Քիթ Քերադայն

ամերիկացի դերասան

Քիթ Յան Քերադայն (անգլ.՝ Keith Ian Carradine, օգոստոսի 8, 1949(1949-08-08)[1][2][3], Սան Մատեո, Սան Մատեո շրջան, Կալիֆոռնիա, ԱՄՆ) ամերիկացի դերասան, երգիչ և երգահան է: Նրա հայտնի դերերից է Ռոբերտ Ալթմանի «Նեշվիլ» (1975) ֆիլմը, որի համար դերասանը 1976 թվականին արժանացել է Օսկար և Ոսկե Գլոբուս մրցանակներին: Քիթը հայտնի Քերադայն ընտանիքի անդամ է:

Քիթ Քերադայն
Aspettando Clint Keith Carradine fcm.jpg
Ծնվել էօգոստոսի 8, 1949(1949-08-08)[1][2][3] (71 տարեկան)
ԾննդավայրՍան Մատեո, Սան Մատեո շրջան, Կալիֆոռնիա, ԱՄՆ
ՔաղաքացիությունFlag of the United States.svg ԱՄՆ
Մասնագիտությունկինոդերասան, երգիչ, բնավորության դերասան, հեռուստատեսային դերասան, թատրոնի դերասան, սցենարիստ, կինոպրոդյուսեր, կոմպոզիտոր, հնչյունավորող, հեղինակ-կոմպոզիտոր և երգերի հեղինակ
Ժանրերվեսթեռն
Ծնողներհայր՝ Ջոն Քերադայն, մայր՝ Sonia Sorel?
Ամուսին(ներ)Hayley DuMond?
Համատեղ ապրող(ներ)Shelley Plimpton?
Երեխա(ներ)Մարթա Փլիմփթոն և Sorel Carradine?
Պարգևներ և մրցանակներԷլիս Այլընդ պատվո մեդալ, Օսկար լավագույն երգի համար և «Ոսկե գլոբուս» մրցանակ լավագույն երգի համար

ԿենսագրությունԽմբագրել

Քերադայնը ծնվել է 1949 թվականի օգոստոսի 8-ին Սան Մատեո (Կալիֆոռնիա) քաղաքում: Նա դերասանուհի Սոնիա Սորելի և դերասան Ջոն Քերադայնի որդին է: Հոր կողմից երկու խորթ եղբայր՝ Բրյուս և Դեյվիդ Քերադայնները և մեկ խորթ եղբայր կողմից մոր ՝ Մայքլ Բոուենը: Քիթն ունի հարազատ եղբայրներ ևս՝ Քրիստոֆեր և Ռոբերտ Քերադայնները, որոնք նույպես դերասաններ են: Քիթի մոր հայրը՝ Մաքս Հենիուսը, կենսաքիմիկոս էր, որն ամուսնացած է եղել պատմաբան Յոհան Լյուդվիգ Հեիբերգի քրոջ հետ[4]:

Քերադայնի մանկությունը շատ դժվար է անցել: Նա պատմում է, որ իր հայրը հարբեցող էր, իսկ մայրը ուներ դեպրեսիվ համախտանիշ, տառապում էր շիզոֆրենիայով և ուներ կատատոնիկ սինդրոմ: Նրա ծնողները բաժանվել են 1957 թվականին, երբ նա ընդամենը ութ տարեկան էր: Ծնողների միջև խնամակալության դառը վեճը հանգեցրեց նրան, որ նրա, Ռոբերտի և Քրիստոֆերի խնամակալությունը անցել է հորը, այն բանից հետո, երբ երեխաները երեք ամիս անցկացրին դատարանի հատուկ կացարանում որպես բռնության ենթարկվածներ: Նրան մեծացրել է իր մորական տատը, և նա հազվադեպ է տեսել իր ծնողներին[5]: Քիթի մայրը թույլտվություն չուներ տեսնելու իր երեխաներին ութ տարի ժամկետով:

Ավագ դպրոցից հետո Քերադայնը ընդունվել է Կոլորադոյի համալսարան (անգլ.՝ Colorado State University):

Քերադայնի առաջին ուշագրավ ֆիլմը Ռոբերտ Ալթմանի «Մակ Քեյբը և միսիս Միլլերն» էր (1971): Այնուհետև նկարահանվել է Ռոբերտ Օլդրիչի և Էռնեստ Բորգնայնի ֆիմերում: 1975 թվականին Քիթը Թոմ Ֆրանի դերում նկարահանվել է Ռոբերտ Ալթմանի «Նեշվիլ» ֆիլմում:

1977 թվականին նկարահանվել է Ռիդլի Սքոթի «Դուելսիտները» ֆիլմում, իսկ 1978 թվականին՝ «Սիրունիկ երեխա» ֆիլմում: Նկարահանվել է կինոռեժիսոր Ալան Ռուդոլֆի մի քանի ֆիլմերում. «Ընտրի՛ր ինձ» (1984), և «Խելագարություն» քրեական ժանրի ֆիլմ (1985)։

2013 թվականին հանդես է եկել «Փախուստի մեջ» ֆիլմում, որը հաղթող է ճանաչվել «Սանդենսի ամերիկյան կինոփառատոնում»՝ լավագույն կինեմատոգրաֆիա անվանակարգում:

Նրա եղբայր Դայվիդը հարցազրույցներից մեկում նշել է, որ Քիթը կարողանում է նվագել երաժշտական գործիքներ՝ ներառյալ գալարափող և պարկապզուկ: Քիթն իր երաժշտական տաղանդներն ինտեգրեց իր դերասանական կատարումներին:

1975 թվականին Քիթը գրեց «Նեշվիլ» ֆիլմի սաունդթրեքը «I'm Easy»: Շուտով այդ երգը դարձավ հիթ, և Քերադայնն արժանացավ Օսկարի ու Ոսկե Գլոբուս մրցանակների՝ լավագույն երգի համար: Այս ամենը հանգեցրեց նրան, որ Քերադայնը սկսի կարճատև երաժշտական կարիերա: Նա նախ պայմանագիր կնքեց «Asylum Records» ձայնագրման լեյբլի հետ, ապա թողարկեց երկու նոր երաժշտական ալբոմ. «I'm Easy» (1976 թվական), «Lost & Found» (1978 թվական): Քիթը համագործակցել է ամերիկացի երգչուհի Մադոննաի հետ:

1990-ականների սկզբին Քիթը արժանացել է Թոնի մրցանակի:

Քերադայնը հանդիպում էր դերասանուհի Շեյլի Փլիմփթոնի հետ: Շուտով Շեյլին ամուսնացավ Սթիվ Քարիի հետ, և նրանք բաժանվեցին, չնայած որ Քիթի հետ ռոմանտիկ և ջերմ հարաբերությունների մեջ են եղել: Երբ Քիթը գտնվում էր Կալիֆոռնիայում, լսեց, որ Շեյլին երեխայի է սպասում Քիթից: Երեխան աղջիկ էր: Նա հանդիպեց իր դստրերը այն ժամանակ, երբ Սթիվը և Շեյլին բաժանվեցին, իսկ աղջիկը չորս տարեկան էր:

Քերադայնը ամուսնացավ 1982 թվականի փետրվարի 6-ին Սանդրա Ուիլի հետ[6]: Նրանք բաժանվեցին 1999 թվականին: Զույգն ունի երկու երեխա՝ Քայթ Ռիչմոնդ Քերադայնը (ծնված 1982թ. հուլիսի 19-ին) և Սորել Քերադայնը (ծնված 1985թ. հունիսի 18-ին): Նրանք նույնպես դերասանուհիներ են և նկարահանվել են մի շարք ֆիլմերում:

2006 թվականի նոյեմբերին Քերադայնը ամուսնանացել է դերասանուհի Հայլի Դումոնդի հետ Թուրինում (Իտալիա)[7], որի հետ հանդիպում էր դեռ 1997 թվականից, երբ նրանք նկարահանվում էին Բորթ Ռեյնոլդիսի ֆիլմում:

ԾանոթագրություններԽմբագրել

  1. 1,0 1,1 Internet Broadway Database — 2000.
  2. 2,0 2,1 filmportal.de — 2005.
  3. 3,0 3,1 GeneaStar
  4. «The National cyclopaedia of American biography»։ Google Books։ Վերցված է September 24, 2013 
  5. Rader Dotson (September 29, 1991)։ «I didn't want to fail»։ Parade Magazine (Spartanburg Herald-Journal)։ Վերցված է September 24, 2013 
  6. Verrier Richard (March 25, 2006)։ «Keith Carradine Sues Pellicano»։ The New York Times։ Վերցված է September 24, 2013 
  7. Caroli, Clara (November 18, 2006)։ «Star Usa, nozze italiane come "must" – A Torino si sposa Keith Carradine» [Star USA, Italian wedding as a "must" – In Turin married Keith Carradine] (Italian)։ la Repubblica։ Վերցված է December 4, 2010