Արմինե Աղայանց (նկարչուհի)
Արմինե Աղայանց (հուլիսի 23, 1990, Չարենցավան, Հրազդանի շրջան, Հայկական ԽՍՀ, ԽՍՀՄ), հայ նկարչուհի, նաև ակտիվորեն զբաղվում է քանդակագործությամբ, ինտերիերի ձևավորմամբ, դեկորատիվ արվեստով, լուսանկարչությամբ և գրաֆիտիով։
Արմինե Աղայանց | |
---|---|
Ծնվել է | հուլիսի 23, 1990 (33 տարեկան) |
Ծննդավայր | Չարենցավան, Հրազդանի շրջան, Հայկական ԽՍՀ, ԽՍՀՄ |
Քաղաքացիություն | Հայաստան |
Կրթություն | Հայաստանի գեղարվեստի պետական ակադեմիա |
Մասնագիտություն | նկարչուհի |
Կենսագրություն
խմբագրելԾնվել է 1990 թվականին Չարենցավան քաղաքում։ Վաղ տարիքից հետաքրքրություն է ցուցաբերել նկարչության նկատմամբ։ 12 տարեկանում սկսել է հաճախել Երևանի Հակոբ Կոջոյանի անվան գեղարվեստի դպրոցի արվեստի դասերին։ Այնուհետև սովորել է նկարչուհի Նունե Փիլոյանի արվեստանոցում։ 2006 թվականին ընդունվել է Երևանի գեղարվեստի պետական ակադեմիայի նախապատրաստական դասերին, որից հետո 2006 թվականին ընդունվել և մագիստրոսի որակավորումով ավարտել է Երևանի գեղարվեստի պետական ակադեմիան։ ՈԻսման երրորդ տարում (2009 թ.) նրան հրավիրում են մասնակցելու, միջազգային փորձի փոխանակման ծրագիրը Լիմոժում (Ֆրանսիա), դիզայնի և նկարչության ցուցահանդեսին։ Ուսման տարիներին մասնակցել է մի շարք ցուցահանդեսների։ 2010 թվականին խմբակային ցուցահանդես է ունեցել Ալբերտ և Թովէ Բոյաջյան ցուցասրահում իր գեղանկարի ղեկավար, նշանավոր նկարիչ, Սարո Գալենցի ղեկավարությամբ։ 2011 թվականին Հայաստանի անկախության 20-ամյակին նվիրված ցուցահանդեսում Հայաստանի երիտասարդական հիմնադրամի կողմից, արժանացել է «Լավագույն թեմատիկ նկար» մրցանակին։ 2012 թվականից Հայաստանի Դիզայներների Միության անդամ է։ 2012 թվականին, Երևանում, մասնակցել է Վեկար ՍՊԸ-ի կողմից կազմակերպած «Երիտասարդ ստեղծագործ շեվրոլե» ցուցահանդես մրցույթին և արժանացել է «Լավագույն միտք» անվանակարգին։ 2012 թվականին նա մասնակցել է Վենետիկի Scuola Del Vetro Abate Zanetti Murano Venezia «Murano» ապակերգործական ճանաչված դպրոցի կողմից կազմակերպված միջազգային ցուցահանդես-մրցույթին,որտեղ մասնակցում էին 300 և ավել մասնակիցներ,լավագույն 30 մասնակիցներից 9 արժանացան ոսկե մեդալների տարբեր անվանակարգերում, որից երկուսի համար, դրանք են` «Լավագույն գրաֆիկական մշակում», «Լավագույն միտք» Արմինենն արժանացավ ոսկե մեդալների[1] [2]: 2013 թվականին Արմինեին առաջարկվում է Արցախի Դրախտիկ գյուղում նախագծել հուշարձան-աղբյուր նվիրված Արցախյան պատերազմի զոհված հերոսների հիշատակին։ Շուրջ վեց ամիս տևած աշխատանքներից հետո նախագիծը հաստատվում է և 2014 թվականի մայիսի 7-ին տեղի է ունենում հուշարձանի բացումը, որտեղ ներկա են լինում Արցախի բարձրաստիճան պաշտոնյաները՝ վարչապետը, գյուղապեստը,Ստեփանակերտի քաղաքապետը եւ այլն։ 2015 թվականին Արմինեի երկու լուսանկար մասնակցում է Փարիզի Լուվր թանգարանի ցուցասրահում մեծ ցուցահանդեսի, որից հետո նրա լուսանկարը ընդգրկվում և տպագրվում է երկու գրքերում ՝ «Sky Collection», «Animal Collection» և լուսաբանվում է մի շարք երկրներում[3]։ 2017 թվականին Արմինեն մասնակցում է նշանավոր Արտ Էքսպո Նյու Յորք 2017 թվականին ու ներկայացնում է 14 նկար՝ տարբեր ոճերի, չափսերի։ Նյու Յորք Արտ Էքսպոյին մասնակցում են աշխարհահռչակ նկարիչներ, (որոնց թվում են ՝ Andy Warhol, Peter Max, Robert Rauschenberg…) արտ դիլերներ, արվեստաբաններ, կրիտիկներ։ Սա մեծ նվաճում է լինում Արմինեի համար։ Նյու Յորքից հետո Redwood Media Group-ը հրավիրում է Արմինեին մասնակցելու Սան Դիեգոյում կայանալիք ցուցահանդեսին և Արմինեն ընդգրկվում է,մշտական արտիստների ցանկում, այս կազմակերպության կողմից կազմակերպվող ցուցահանդեսներին՝ Նյու Յորքում, Սան Դիոգոյում, Լաս Վեգասում և Մայամիում։ 2018 թվականի հոկտեմբերին Աղայանցը անհատական բարեգործական ցուցահանդես է անցկացրել Երևանի Royal Classic House-ում, «Իմ հոգու ներկապնակը» խորագրով,որին մասնակցել են Հայաստանի Հանրապետության վարչապետի տիկին Աննա Հակոբյանը, ՀՀ մշակույթի նախարար՝ Լիլիթ Մակունցը[4][5]։ Նկարների վաճառքի ամբողջ հասույթը տրամադրվել է «Իմ քայլը» հիմնադրամին[6]։ 2018 թվականին Արմինեն մասնակցում է Փարիզում Զերվաս Արտ-ի ՅՈՒՆԵՍԿՈ-ի կազմակերպած միջազգային սիմպոզիում մրցույթին։ Տասը օր ամենօրյա աշխատանքից հետո լինում է ցուցահանդես և մրցանակաբաշխություն Փարիզում, որտեղ Արմինեն ստանում է ոսկե մեդալ և արձան ՅՈՒՆԵՍԿՕ-ի Զերվաս Արտ Աչաիայի կողմից[7]։ 2019 թվականին կայացավ Լեհաստանի Հանրապետության անկախության և Հայաստանի անկախության 100-ամյակին նվիրված ցուցահանդես մրցույթ Լեհաստանի դեսպանատան և Հայաստանի Գեղարվեստի ակադեմիայի կողմից, որտեղ Արմինեն «Գեղարվեստական լավագույն մշակում» անվանակարգում ճանաչվում է հաղթող։
Արմինեի ամենաուշագրավ աշխատանքը՝ «Անքնություն» (Insomnia) վերնագրով, եռապատիկ արվեստի գործն է՝ ակրիլ կտավի վրա և ոսկե փոշի, որը վաճառվել է 128,000 դոլարով[8][9]։
Նրա աշխատանքները ցուցադրվել են Փարիզում, Իտալիայում, Վենետիկում, Նյու Յորքում, Սան Դիեգոյում, Լատվիայում և այլ։
Ցուցահանդեսներ
խմբագրել- 2010 թ., 2 խմբակային ցուցահանդես Ալբերտ և Թովէ Բոյաջյան ցուցասրահում։
- 2011 թ.,բարեգործական ցուցահանդես Նարեկացի արվեստի կենտրոն։
- 2011 թ., Հայաստանի անկախության 20-ամյակին նվիրված ցուցահանդես :Հայաստանի երիտասարդական հիմնադրամի կողմից արժանացել է «Լավագույն թեմատիկ նկարը» մրցանակին։
- 2012 թ., Հայաստանի դիզայներների միությանում խմբակային ցուցահանդես։
- 2012 թ.,Վեկար ՍՊԸ-ի կողմից կազմակերպած «Երիտասարդ ստեղծագործ շևրոլե» ցուցահանդես։ Արժանացել է «Լավագույն միտք» անվանակարգին։
- 2012 թ., Վենետիկ «Murano» ապակերգործական ընկերության կողմից կազմակերպված միջազգային ցուցահանդես։
- 2015 թ.,«Մի կտոր կրակ» Հայաստանի նկարիչների միություն։
- 2015 թ., Փարիզ, Լուվրի թանգարանում անցկացված ֆոտոցուցահանդես։
- 2017 թ., Նյու Յորք, New York Art Expo-ի ցուցահանդես[10]։
- 2017 թ., Նյու Յորք, Art San Diego ցուցահանդես։
- 2018 թ., Փարիզ, World Federation of Zervas Art Clubs[11] և Club for UNESCO of Achaia-ի կողմից կազմակերպված սիմպոզիում-մրցույթ ցուցահանդես։ Արժանացել է ոսկե մեդալի։
- 2019 թ.,Լեհաստանի դեսպանատան և Հայաստանի Գեղարվեստի ակադեմիայի համագործակցությամբ «Ինքնություն և Սեր» ցուցահանդես, որտեղ հաղթող է ճանաչվել «Լավագույն գեղարվեստական մշակում» անվանակարգում
Մրցանակներ
խմբագրել- 2011 թ. - «Լավագույն թեմատիկ նկար» Հայաստանի անկախության 20-ամյակին նվիրված Հայաստանի երիտասարդական հիմնադրամի կողմից ցուցահանդես մրցույթ
- 2012 թ. - «Լավագույն միտք», Վեկար ՍՊԸ-ի կողմից կազմակերպած «Երիտասարդ ստեղծագործ շեվրոլե» ցուցահանդես մրցույթ
- 2012 թ.- «Լավագույն գրաֆիկական մշակում», «Լավագույն միտք», Վենետիկի Scuola Del Vetro Abate Zanetti Murano Venezia դպրոցի կողմից կացմակերպված միջազգային ցուցահանդես մրցույթ
- 2018 թ.- Ոսկե մեդալ և արձան, Ջերվաս Արտի և ՅՈՒՆԵՍԿՕԻ կացմակերպված միջազգային ցուցահանդես մրցույթ
- 2019 թ.- «Գեղարվեստական լավագույն մշակում» Լեհաստանի դեսպանատան և Գեղարվեստի ակադեմիայի կողմից կազմակերպված
Ծանոթագրություններ
խմբագրել- ↑ TV, ATTIVA (2012 թ․ սեպտեմբերի 4), Premio Murano 2012: premiazioni
- ↑ «Premio Murano 2012 - Armine Aghayants - maestro Matteo Seguso». Pinterest (անգլերեն).
- ↑ «The Animal Collection by SeeMe - Issuu». issuu.com (անգլերեն). 2015 թ․ հուլիսի 26.
- ↑ «ԻՄ ՀՈԳՈՒ ՆԵՐԿԱՊՆԱԿԸ». nuaca.am.
- ↑ «ՑՈՒՑԱՀԱՆԴԵՍ՝ ՆԵՐԿՎԱԾ ՀՈԳՈՒ ԳՈՒՅՆԵՐՈՎ». nuaca.am.
- ↑ «Արմինե Աղայանցի կտավերի վաճառքից ստացված գումարը կնվիրաբերվի «Իմ քայլը» հիմնադրամին». armenpress.am.
- ↑ «ARMINE AGHAYANTS -» (ամերիկյան անգլերեն).
- ↑ «ARTARMINE | "Insomnia"». www.artarmine.com.
- ↑ «Armine Aghayants - Anonymous Bidder Buys 'Insomnia' for $128,000». EIN Presswire (ամերիկյան անգլերեն). 2023 թ․ ապրիլի 1.
- ↑ «Artexpo New York | New York's Largest Fine Art Trade Fair» (ամերիկյան անգլերեն).
- ↑ «Zervas Art» (ամերիկյան անգլերեն).
Արտաքին հղումներ
խմբագրել- «Արմինե Աղայանցն իր արվեստով գրավում է աշխարհը» Bravo.am
- «Հայազգի գեղանկարչուհի Արմինե Աղայանցի արվեստը՝ միջազգային հարթակներում (լուսանկարներ)» 1in.am
- «Նկարի՛ր այն, ինչը հոգեհարազատ է, անգամ եթե ուրիշները դա չեն հասկանում. Արմինե Աղայանց» style.news.am
- «Արվեստը պետք է ժողովրդի մակարդակից վեր լինի, իսկ այն վեր է բարձրացնում մասնագիտական ազնվությունը. նկարիչ Արմինե Աղայանց» Արխիվացված 2023-08-14 Wayback Machine www.tert.am
- «Դիմանկար» Times.am
- «ARTARMINE | Home» www.artarmine.com