Վիեն
Վիեն (ֆր.՝ Vienne [viɛn ]), կոմունա և քաղաք Ֆրանսիայում։ Գտնվում է Իզեր դեպարտամենտի Ռոն Ալպեր երկրամասում։ Հանդիսանում է երկու կանտոնների կենտրոնը։ Կոմունայի շրջանը Վիենն է։ Գտնվում է Ռոն գետի ձախ ափին, Ժեր գետի հետ միախառնման վայրում, Լիոնից 30 կմ դեպի հարավ։
| Կոմունա | |||
|---|---|---|---|
| Վիեն | |||
| ֆր.՝ Vienne | |||
| |||
 | |||
| Երկիր |  Ֆրանսիա | ||
| Երկրամաս | Ռոն Ալպեր | ||
| Դեպարտամենտ | Իզեր | ||
| Համայնք | canton of Vienne-Nord?, canton of Vienne-Sud?, Իզեր և arrondissement of Vienne? | ||
| Քաղաքապետ | Սիերի Կովակս (2014-2020) | ||
| Մակերես | 22,65 կմ² | ||
| ԲԾՄ | 404 մ | ||
| Բնակչություն | 29.077 մարդ (2012) | ||
| Խտություն | 1300 մարդ/կմ² | ||
| Ժամային գոտի | UTC+1, ամառը UTC+2 | ||
| Փոստային դասիչ | 38200[1] | ||
| 38544 | |||
| Պաշտոնական կայք | vienne.fr(ֆր.) | ||
| |||
_-_1887.svg)
Պատմություն
խմբագրելԱնտիկ ժամանակներում Վիենը եղել է Գալիայի գլխավոր քաղաքներից մեկը և բազմամարդ ալլոբրոգների ցեղերի մայրաքաղաքը։ Մ.թ.ա. 121 թվականին գրավվել է հռոմեացիների կողմից և պահպանում էր իր խոշոր ռազմաքաղաքական կենտրոնի նշանակությունն ընդհուպ մինչև Հռոմեական կայսրության անկումը։ 6 թվականին այստեղ աքսորվել է Հերոդ Արչելաուսը, իսկ Քրիստոսի մահապատժից հետո, եկեղեցական ավանդույթի համաձայն՝ Պիղատոս Պոնտացին։ 257 թվականին Վիենում կայսր է հռչակվել Պոստումը։
Աշխարհագրություն
խմբագրելԿոմունայի INSEE կոդը՝ 38544 է։ Բնակչությունը 2012 թվականի դրությամբ կազմում էր 29 077 մարդ։ Բնակավայրը գտնվում է ծովի մակարդակից 140-404 մետր բարձրության վրա։ Մունիցիպալիտետը գտնվում է Փարիզից 420 կմ դեպի հարավ-արևելք, Լիոնից 27 կմ դեպի հարավ, Գրենոբլից 80 կմ դեպի հյուսիս-արևմուտք։ Կոմունայի քաղաքապետը Սիերի Կովակսն է, մանդատը գործում է 2014-2020 թվականների ընթացքում։
Բնակչություն
խմբագրելԲնակչության թվի աճի դինամիկան (INSEE[2])`
Տեսարժան վայրեր
խմբագրելՎիենը շրջապատված է բարձր լեռներով։ Այն Ֆրանսիայի քաղաքներից անտիկ հուշարձանների թվով ամենահարուստ քաղաքն է։ Դրանցից ամենահայտնին անհայտ ծագում ունեցող սրածայր բուրգն է, որը հին ժամանակներում համարում էին Պիղատոս Պոնտացու դամբարանը։ 1860 թվականին իր սկզբնական տեսքն է ստացել Օգոստոսի և Լիվիայի տաճարն, որը կառուցվել էր քրիստոնեական դարաշրջանի սկզբին և ավելի ուշ ձևափոխվել է եկեղեցու։ Հեղափոխության ժամանակ այստեղ իրենց ժողովներն էին անցկացնում յակոբինյանները։ 13 հազար հանդիսատեսի համար նախատեսված ավերված ամֆիթատրոնը գտնվում է Պիպե լեռան լանջին։
Այդ հայտնի հուշարձաններից բացի, Ռոն գետի աջ ափին հնագետների կողմից հայտնաբերվել է 4 հա տարածք ունեցող թատրոնի պատերով անտիկ շինություն, ինչպես նաև Կիբելայի տաճարը։ Անտիկ քանդակը ցուցադրված է երկրի ամենահին եկեղեցիներից մեկում՝ Սուրբ Պողոսի եկեղեցում, որի շինարարությունը սկսվել է 4-րդ դարում։ Սեն Անդրե լե Բա եկեղեցին կառուցվել է 9-րդ դարում պրովանսյան թագավորների կողմից, որպես պալատական կապելլա, ավելի ուշ ձևափոխվել է ռոմանական ոճի։
Քույր-քաղաքներ
խմբագրել
- Ալբասետե, Իսպանիա
- Նեքարի Էսլինգեն, Գերմանիա
- Գորիս, Հայաստան
- Նիս Փորթ Թալբոթ, Ուելս
- Պյոտրկով Տրիբունալսկի, Լեհաստան
- Շխիդամ, Նիդերլանդներ
- Ուդինե, Իտալիա
- Վելենյե, Սլովենիա
- Գրինվիչ, Կոնեկտիկուտ, ԱՄՆ
Պատկերասրահ
խմբագրել-
Ամրոցի ավերակներ -
Սեն Մորիս մայր տաճար -
Վիենի բուրգը -
Օգոստոսի և Լիվիայի տաճար -
Պիպե լեռան վրա
Ծանոթագրություններ
խմբագրել- ↑ Base officielle des codes postaux — La Poste, 2018.
- ↑ [«Население Вьена на сайте национального института статистики и экономических исследований Франции (ֆր.)». Արխիվացված է օրիգինալից 2012 թ․ նոյեմբերի 8-ին. Վերցված է 2016 թ․ հուլիսի 3-ին. Население Вьена на сайте национального института статистики и экономических исследований Франции (ֆր.)]
Արտաքին հղումներ
խմբագրել | Վիքիպահեստն ունի նյութեր, որոնք վերաբերում են «Վիեն» հոդվածին։ |