաբերում են «Էյդուր Գուդյոնսեն» հոդվածին։

[_4ef64284675c9faf-1] 1,0 ^1,1 Transfermarkt.com(բազմ․) — 2000.

[_63a3ccdf85459c5a-2] 2,0 ^2,1 Enciclopèdia de l'esport català (կատ.) — Grup Enciclopèdia, 2012.

[_fc7c08ccdd3c7e99-3] 3,0 ^3,1 FBref.com(բազմ․)

[namn-4] 4,0 ^4,1 В семье Эйдура не используется традиционная для Исландии форма именования, согласно которой его бы звали Эйдур Арнорссон. Он и его отец принадлежат к приблизительно 10 % населения Исландии, чьи предки получили фамилии в 1913 году.

[5] Gudjohnsen completes Barca move Արխիվացված 2006-06-15 Wayback Machine, BBC Sport, 15 июня 2006

[6] Gudjohnsen set to sign Արխիվացված 2007-03-14 Wayback Machine, Барселона, 14 июня 2006

[7] «Гудьонсен перешёл в «Монако»». Արխիվացված օրիգինալից 2009 թ․ սեպտեմբերի 7-ին. Վերցված է 2009 թ․ օգոստոսի 31-ին.

[8] «Гудйонсен подписал двухлетний контракт с греческим АЕКом». Արխիվացված է օրիգինալից 2011 թ․ հուլիսի 18-ին. Վերցված է 2023 թ․ նոյեմբերի 22-ին.

[9] «Eidur Gudjohnsen voor 1,5 jaar naar Club» (հոլանդերեն). Officiële website van Club Brugge KV. 2013 թ․ հունվարի 13. Արխիվացված է օրիգինալից 2013 թ․ հունվարի 20-ին. Վերցված է 2013 թ․ հունվարի 15-ին.

[10] «Gudjohnsen zum FC Brügge» (գերմաներեն). transfermarkt.de. 2013 թ․ հունվարի 14. Արխիվացված է օրիգինալից 2013 թ․ հունվարի 20-ին. Վերցված է 2013 թ․ հունվարի 15-ին.

[11] ««Болтон» объявил о подписании контракта с Гудйонсеном». Արխիվացված օրիգինալից 2014 թ․ դեկտեմբերի 7-ին. Վերցված է 2014 թ․ դեկտեմբերի 5-ին.

[12] «Футболист сборной Исландии Эйдур Гудьонсен заключил контракт с индийским клубом». РИА Новости. 2016 թ․ օգոստոսի 24. Արխիվացված օրիգինալից 2017 թ․ մարտի 20-ին. Վերցված է 2017 թ․ մարտի 19-ին.

[13] «Экс-футболист «Барселоны» Эйдур Гудьонсен выразил желание стать игроком «Шапекоэнсе»». РИА Новости. 2016 թ․ դեկտեմբերի 5. Արխիվացված օրիգինալից 2017 թ․ մարտի 20-ին. Վերցված է 2017 թ․ մարտի 19-ին.

[14] Йегван Эгинссон (1998 թ․ հոկտեմբերի 13). «Исландцы всерьёз намерены лишить Россию очков». Спорт-Экспресс. Արխիվացված օրիգինալից 2023 թ․ հունվարի 1-ին. Վերցված է 2023 թ․ հունվարի 1-ին.

[4]

[1]

[2]

[3]

[5]

[6]

[7]

[8]

[9]

[10]

[11]

[12]

[13]

[14]