Էռնեստ Բորգնայն
Էռնեստ Բորգնայն (անգլ.՝ Ernest Borgnine, իսկական անուն ազգանունը՝ Էրմես Էֆրոն Բորգնինո, հունվարի 24, 1917[1][2][3][…], Համդեն, Նյու Հեյվեն շրջան, Կոնեկտիկուտ, ԱՄՆ - հուլիսի 8, 2012[4][1][5][…], Cedars-Sinai Medical Center, Լոս Անջելես[6]), ամերիկացի դերասան, խաղացել է 200-ից ավելի գեղարվեստական և հեռուստատեսային ֆիլմերում ու սերիալներում։
.png)
Կենսագրություն և կարիերաԽմբագրել
Էրմես Էֆրոն Բորգնինոն (իտալ.՝ Ermes Effron Borgnino) ծնվել է 1917 թ. հունվարի 24-ին ԱՄՆ-ի Կոնեկտիկուտ նահանգում։ Նրա ծնողները գաղթել էին Իտալիայից։ Դպրոցն ավարտելուց հետո 10 տարի ծառայում է ԱՄՆ-ի ռազմածովային ուժերում։ 1941 թ. թոշակի է անցնում, սակայն Երկրորդ համաշխարհային պատերազմի սկսվելու պատճառով կրկին զորակոչվում է ծառայություն ԱՄՆ-ի բանակում, մասնակցելով պատերազմին։ Պատերազմից հետո փորձելով աշխատանք գտնել տարբեր մասնագիտություններ է փոխում։
Կինոյում նորամուտը կայանում է 1951 թ.։ 1953 թ. խաղում է իր առաջին մեծ դերը ռեժիսոր Ֆրեդ Ցինեմանի «Այսուհետ և դարեդար» ֆիլմում, որտեղ իր հերոսը սպանում է Ֆրենկ Սինատրայի մարմնավորած հերոսին։ Կինոյում մեծ մասամբ խաղացել է երկրորդ պլանի դերեր։ Մյուս նշանավոր ֆիլմերն են՝ «Վիկինգները», «Պոսեյդոնի» արկածները», «Գատտակա», «Վայրի ավազակախումբը» և այլն։
ՄրցանակներԽմբագրել
Ընդհանուր թվով 13 տարբեր կինոմրցանակ է ստացել, ներկայացված է եղել ևս 8-ի։
Այդ թվում՝
- 1 Օսկար Օսկար լավագույն դերասանի համար - «Մարտի», (1955)
- 1 BAFTA - «Մարտի», (1955)
- 1 Ոսկե Գլոբուս լավագույն դերասան - «Մարտի», (1955), ևս մեկ անգամ ներկայացվել է 2007 թվականին
- ներկայացվել է 3 Էմմի (մրցանակ) մրցանակի և այլն
ԾանոթագրություններԽմբագրել
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 Encyclopædia Britannica
- ↑ 3,0 3,1 Internet Broadway Database — 2000.
- ↑ 4,0 4,1 4,2 http://www.nytimes.com/2012/07/09/movies/ernest-borgnine-tough-but-tender-actor-is-dead-at-95.html?_r=1|accessdate=July
- ↑ 5,0 5,1 5,2 http://www.aveleyman.com/FilmCredit.aspx?FilmID=1859&Extra=Y
- ↑ 6,0 6,1 6,2 German National Library, Berlin State Library, Bavarian State Library, Austrian National Library Record #137200242 // Gemeinsame Normdatei — 2012—2016.