Վեներան հայելու դիմաց (Տիցիան)

Տիցիանի կտավներից

Վեներան հայելու դիմաց կամ Հայելիով Վեներան (իտալ.՝ Venere allo specchio, անգլ.՝ Venus with a Mirror), Տիցիանի կտավներից, պատկերված մոտավորապես 1555 թվականին: Պատկանում է Վաշինգտոնի Արվեստի ազգային պատկերասրահին: Կտավի չափերն են 124,5 × 105,5 սմ[3][4][5] Օգտագործվում է նաև «Վեներայի հարդարանք» անվանումը:

Picto infobox artiste.png
Վեներան հայելու դիմաց
Titian Venus Mirror (furs).jpg
տեսակգեղանկար
նկարիչՏիցիան
տարի1555
բարձրություն124,5 սանտիմետր[1]
լայնություն105,5 սանտիմետր[1]
ուղղությունՎենետիկի գեղարվեստի դպրոց
ժանրդիցաբանական գեղանկարչություն և նյու
նյություղաներկ և կտավ
գտնվում էԱրվեստի ազգային պատկերասրահ[2]
հավաքածուԱրվեստի ազգային պատկերասրահ և Էնդրյու Վ․ Մելլոնի հավաքածու[1]
սեփականատերՏիցիան և Tizianello?
ներշնչված էNaked Young Woman in Front of the Mirror?
https://www.wga.hu/html/t/tiziano/09/10mirror.html կայք
Venus with a Mirror (Titian) Վիքիպահեստում

ՊատմությունԽմբագրել

Կտավը պատկերվել է 1550-ականներին, երբ Տիցիանը ավելի քան 60 տարեկան էր: Տիցիանը շատ էր գնահատում այս կտավն ու չէր ցանկանում այն որևէ մեկին վաճառել, այդպիսով այն մնացել է իր տանը մինչև նկարչի կյանքի վերջը: Տիցիանի մահից հետո, 1576 թվականին նկարը ժառանգաբար անցել է իր որդուն` Պոմպինո Վեչելոյին (Pomponio Vecellio): 1581 թվականին նա այս կտավն այլ կտավների հետ վաճառել է Քրիստոֆորո Բարբարիգոյին (Cristoforo Barbarigo) Վենետիկից, ումից էլ այն ժառանգել է վերջինիս որդին, Անդրեա Բարբարիգոն (Andrea Barbarigo): Գրեթե 300 տարի նկարը եղել է Բարբարիգո ընտանիքի սեփականությունն ու պահվել է նրանց առանձնատանը[6]: 1850 թվականին ռուս հյուպատոս Ալեքսանդր Խվոստովի միջնորդությամբ Բարբարիգոների նկարների հավաքածուն ձեռք է բերել Նիկոլայ Առաջինը` Էրմիտաժի հավաքածուի համար: Արդյունքում «Վեներան հայելու դիմաց» կտավը տեղավորվել է Նոր Էրմիտաժի իտալական սենյակներից մեկում, որտեղ այն գտնվում էր Տիցիանի մեկ այլ հայտնի նկարի` Ապաշխարող Մարիամ Մագդաղենացին կտավի հետ[7]. 1929-1934 թվականներին ԽՍՀՄ ղեկավարությունը արտոնել է Էրմիտաժի հավաքածուներից նկարների վաճառքը, որոնց մեծագույն մասը միջնորդների միջոցով վաճառվել են ամերիկացի կոլեկցիոներ Էնդրյու Մելլոնի (1855-1937), ով այդ ժամանակ ԱՄՆ-ի ֆինանսների նախարարն էր[7]: 1931 թվականին «Վեներան հայելու դիմաց» կտավը տեղափոխվել է ԱՄՆ երկու այլ կտավների` Պերուջինոյի «Խաչելություն» և Ռաֆայելի «Մադոննա Կոնեստաբիլե» կտավների հետ: Այս կտավներն ԱՄՆ են հասել Նիկոլայ Իլյինի և Բորիս Կրաևսյու ուղեկցությամբ, ովքեր բանակցություններ էին վարում Knoedler միջնորդ կազմակերպության հետ. Մելլոնին անձամբ հանդիպել չի հաջողվել[8][9]. Էնդրյու Մելոնի մահից հետո 1937 թվականին նրա հավաքածուն անցել է նոր ձևավորվող Արվեստի ազգային պատկերասրահին, որտեղ էլ գտնվում է «Վեներան հայելու դիմաց» կտավը մինչև այսօր:

ՆկարագրությունԽմբագրել

Կիսամերկ Վեներան` կուրծքը ձախ ձեռքով ծածկած, նայում է հայելուն: Դեմքի կարմրությունն ընդգծում է նրա երիտասարդությունն ու գեղեցկությունը: Նրա դեմքը շրջված է դեպի հանդիսատեսը գրեթե պրոֆիլով, իսկ նրա արտացոլանքը հայելու մեջ փաստորեն դառնում է նկար նկարի մեջ[10]: Համարվում է, որ Տիցիանի նկարում Վեներայի ձեռքերի դիրքը պատկերված է Պրաքսիտելեսի «Կնիդի Աֆրոդիտա» մարմարյա քանդակին համապատասխան: Նկարիչ Վասիլի Սուրիկովն այսպես է արտահայտվել կտավի վերաբերյալ Պավել Չիստյակովին ուղղված 1884 թվականի մայիսի 17 (29)-ի իր նամակում[11].

  Մեր Էրմիտաժի «Վեներան հայելու դիմաց» կտավը Տիցիանի համարյա թե լավագույն ստեղծագործությունն է: Առհասարակ, մեզ մոտ, Էրմիտաժ են ընկել հին վարպետների լավագույն գործերը:  


Այլ տարբերակներԽմբագրել

ԾանոթագրություններԽմբագրել

  1. 1,0 1,1 1,2 https://www.nga.gov/content/ngaweb/Collection/art-object-page.41.html
  2. http://www.nga.gov/content/ngaweb/Collection/art-object-page.41.html
  3. «Titian — Venus with a Mirror, c. 1555» (HTML)։ National Gallery of Art։ Վերցված է 30.12.2013 
  4. «Titian and the Late Renaissance in Venice: Venus with a Mirror, c. 1555» (HTML)։ National Gallery of Art։ Վերցված է 30.12.2013 
  5. «Коллекция: мировая художественная культура — Тициан, "Венера перед зеркалом"» (HTML)։ Российский общеобразовательный портал — artclassic.edu.ru։ Վերցված է 30.12.2013 
  6. «Titian — Venus with a Mirror, c. 1555 — Provenance» (HTML)։ National Gallery of Art։ Վերցված է 03.01.2014 
  7. 7,0 7,1 ««Шедевры музеев мира в Эрмитаже» — Тициан, «Венера перед зеркалом», 24 мая 2002 — 26 августа 2002» (HTML)։ Государственный Эрмитаж — www.hermitagemuseum.org։ Վերցված է 30.12.2013 
  8. Елена Осокина։ «Тайный покупатель (часть 1)» (HTML)։ Forbes — www.forbes.ru։ Վերցված է 30.12.2013 
  9. Елена Осокина։ «Тайный покупатель (часть 2)» (HTML)։ Forbes — www.forbes.ru։ Վերցված է 30.12.2013 
  10. Л. Мельникова Тициан (Великие художники, том 19). — Москва: Директ-Медиа и Комсомольская правда, 2010. — 48 с. — ISBN 978-5-87107-192-2
  11. «Письма Сурикова: П.П. Чистякову, Вена, 17/29 мая 1884» (HTML)։ artsurikov.ru։ Վերցված է 31.12.2013 

Արտաքին հղումներԽմբագրել