Աննա Մոֆֆո
Աննա Մոֆֆո (անգլ.՝ Anna Moffo, հունիսի 27, 1932[1], Wayne, Դելավեր շրջան, Փենսիլվանիա, ԱՄՆ - մարտի 9, 2006[2][3][4], Նյու Յորք, Նյու Յորք, ԱՄՆ), ամերիկացի օպերային երգչուհի, հեռուստատեսային անձնավորություն և դերասանուհի։ Իր սերնդի առաջատար լիրիկական-կոլորատուրային սոպրանոներից մեկը՝ նա ուներ զգալի դիապազոնով ու ճկունությամբ ջերմ ու պայծառ ձայն։ Առանձնանալով նաև ֆիզիկական գեղեցկությամբ` ստացել է «La Bellissima» մականունը.[6]։
| Աննա Մոֆֆո | |
|---|---|
.jpg) | |
| Ծնվել է | հունիսի 27, 1932[1] Wayne, Դելավեր շրջան, Փենսիլվանիա, ԱՄՆ |
| Երկիր |  ԱՄՆ |
| Մահացել է | մարտի 9, 2006[2][3][4] (73 տարեկան) Նյու Յորք, Նյու Յորք, ԱՄՆ |
| Գերեզման | Քենսիկո |
| Ժանրեր | դասական երաժշտություն |
| Մասնագիտություն | օպերային երգչուհի, հեռուստատեսային դերասանուհի, էսպերանտիստ, կինոդերասանուհի և հեռուստահաղորդավարուհի |
| Երգչաձայն | կոլորատուրային սոպրանո |
| Գործիքներ | վոկալ |
| Լեյբլ | RCA Victor |
| Կրթություն | Քերտիսի անվան երաժշտական ինստիտուտ, Սանտա Չեչիլիայի ազգային ակադեմիա և Radnor High School? |
| Ամուսին | Mario Lanfranchi?[5] և Robert W. Sarnoff?[5] |
| Պարգևներ | |
 Anna Moffo Վիքիպահեստում | |
Շահելով Ֆուլբրայթի մրցանակը՝ ուսանել է Իտալիայում, որտեղ հայտնի է դարձել 1956 թվականին RAI հեռուստաընկերության համար երեք օպերային հեռուստատեսային բեմադրություններում գլխավոր դերերգերում հանդես գալուց հետո։ Նա վերադարձել է ԱՄՆ Չիկագոյի Լիրիկ օպերային թատրոնում 1957 թվականի հոկտեմբերի 16-ին իր դեբյուտի համար։ Նյու Յորքի Մետրոպոլիտեն օպերայում նրա դեբյուտը կայացել է 1959 թ. նոյեմբերի 14-ին։ Նա ելույթ է ունեցել Մետրոպոիտեն օպերայում ավելի քան տասնյոթ թատերաշրջանների ընթացքում։
Մոֆֆոյի ամենավաղ ձայնագրությունները կատարվել են EMI Records-ի համար։ 1960 թվականին նա բացառիկ պայմանագիր է կնքել RCA Victor-ի հետ՝ ձայնագրվելով ընկերության համար մինչև 1970-ականների վերջը։ 1960-ականների սկզբներին նա վարել է սեփական շոու իտալական հեռուստատեսությամբ և նկարահանվել է մի քանի օպերային ֆիլմերում, ինչպես նաև ոչ երգեցողական դերերում։
1970-ականների սկզբներին Մոֆֆոն հայտնի է դարձել նաև Գերմանիայում՝ օպերային ներկայացումների, հեռուստատեսային ելույթների և մի քանի ֆիլմերի միջոցով` շարունակելով նաև ամերիկյան օպերային ելույթները։
Չափազանց մեծ ծանրաբեռնվածության պատճառով 1960-ական թթ. վերջերից Մոֆֆոն վոկալ լուրջ խնդիրներ է ունեցել, որոնցից նա երբեք լիովին չի վերականգնվել։ Նրա վերջին ելույթը Մետրոպոլիտեն օպերայում տեղի է ունեցել 1983 թվականին։
Ընտրյալ ձայնագրություններ Խմբագրել
- 1956 – Պուչչինի – Բոհեմ - Մյուզետա։
- 1957 – Պուչչինի – Մադամ Բատերֆլայ – Մադամ Բատերֆլայ (Չիո–Չիո–սան)։
- 1960 – Վերդի – Տրավիատա – Վիոլետտա։
- 1961 – Պուչչինի – Բոհեմ – Միմի։
- 1962 – Պերգոլեզի – Աղախինը տիրուհի – Anna Moffo, Paolo Montarsolo – Rome Philharmonic Orchestra, Franco Ferrara.
- 1963 – Վերդի – Ռիգոլետտո – Ջիլդա։
- 1963 – Պուչչինի – Մանոն Լեսկո (հատվածներ) – Մանոն Լեսկո։
- 1963 – Մասնե – Մանոն (հատվածներ) – Մանոն։
- 1964 – Վերդի – Լուիզա Միլլեր – Լուիզա Միլլեր։
- 1965 – Գլյուկ – Օրփեոս և Էվրիդիկե – Էվրիդիկե։
- 1965 – Դոնիցետտի – Լյուչիա դի Լամերմուր – Լյուչիա։
- 1966 – Պուչչինի – Ծիծեռնակ – Մագդա։
- 1974 – Հալևի – Ջհուդուհի (հատվածներ) – Ռաքել։
- 1974 – Մասնե – Թայիս – Թայիս։
Ծանոթագրություններ Խմբագրել
- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 http://www.metoperafamily.org/operanews/news/pressrelease.aspx?id=1132
- ↑ 3,0 3,1 3,2 The New York Times / J. Kahn — Manhattan, NYC: New York Times Company, A. G. Sulzberger, 1851. — ISSN 0362-4331; 1553-8095; 1542-667X
- ↑ 4,0 4,1 4,2 Grove Music Online — OUP. — ISBN 978-1-56159-263-0 — doi:10.1093/GMO/9781561592630.ARTICLE.18857
- ↑ 5,0 5,1 Kindred Britain
- ↑ «Experience the life, inspirations and iconic recordings of "La Bellissima", soprano Anna Moffo.»։ ABC Classic (en-AU)։ 2020-06-04։ Վերցված է 2022-01-04