Զենոբիան Արաքսի ափին

«Զենոբիան Արաքսի ափին» (ֆր.՝ Zénobie retrouvée par les bergers sur les bords de l'Araxe), ֆրանսիացի նկարիչ, ակադեմիզմի և սալոնային կերպարվեստի կարկառուն ներկայացուցիչ Ուիլյամ Բուգրոյի վրձնին պատկանող նկար։ Այս ստեղծագործությունը նկարիչի կողմից ստեղծվել է 1850 թվականին։ Ներկա դրությամբ նկարը պահպանվում և ցուցադրվում է Ֆրանսիայի արվեստի ակադեմիայում։

Զենոբիան Արաքսի ափին
տեսակ	գեղանկար
նկարիչ	Ուիլյամ Բուգրո
տարի	1850
բարձրություն	147 սանտիմետր
լայնություն	113 սանտիմետր
ստեղծման երկիր	Ֆրանսիա
ուղղություն	ակադեմիզմ
ժանր	պատմական գեղանկարչություն
նյութ	յուղաներկ և կտավ
գտնվում է	Փարիզի Գեղեցիկ արվեստների ազգային բարձրագույն դպրոց
հավաքածու	Փարիզի Գեղեցիկ արվեստների ազգային բարձրագույն դպրոց
պատվիրատու	Փարիզի Գեղեցիկ արվեստների ազգային բարձրագույն դպրոց
պատկերված են Զենոբիա, կին, հովիվ, տղամարդ, հագնված կին, մերկ տղամարդ, թոփլես, զգեստ, սանդալ, ապարանջան, ուլունք, ականջօղ, թխահեր, երկար մազեր, ժապավեն, Տոգա, տունիկա, ազդրաշոր, սպիտակ մազեր, բոբիկ, մերկ մինչև գոտկատեղը, Հովվաշներ, մորուք, կանգնում, ծնկած նստել, գյուղական վայր, վնասվածք, ափ, Արաքս, երկինք, ամպ և վերարկու
կայք
Ծանոթագրություններ
Zenobia found by Shepherds on the banks of the Araxes by William-Adolphe Bouguereau Վիքիպահեստում

Պատմական ակնարկ

Նկարում պատկերված է Մեծ Հայքի թագուհի Զենոբիա Իբերիացին։ Վերջինս պատմության մեջ հայտնի է Կոռնելիոս Տակիտոսի «Աննալներ» գրքի։

Զենոբիա Իբերիացին Հայաստանի թագուհին էր մեր թվարկության 51-53 թվականներին և մեր թվարկության 54-55 թվականներին։ Ամուսինը Հայաստանում դրածո թագավոր Հռադամիզդն էր։ Զենոբիան Իբերիայի թագավորության Փարնավազների դինաստիայի արքայադուստրն էր։

Հռադամիզդ (ծնված և մահացած թվականներն անհայտ), դրածո թագավոր Մեծ Հայքում 51-53 թվականներին։ Վիրքի Փարսման թագավորի որդին։ Գահակալել է Հռոմեական և իբերական ուժերի օգնությամբ։ 52 թվականին, անկարող դիմադրել Հայոց թագավոր Տրդատ Ա-ին, փախել է Վիրք։

Նկարագիր

Այսպիսի սյուժեով նկար ստեղծել Ուիլյամ Բուգրոյին պատվիրել է Փարիզի Գեղեցիկ արվեստների ազգային բարձրագույն դպրոցը։ Պատվերն ընդունելուց հետո Բուգրոն սկսում է կտավի ստեղծումը 1850 թվականին։

«Զենոբիան Արաքսի ափին» նկարում քսանվեցամյա Ուիլյամ Բուգրոն անմահացրել է այն ողբերգական պատումը, որը պատահել է Զենոբիայի հետ։

53 թվականի ձմռանը, երբ Տրդատ Ա առժամանակ գտնվում էր Պարթևաստանում, Հրադամիզդը ներխուժել է Մեծ Հայք, սակայն, պարտություն կրելով հայերից, դարձյալ ճողոպրել է Վիրք։

Փախուստի ճանապարհին, հղի Զենոբիան խնդրեց Հռադամիզդին սպանել իրեն՝ ամոթալի գերությունից խուսափելու համար։ Ամուսինը սրով հարվածել է նրան ու նետել Արաքսի ջրերը, սակայն Զենոբիան փրկվել է։ Զենոբիայի կիսամեռ մարմինը գտել են տեղի հովիվներն ու նրան տարել են Տրդատ Ա-ի մոտ։ Այս իրադարձությունը գրի է առել Տակիտոսը։

Գրականություն

• Crespelle Jean-Paul, Les Maîtres de la belle époque, Paris, 1966
• Adhémar Hélène [sous la direction de], Chronologie Impressionniste: 1803—1905, Paris, 1981
• Gaudieri Alexander V. J. — Burollet Thérèse — Atkinson Tracy, William Bouguereau 1825—1905 [cat. exp.], Paris, 1984
• Lobstein, Dominique, Les Salons au XIXe siècle. Paris, capitale des arts, Paris, 2006
• Бугро. Альбом. Издательство «Белый город», Москва. Автор текста А.Шестимиров

Արտաքին հղումներ

• Զենոբիան Արաքսի ափին

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Զենոբիան Արաքսի ափին կատեգորիայում։