Ռուսական իմպրեսիոնիզմի թանգարան
Ռուսական իմպրեսիոնիզմի թանգարան (ռուս.՝ Музей русского импрессионизма), XIX դարի վերջի և XX դարի սկզբի ռուսական արվեստին նվիրված մասնավոր թանգարան Մոսկվայում։
Ռուսական իմպրեսիոնիզմի թանգարան | |
|---|---|
 | |
| Տեսակ | թանգարան |
| Երկիր |  Ռուսաստան |
| Տեղագրություն | Մոսկվա |
| Վայր | Լենինգրադյան պողոտա |
| Հասցե | Լենինգրադյան պողոտա |
| Հիմնադրվել է | մայիսի 28, 2016 |
| Հիմնադիր | Բորիս Մինց |
| Կայք | rusimp.su |
 | |
 | |
Պատմություն խմբագրել
2016 թվականին թանգարանը հիմնադրել է ռուս ձեռնարկատեր Բորիս Մինցը (2016 թվականին Ֆորբսի ցանկում եղել է № 55)։ 2001 թվականից Մինցը հավաքել է 19-20-րդ դարերի ռուս նկարիչների կտավներ և գրաֆիկական աշխատանքներ։ Մինցի հավաքածուում ներառված են Վալենտին Սերովի, Կոնստանտին Կորովինի, Բորիս Կուստոդիևի, Պյոտր Կոնչալովսկու, Վասիլի Պոլենովի, Յուրի Պիմոնովի, Ալեքսանդր Գերասիմովի աշխատանքները[1]։ Այս հավաքածուի հիման վրա Մինցը Մոսկվայում բացել է մասնավոր թանգարան, որի համար իրեն պատկանող նախկին «Բոլշևիկ» հրուշակեղենի ֆաբրիկայի տարածքում թանգարանային շինություն է կառուցել։ Շենքի ճարտարապետական նախագիծն իրականացրել է «John McAslan + Partners» ճարտարապետական ընկերությունը (16,5 միլիոն դոլար)[2]։
Հանրության համար թանգարանը բավել է 2016 թվականի մայիսի 28-ին, սակայն իր գործունեությունն թանգարանն սկսել էր դեռևս 2014 թվականին, երբ Մոսկվայում և Ռուսաստանի մարզերում բացվել էին մի շարք ցուցահանդեսներ (2014 թվականի գարնանը MacDougall’s աճուրդի տանը Մոսկվայում, Իվանովոյում, Վենետիկում, Ֆրայբուրգում)։ Թանգարանի օտարականի հետ իրականացրած համատեղ «Կտավը գրադարանում» նախագիծը շուրջ 3 տարի շրջել է ռուսական խոշոր քաղաքներում և մասնակցել «Интермузея-2016» եզրափակչին[1]։ 2016 թվականի դեկտեմբերին ընդգրկվել է The Art Newspaper Russia մրցանակի թեկնածուների հսկա ցանկում[3]։
Հավաքածու խմբագրել
Թանգարանի հավաքածուի հիմքում ընկած է Բորիս Մինցի մասնավոր հավաքածուն՝ կենտրոնացած 19-րդ դարի վերջի և 20-րդ դարի սկզբի ռուսական արվեստի վրա։ Ամենավաղ արված կտավը Վասիլի Պոլենովի 1879 թվականի աշխատանքն է։ Հավաքածուի կտավների մեծ մասը գնվել է արտերկրում և այս եղանակով վերադարձել հայրենիք՝ Նիկոլայ Բոգդանով-Բելսկու «Ամառ», Բորիս Կուստոդիևի «Վենետիկ», Պյոտր Կոնչալովսկու երկու աշխատանքներ և Նիկոլայ Բուբովսկու «Լեռնային գյուղ» ստեղծագործությունները։ Հավաքածուում ներառված են նաև Կոնստանտին Կորովինի, Իգոր Գրաբարի, Կոնստանտին Յուոնի, Յուրի Պիմենովի և այլ վարպետների աշխատանքներ[1]։
Ցուցահանդեսներ խմբագրել
Թանգարանում կազմակերպվում են հայրենիքում մոռացված նկարիչների ցուցահանդեսներ։ 2016 թվականի գարնանը բացվել է «Առնոլդ Լախովսկի. կախարդված օտարական» ցուցահանդեսը[4], 2016 թվականի դեկտեմբերին՝ Ելենա Կիսելևի ցուցահանդեսը։
2017 թվականին (մարտի 25-ից հունիսի 4) թանգարանում կազմակերպվել է «Հայկական իմպրեսիոնիզմ. Մոսկվայից մինչև Փարիզ» ցուցահանդեսը[5], որի ընթացքում ցուցադրվում են Հայաստանի ազգային պատկերասրահից և Երևանի Ռուսական արվեստի թանգարանից բերված հայ իմպրեսիոնիստների շուրջ 60 աշխատանքներ՝ Մարտիրոս Սարյանի, Վարդգես Սուրենյանցի, Կարապետ (Շառլ) Ադամյանի, Եղիշե Թադևոսյանի, Սեդրակ Առաքելյանի, Հովհաննես Զարդարյանի, Վահրամ Գայֆեճյանի և ուրիշների[6][7][8]։
Ծանոթագրություններ խմբագրել
- ↑ 1,0 1,1 1,2 About the Museum - Russian impressionism museum
- ↑ Масштаб впечатлений: Борис Минц рассказал Forbes о своем музее // «Форбс», 30 мая 2016.
- ↑ Музей Арсеньева поборется с Третьяковкой за премию The Art Newspaper Russia
- ↑ Анна Толстова. Музей русского оптимизма // Коммерсант
- ↑ Ginosyan, David. «Հայկական իմպրեսիոնիզմ. Մոսկվայից մինչև Փարիզ | Orer News Site». orer.eu. Արխիվացված է օրիգինալից 2017 թ․ մարտի 29-ին. Վերցված է 2017 թ․ մարտի 29-ին.
- ↑ Ռուսական իմպրեսիոնիզմի թանգարանում բացվելու է «Հայկական իմպրեսիոնիզմ. Մոսկվայից Փարիզ» ցուցահանդեսը
- ↑ «В Москве открылась выставка армянских импрессионистов». Армянский музей Москвы и культуры наций (ռուսերեն). Վերցված է 2017 թ․ մարտի 29-ին.
- ↑ «От Мане до Сарьяна. Армянские импрессионисты дают отпор французам - ИА REGNUM». ИА REGNUM (ռուսերեն). Վերցված է 2017 թ․ մարտի 29-ին.
 | Վիքիպահեստն ունի նյութեր, որոնք վերաբերում են «Ռուսական իմպրեսիոնիզմի թանգարան» հոդվածին։ |