Բոնո
Բոնո (լատ.՝ Bono, իսկական անունը` Փոլ Դևիդ Հյուսոն, անգլ.՝ Paul David Hewson, մայիսի 10, 1960[1][1][2][…], Դուբլին, Իռլանդիա), իռլանդացի ռոք երաժիշտ, U2 խմբի վոկալիստը, որում նա երբեմն նաև ռիթմ-կիթառի և շրթհարմոնի մասեր է կատարում։ Բացի երաժշտական գործունեությունից` Բոնոն հայտնի է իր հումանիտար ակտիվությամբ Աֆրիկայում և իր ջանքերով` ուղղված երրորդ աշխարհի աղքատ երկրների հարկ մուծելու չեղարկմանը։ Ասպետի կոչում է ստացել Եղիսաբեթ Երկրորդ թագուհու կողմից 2007 թվականին[3]։
| Բոնո | |
|---|---|
 | |
| Բնօրինակ անուն | անգլ.՝ Paul David Hewson |
| Ի ծնե անուն | անգլ.՝ Paul David Hewson |
| Նաև հայտնի է որպես | Bono |
| Ծնվել է | մայիսի 10, 1960[1][1][2][…] (63 տարեկան) Դուբլին, Իռլանդիա |
| Երկիր |  Իռլանդիա |
| Ժանրեր | ալտերնատիվ ռոք և Պոստ փանկ |
| Մասնագիտություն | հեղինակ-կատարող, ձեռնարկատեր, սցենարիստ, դերասան, պրոդյուսեր, կիթառահար, ակտիվիստ և international forum participant |
| Երգչաձայն | տենոր |
| Գործիքներ | կիթառ, վոկալ և Շրթնահարմոն |
| Լեյբլ | Island Records |
| Կրթություն | Mount Temple Comprehensive School? |
| Անդամակցություն | U2 և Արվեստների և գիտությունների ամերիկյան ակադեմիա |
| Ամուսին | Ali Hewson? |
| Պարգևներ | |
| Կայք | u2.com |
| Ստորագրություն | |
 | |
 Bono (vocalist) Վիքիպահեստում | |
ԿենսագրությունԽմբագրել
Փոլ Դևիդ Հյուսոնը ծնվել է 1960 թվականի մայիսի 10-ին դուբլինյան Rotunda Hospital հիվանդանոցում[4]։ Նա մեծացել է Գլասնեվինայի Նորդսայդ արվարձանում իր ավագ եղբայր Նորման Ռոբերտ Հյուսոնի, կաթոլիկ հոր` Բրենդան Ռոբերտ Հյուսոնի և մոր` Այրիս Հյուսոնի հետ, ով անգլիական եկեղեցու հետևորդ էր[5][6]։ Ծնողները նախապես որոշել էին, որ նրանց առաջնեկը կլինի անգլիական եկեղեցու հետևորդ, իսկ երկրորդ երեխան` կաթոլիկ[7]։ Չնայած Փոլը երկրորդ երեխան էր` նա նույնպես նվիրվեց Իռլանդիայի եկեղեցուն իր մոր և եղբոր հետ միասին[7]։
Նա ընդունվեց Գլասնևինի տեղական դպրոցը[8]։ 1974 թվականի սեպտեմբերի 10-ին, երբ Փոլը 14 տարեկան էր, նրա մայրը մահացավ ուղեղի անևրիզմայից իր հոր թաղման ժամանակ[6]։ Այս իրադարձությունը Բոնոյի վրա մեծ ազդեցություն թողեց, և U2 խմբի բազմաթիվ երգեր` այդ թվում «I Will Follow», «Mofo», «Out of Control», «Lemon» և «Tomorrow» երգերը նվիրված են իր մոր հիշատակին[6][9][10]։
Ավելի ուշ Փոլը ընդունվեց Կլոնտարֆի միակ միջին դպրոց` Mount Temple Comprehensive School: Պատանության տարիքում Փոլը «Lypton Village» խմբի կազմում էր։ Այնտեղ նա ծանոթացավ իր ապագա ամենամոտ ընկերոջ` Դերեկ Ռոունի հետ, իսկ ավելի ուշ խմբի մյուս անդամների հետ հիմնադրեց արտ-գոթիկ-ռոք խումբ Virgin Prunes-ը։ Փոլն ուներ մի քանի մականուն. սկզբում նրան անվանում էին «Steinvic von Huyseman», այնուհետև այն կրճատվեց մինչև «Huyseman», հետո` «Houseman», «Bon Murray», «Bono Vox of O’Connell Street» և վերջապես պարզապես «Bono»[6]:
«Bono Vox»-ը լատիներեն Bonavox արտահայտության այլընտրանքային տարբերակն է և թարգմանվում է որպես «լավ ձայն»։ Bono vox մականունը տվել է Գևին Ֆրայդին։ Սկզբում Փոլին դուր չէր գալիս այդ մականունը։ Սակայն երբ նա պարզեց, թե դա ինչ է նշանակում, ընդունեց այն։ Փոլ Հյուսոնը հայտնի դարձավ որպես Բոնո 1970-ականների վերջից։
1977 թվականին Դուբլինում Բոնոն (վոկալ), Դևիդ Էջ Էվանսը (կիթառ), Ադամ Քլեյթոնը (բաս), Լորենս Մալենը (հարվածային գործիքներ), ովքեր բոլորը նույն դպրոցի աշակերտներ էին, հիմնեցին U2 խումբը։ Նրանց առաջին ալբոմները` Boy, October և War` «Sunday Bloody Sunday» սինգլով, մեծ հաջողություն ունեցան, և հետագայում այն ավելի մեծացավ։
Հասարակական գործունեությունԽմբագրել
Բոնոն ակտիվորեն զբաղվում է հասարակական և բարեգործական գործունեությամբ։ Հատկապես մեծ ուշադրություն է դարձնում ՁԻԱՀ-ի դեմ պայքարին և Աֆրիկայի աղքատ երկրների աջակցությանը` մասնավորապես այդ երկրների ներքին պարտքի մարմանը և ազատ առևտրի զարգացմանը[11]։ 2002 թվականին նա հիմնադրեց DATA ընկերությունը, որի հապավումը բացվում է որպես «Debt AIDS Trade Africa» (անգլ.՝ Հարկ, ՁԻԱՀ, առևտուր, Աֆրիկա)[12]: 2005 թվականին Բոնոն դարձավ տարվա մարդկանցից մեկը` ըստ Time Report ամսագրի։ 2006 թվականին Բոնոն ներառվել է Խաղաղության նոբելյան մրցանակի թեկնածուների ցանկում[13]։
Բոնոն բազմիցս հանդիպել է տարբեր պետությունների առաջնորդների հետ` այդ թվում Բրազիլիայի նախագահ Լուիս դա Սիլվայի, ԱՄՆ-ի նախագահ Ջորջ Բուշ Կրտսերի, Ֆրանսիայի նախագահ Նիկոլա Սարկոզիի, ՌԴ նախագահ Դմիտրի Մեդվեդևի[14] և այլոց հետ։
Երբեմն կարող ենք հանդիպել նաև Բոնոյի հեգնական կերպարին։ Դրանք ներառված են Հարավային այգի և Սիմփսոններ մուլտսերիալներում։
Բոնոն նաև մասնակցում է TED համաժողովների ստացել է TED մրցանակ, իսկ 2007 թվականի հունիսին Տանզանիայում կազմակերպել TED համաժողով` ուղղված Աֆրիկայի երկրների օգնությանը[15]։
ԾանոթագրություններԽմբագրել
- ↑ 1,0 1,1 1,2 1,3 Internet Broadway Database — 2000.
- ↑ 2,0 2,1 Encyclopædia Britannica
- ↑ «deepsavana.com»։ Արխիվացված է օրիգինալից 2010-04-11-ին։ Վերցված է 2016-07-09
- ↑ Wall Mick (2006)։ Bono: In the Name of Love։ Andre Deutsch Ltd։ էջ 17։ ISBN 978-0233001777։ Վերցված է հունվարի 24, 2010
- ↑ «U2 Biography—Bono»։ Macphisto.net։ 2006։ Արխիվացված օրիգինալից 2012-02-18-ին։ Վերցված է մայիսի 3, 2007
- ↑ 6,0 6,1 6,2 6,3 Assayas Michka (2005)։ Bono on Bono: Conversations with Michka Assayas։ London: Hodder & Stoughton։ ISBN 0-340-83276-2
- ↑ 7,0 7,1 Dunphy Eamon (1987)։ Unforgettable Fire: The Definitive Biography of U2։ New York: Warner Books
- ↑ Matthews (2008), էջ 8
- ↑ McCormick Neil (հունվարի 1, 1997)։ «Growing Up With U2»։ The Daily Telegraph
- ↑ Schruers Fred (May 1983)։ «U2: Small Victories in a Rock and Roll Struggle of Sound and Emotion Report»։ Musician Magazine
- ↑ CNN.com — Gates, Bono, unveil 'DATA Agenda' for Africa — February 3, 2002
- ↑ «International Development — Bono’s DATA, Rocking the Development World»։ Արխիվացված է օրիգինալից 2009-04-21-ին։ Վերցված է 2016-07-09
- ↑ «Bono, Geldof Among Nobel Peace Prize Nominees»։ Արխիվացված է օրիգինալից 2012-06-12-ին։ Վերցված է 2016-07-09
- ↑ Медведев и Боно обсудили хот-доги — СОЧИ-24
- ↑ TED համաժողովի կայքը
Արտաքին հղումներԽմբագրել
|
Բոնո Վիքիպահեստում |
|---|
- www.u2.com — U2 խմբի պաշտոնական կայքը
- www.data.org — Բոնոյի կողմից ստեղծված DATA կազմակերպության կայքը
- Բոնոն South Park մուլտսերիալում Archived 2010-04-24 at the Wayback Machine.