Քուշադասը

Կուշադասը
Քաղաք
	Կուշադասը
	թուրքերեն՝ Kuşadası
Երկիր	Թուրքիա
Մարզ	Այդընի մարզ
Համայնք	Այդընի մարզ
Մակերես	265 կմ²
ԲԾՄ	11 մ
Խոսվող լեզուներ	թուրքերեն
Բնակչություն	63 300 մարդ (2011)
Ազգային կազմ	թուրքեր, քրդեր, հայեր, հույներ, հրեաներ
Կրոնական կազմ	իսլամ, քրիստոնեություն
Ժամային գոտի	UTC+2, ամառը UTC+3
Փոստային ինդեքս	09400
Փոստային դասիչ	09400
Պաշտոնական կայք	kusadasi.bel.tr
	Քուշադասը (Թուրքիա)
	Քուշադասը (Թուրքիա)
	Քուշադասը Վիքիպահեստում

Քուշադասը (թուրքերեն՝ Kuşadası), քաղաք Թուրքիայի հարավարևմտյան մասում, Այդընի մարզում։ Քաղաքը գտնվում է Էգեյան ծովի ափին։

Քաղաքի բնակչությունը կազմում է 73 543 (2007 թվականի տվյալներով) մարդ, որից 54 663 բնակվում են բուն քաղաքում, իսկ մնացածը՝ հարակից գյուղական համայնքներում։

Անվանում

Թուրքական ներկայիս անվանումը առաջացել է kuş (թռչուն) և ada (կղզի) բառերից, ինչը նշանակում է՝ Թռչնի կղզի։ Հնարավոր է, որ անվանումը կապված է փոքր կղզու անվան հետ, որտեղ թռել են բնադրելու տարբեր տեսակի թռչուններ։ Ներկայումս կղզյակը թերակղզու հետ կապված է հողե ճանապարհով։

Աշխարհագրություն

Կուշադասըի նավահանգիստը կենտրոնական բուլվարից

Քաղաքը գտնվում է Էգեյան ծովի ափին՝ իր մեծությամբ Թուրքիայի երրորդ քաղաք Իզմիրից 90 կիլոմետր հեռավորության վրա, իսկ Այդինից 71 կիլոմետր հեռավորության վրա։ Այն համանուն շրջանի կենտրոնն է։

Քաղաքի ափից ոչ այնքան հռու գտնվում է հունական Սամոս կղզին, որը անտիկ ժամանակաշրջանում հոնիական մշակույթի կենտրոնն էր։

Տուրիզմ

Քաղաքում կան մեծ քանակությամբ մեծ և փոքր հյուրանոցներ, ռեստորաններ, ակումբներ և հուշանվերների խանութներ։ Քաղաք այցելող զբոսաշրջիկները այցելում են նաև Եփեսոս քաղաք, որի ավերակները գտնվում են Քուշադասըի մոտ։

Կուշադասըն հայտնի է նաև իր փիրուզագույն լողափերով, որոնք տարածվում են Էգեյան ծովի ողջ երկայնքով։ Պետք է նշել, որ ալիքների բարձրությունը բավականին մեծ մեծ է և կարող է հարմար չլինել դպրոցական տարիքի երեխաների լողալու համար։

Դայվինգի սիրահարների համար 2016 թվականի հունիսի 5-ին Էգեյան ծովում՝ Քուշադասըի մոտ խորտակեցին Airbus A300 ինքնաթիռ։ Ինքնաթիռը շարքից դուրս էր եկել, սակայն նրա համար վճարվել էր 93 հզ ԱՄՆ դոլլար^[1]։

Քույր քաղաքներ

Տնտեսություն

Քուշադասըն հայտնի հանգստավայր է, որի տարածքում առկա են մի շարք անտիկ հուշարձաններ։ Ամենահայտնին Եփեսոս և Պրիենա քաղաքների ավերակներն են։ Քաղաքի ամենահայտնի տեսարժան վայրերից մեկը տաք հանքային աղբյուրն է։