Աննե-Սոֆի Մուտտեր
Աննե-Սոֆի Մուտտեր (գերմ.՝ Anne-Sophie Mutter, հունիսի 29, 1963[1][2][3][…], Ռայնֆելդեն (Բադեն), Բադեն-Վյուրթեմբերգ, Գերմանիա), գերմանացի ջութակահարուհի։ Նա համարվում է իր ժամանակի ամենատաղանդավոր ջութակահարներից մեկը։ Նրա երկացանկը սկսվում է Յոհան Սեբաստիան Բախից և ավարտվում ժամանակակից ամենավերջին կոմպոզիտորներով։
Աննե-Սոֆի Մուտտեր | |
---|---|
Բնօրինակ անուն | գերմ.՝ Anne-Sophie Mutter |
Ծնվել է | հունիսի 29, 1963[1][2][3][…] (60 տարեկան) Ռայնֆելդեն (Բադեն), Բադեն-Վյուրթեմբերգ, Գերմանիա |
Երկիր | Գերմանիա |
Ժանրեր | դասական երաժշտություն |
Մասնագիտություն | ջութակահարուհի և երաժշտության ուսուցիչ |
Գործիքներ | ջութակ |
Աշխատավայր | Երաժշտության թագավորական ակադեմիա |
Լեյբլ | Գերմանական գրամոֆոն |
Կրթություն | Ցյուրիխի գեղարվեստի համալսարան |
Անդամակցություն | Արվեստների և գիտությունների ամերիկյան ակադեմիա |
Ամուսին | Անդրե Պրևին |
Պարգևներ | |
Կայք | anne-sophie-mutter.de |
Anne-Sophie Mutter Վիքիպահեստում |
Կենսագրություն և կարիերա
խմբագրելՄուտտերը երաժշտությամբ սկսել է զբաղվել հինգ տարեկանից։ Նա սկզբում սկսել է նվագել դաշնամուր և քիչ ժամանակ անց փոխվել է ջութակի։ Արդեն յոթ տարեկան հասակում նա գրավում է ազգային երիտասարդական մրցանակ՝ գերազանց տիտղոսով։ 1974 թվականին նա ևս մեկ անգամ գրավում է նույն մրցանակը և ամբողջովին նվիրվում է իր գործիքին։ Նրա ուսուցիչներն են եղել Էռնա Հոնիգբեռգերը, որը եղել է Կարլ Ֆլեշի աշակերտը, և Աիդա Շտուկին։
Երբ որ նա 13 տարեկան էր նրանով հետաքրքրվել է Հերբերտ ֆոն Կարայանը և նրան հրավիրել նվագելու Բեռլինի Ֆիլհարմոնիկ Նվագախմբում։ Այնուհետև 1977 թվականին նա նվագում է Զալցբուրգի Զատկի Տոնի Ֆեստիվալում և Ամառային Ֆեստիվալում։ Նվագել է նաև Անգլիայի Կամերային Նվագախմբի հետ։ 1978 թվականին՝ 14 տարեկան հասակում առաջին անգամ որպես մենակատար նվագում է Բեռլինի Ֆիլհարմոնիկ Նվագախմբի հետ։ Նա նվագում է Վոլֆգանգ Ամադեուս Մոցարտի սոլ մաժորում գրված ջութակի կոնցերտը (դիրիժոր՝ Հերբերտ ֆոն Կարայան)։ Նույն տարում նա նույն նվագախմբի և նույն դիրիժորի հետ ձայնագրում է Մոցարտի թիվ 3 և թիվ 5 կոնցերտները՝ Գերմանական Գրամմոֆոնի համար։ Այս ձայնագրությունը նվաճել է տարվա ձայնագրություն անվանակարգը։ 1979 թվականին նա անվանվել է տարվա արտիստ։
1980 թվականին նա առաջին անգամ ներկայանում է Ամերիկայի Միացյալ Նահանգներում՝ Նյու Յորքի Ֆիլհարմոնիկ Նվագախմբի հետ (դիրիժոր՝ Ցուպին Մեհտա)։ Նույն տարում նա ստանում է երկու նոր մրցանակ։ 1983 թվականին նա դառնում է Օքսֆորդի Համալսարանի Մոցարտի Ընկերության նախագահ։ 1986 թվականին նա պարգևատրվել է Գերմանիայի Դաշնության շքանշանով։ 1988 թվականին նա մեծ շրջագայություններ է կատարել դեպի Ամերիկա և Կանադա։ Նույն տարում նա նաև առաջին անգամ ելույթ է ունենում Ամերիկյան Քարնեգի Հոլում։
Աննե-Սոֆի Մուտտերը ունի երկու երեխա։ Առաջին ամուսինը 1995 թվականին մահացել է քաղցկեղից։ 2002 թվականին նա ամուսնացել է դաշնակահար Անդրե Պրեվինի հետ և բաժանվել նրանից 2006 թվականին։
1998 թվականին նա ամբողջովին նվիրվել է Բեթհովենի ջութակի և դաշնամուրի սոնատներին և ամբողջ աշխարհում նվագել է այս սոնատները (նաև ձայնագրել)։
Նա շատ ակտիվ է ներկայիս դասական երաժշտության մեջ։ Նա համարվում է ժամանակակից երաժշտության փայլուն կատարողներից մեկը։ Շատ կոմպոզիտորներ նրան են նվիրել իրենց որոշ ստեղծագործություններ։ Ստեղծվել է նաև "Անն-Սոֆի Մուտտեր" կազմակերպություն, որը զբաղվում է երիտասարդ տաղանդներին առաջընթաց ապահովելով։
Նա տալիս է նաև շատ բարեգործական համերգներ տարբեր նպատակներով (ՁԻԱՀ-ի կանխարգելում, Տարեց Մարդկանց Կացարաններ և այլն)։
Նրա հիմնական գործիքները երեքն են՝ Ստրադիվարիուսի "Էմիլիանին" (1703) և "Լորդ Դունն-Ռավենը" (1710) և իտալացի ժամանակակից վարպետ Ռոբերտո Ռեգացցիի գործիքներից մեկը։
Ծանոթագրություններ
խմբագրել- ↑ 1,0 1,1 FemBio տվյալների շտեմարան (գերմ.)
- ↑ 2,0 2,1 Բրոքհաուզի հանրագիտարան (գերմ.)
- ↑ 3,0 3,1 Roglo — 1997. — ed. size: 10000000
- ↑ https://www.bach-cantatas.com/Bio/Mutter-Anne-Sophie.htm
- ↑ 5,0 5,1 Anne-Sophie Mutter — Praemium Imperiale.
- ↑ Mutter, Anne-Sophie — ARD-alpha, 2013.
- ↑ Ehrenzeichen der Republik an Anne-Sophie Mutter (գերմ.) // Der Standard / Hrsg.: O. Bronner — 2008.
- ↑ https://www.mendelssohn-stiftung.de/en/internationaler-mendelssohn-preis/verleihung/
- ↑ https://brahms-sh.de/preistrager/
- ↑ Herbert von Karajan Musicprize — Festspielhaus Baden-Baden.
- ↑ Prize-Winner Archive — Ernst von Siemens Music Foundation.
- ↑ https://www.aski.org/maecenas-ehrung-2010-anne-sophie-mutter.html
- ↑ Violinistin Anne-Sophie Mutter mit dem Orden für Kunst und Literatur ausgezeichnet — Embassy of France in Berlin.
- ↑ Praemium Imperiale for Anne-Sophie Mutter — Anne-Sophie Mutter, 2019.
- ↑ https://www.praemiumimperiale.org/en/laureate-en/laureates-en
- ↑ https://www.weforum.org/agenda/2017/01/davos-2017-crystal-shakira-forest-whitaker-anne-sophie-mutter/
Վիքիպահեստն ունի նյութեր, որոնք վերաբերում են «Աննե-Սոֆի Մուտտեր» հոդվածին։ |