Սիդ Չարիս
Սիդ Չարիս (անգլ.՝ Cyd Charisse, իրական անունը՝ Տուլա Էլիս Ֆինկլի, մարտի 8, 1922[1], Ամարիլլո, Տեխաս, ԱՄՆ - հունիսի 16, 2008[2][3][4][…], Լոս Անջելես, Կալիֆոռնիա, ԱՄՆ), ամերիկյան թատրոնի և կինոյի դերասանուհի, բալետի պարուհի։ Պարել է «Մոնտե Կառլոյի ռուսական բալետ» պարային խմբում, 1940-ական թվականներից աշխատել է կինոյում ` հիմնականում նկարահանվելով մյուզիքլի ժանրում։ Նրա խաղընկերներից էին Ֆրեդ Աստերը, Ջին Քելլին, Դեն Դեյլին և այլք։
 անգլ.՝ Cyd Charisse | |
|---|---|
.jpg) | |
| Ծնվել է | մարտի 8, 1922[1] |
| Ծննդավայր | Ամարիլլո, Տեխաս, ԱՄՆ |
| Մահացել է | հունիսի 16, 2008[2][3][4][…] (86 տարեկան) |
| Մահվան վայր | Լոս Անջելես, Կալիֆոռնիա, ԱՄՆ |
| Գերեզման | Hillside Memorial Park |
| Կրթություն | Hollywood Professional School? |
| Քաղաքացիություն |  ԱՄՆ |
| Մասնագիտություն | դերասանուհի, բալետի պարող, թատրոնի դերասանուհի, հեռուստատեսային դերասանուհի և կինոդերասանուհի |
| Ընտրանի | The Band Wagon? և Singin' in the Rain? |
| Ամուսին(ներ) | Տոնի Մարտին |
| Պարգևներ և մրցանակներ | |
Կենսագրություն խմբագրել
Սիդ Չարիսը ծնվել է ԱՄՆ-ի Տեխաս նահանգում գտնվող Ամարիլլո քաղաքում։ Վեց տարեկանից սկսել է զբաղվել պարով, իսկ 12 տարեկանից սովորել է Լոս Անջելեսի պարային դպրոցներից մեկում։ Նրա պարուսույցներից էին Ադոլֆ Բոլմը և Բրոնիսլավա Նիժինսկայան։ «Մոնտե Կառլոյի ռուսական բալետ» պարային խմբում ավանդույթի համաձայն հանդես է եկել ռուսական կեղծանուններով, սկզբում ` Ֆելիա Սիդորովա, իսկ հետո` Մարիա Իստոմինա։
1943 թվականից սկսել է նկարահանվել կինոյում։ Նրա առաջին դերերից էր Գալինա Ուլանովայի դերը՝ «Առաքելություն դեպի Մոսկվա» ֆիլմում։ Սակայն նրան հանրաճանաչ դարձրեց «Անձրևի տակ երգողները» (1952 թ.) ֆիլմը, որտեղ նրա խաղընկերն էր Ջին Քելլին։ 1957 թվականին նկարահանվել է Ռուբեն Մամուլյանի «Մետաքսե գուլպաներ» ֆիլմում ` կերտելով Նինա Յուշչենկոյի կերպարը։ Այդ դերի համար Սիդ Չարիսը ներկայացվել է «Ոսկե գլոբուս» մրցանակի։
1952 թվականին Սիդ Չարիսի ոտքերը ապահովագրվել են հինգ միլիոն դոլարով։ Գինեսի ռեկորդների գրքի համաձայն, դա այն տարիների ապահովագրական ամենաբարձր գումարն էր։
Անձնական կյանք խմբագրել
1939 թվականին Սիդ Չարիսը ամուսնացել է Լոս-Անջելեսում գտնվող պարային ստուդիայի սեփականատեր Նիկո Չարիսի հետ։ Նրանք ունեցել են մեկ որդի։ 1947 թվականին ամուսնալուծվել է, սակայն շարունակել է կրել ամուսնու ազգանունը։
1948 թվականին կրկին ամուսնացել է, այս անգամ հոլիվուդյան երգիչ և դերասան Տոնի Մարտինի հետ։ Համատեղ կյանքի ընթացքում նրանք ունեցել են մեկ երեխա։
Սիդ Չարիսը մահացել է 2008 թվականի հունիսի 17-ին Լոս Անջելեսում` սրտի անբավարարությունից։
Մասնակի ֆիլմագրությունը խմբագրել
| Թվական | Անվանում | Բնօրինակ անվանում | Կերպար |
|---|---|---|---|
| 1941 | Աղջիկը` կանչով | Escort Girl | պարուհի |
| 1943 | Ինչ-որ բան կա` ճչալու համար | Something to Shout About | Լիլի |
| 1943 | Առաքելություն դեպի Մոսկվա | Mission to Moscow | Գալինա Ուլանովա |
| 1945 | Զիգֆիլդի անմտությունը | Ziegfeld Follies | բալետի պարուհի |
| 1946 | Հարվիի աղջիկները | The Harvey Girls | Դեբորա Էնդրյուս |
| 1946 | Երեք իմաստուն հիմարներ | Three Wise Fools | Ռենա |
| 1946 | Քանի դեռ ամպերը լողում են | Till the Clouds Roll By | պարուհի |
| 1947 | Ֆիեստա | Fiesta | Կոնչիտա |
| 1947 | Անավարտ պար | The Unfinished Dance | Արիանա Բուշե |
| 1948 | Քեզ հետ` կղզու վրա | On an Island with You | Իվոն Տորո |
| 1948 | Համբուրվող ավազակը | The Kissing Bandit | պարուհի |
| 1948 | Երգը սրտում | Words and Music | Մարգո Գրանտ |
| 1949 | Լարվածություն | Tension | Մերի |
| 1949 | Իսթ-Սայդ, Վեսթ-Սայդ | East Side, West Side | Ռոզա Սենտա |
| 1951 | Ուրացող Մարկը | Mark of the Renegade | Մանուելա դե Վասկես |
| 1952 | Վայրի հյուսիս | The Wild North | հնդկացի աղջիկ |
| 1952 | Անձրևի տակ երգողները | Singin' in the Rain | պարուհի |
| 1953 | Սոմբրերո | Sombrero | Լոլա դե Տորանո |
| 1953 | Թատերական բեռնասայլ | The Band Wagon | Գաբրիելա Ժերար |
| 1954 | Բրիգադուն | Brigadoon | Ֆիոնա Քեմփբել |
| 1954 | Իմ սրտի խորքում | Deep in My Heart | - |
| 1955 | Միշտ լավ եղանակ | It's Always Fair Weather | Ջեքի Լեյթոն |
| 1956 | Դիմավորիր ինձ Լաս-Վեգասում | Meet Me in Las Vegas | Մարիա |
| 1957 | Մետաքսե գուլպաներ | Silk Stockings | Նինա Յուշչենկո |
| 1958 | Աստվածների վերջալույսը | Twilight for the Gods | Շառլոտ Քինգ |
| 1958 | Աղջիկը երեկույթից | Party Girl | Վիկի Գեյ |
| 1961 | Հինգ ոսկյա ժամացույց | Five Golden Hours | բարոնուհի Սանդրա |
| 1961 | Մեկ, երկու, երեք, չորս կամ սև գուլպաներ | 1-2-3-4 ou Les collants noirs | այրի |
| 1962 | Երկու շաբաթ ուրիշ քաղաքում | Two Weeks in Another Town | Շառլոտա |
| 1962 | Ինչ-որ բան պետք է պատահի | Something's Got to Give | Բյանկա Արդեն |
| 1965 | Սպանություն Իտալիայում | Il segreto del vestito rosso | Շելլի Նորթ |
| 1966 | Գաղտնի եկվորները | The Silencers | Սարիտա |
| 1967 | Մարոկո 7 | Maroc 7 | Լուիզա Հենդերսոն |
| 1969 | Բժշկական կենտրոն | Medical Center | Վալերիա |
| 1976 | Վոն Տոն Տոն. Շունը, որը փրկեց Հոլիվուդը | Won Ton Ton: The Dog Who Saved Hollywood | - |
| 1977 | Սիրո մակույկը | The Love Boat | Եվա Միլս |
| 1978 | Ատլանտիդայի առաջնորդները | Warlords of Atlantis | Ատսիլ |
| 1984 | Նա գրել է սպանություն | Murder, She Wrote | Միրնա Մոնտկլեր ԼեՌոյ |
| 1988 | Լողազգեստ | Swimsuit | միսիս Էլիսոն |
| 1993 | Ֆրեյզեր | Frasier | Պոլի |
| 1994 | Բերկի արդարադատությունը | Burke's Law | Ամանդա Ռիչարդսոն |
Ծանոթագրություններ խմբագրել
- ↑ 1,0 1,1 Internet Movie Database — 1990.
- ↑ 2,0 2,1 2,2 http://variety.com/2008/film/news/dancer-film-icon-cyd-charisse-dies-1117987611/
- ↑ 3,0 3,1 3,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 4,0 4,1 4,2 filmportal.de — 2005.
 | Վիքիպահեստն ունի նյութեր, որոնք վերաբերում են «Սիդ Չարիս» հոդվածին։ |