Սեդրիկ Պիոլին

Սեդրիկ Ադրիեն Պիոլին (ֆր.՝ Cedric Adrien Pioline, ծնվել է 1969 թվականի հունիսի 15-ին, Նյուի սյուր Սեն, Օ-դը-Սեն, Ֆրանսիա), ֆրանսիացի նախկին պրոֆեսիոնալ թենիսիստ։

Սեդրիկ Պիոլին ֆր.՝ Cédric Pioline
Սեռ	արական
Քաղաքացիություն	Ֆրանսիա
Բնակվելու վայր	Ժնև
Ծննդյան ամսաթիվ	1969 թվական հունիսի 15
Ծննդավայր	Նյուի սյուր Սեն, Օ-դը-Սեն, Ֆրանսիա
Հասակ	188 սմ
Քաշ	79 կգ
Կարիերայի սկիզբ	1989 թվական
Կարիերայի ավարտ	2002 թվական
Աշխատող ձեռք	աջ
Հարված ձախից	մեկձեռքանի
Պարգևավճար, USD	6 921 029
Մենախաղ
Խաղեր Հ/Պ	389–318
Ամենաբարձր վարկանիշ	5 (2000 թվական մայիսի 8)
Մեծ Սաղավարտի մրցաշարեր
Ավստրալիա	4-րդ շրջան (1998)
Ֆրանսիա	1/2 եզրափակիչ (1998)
Ուիմբլդոն	Եզրափակիչ (1997)
ԱՄՆ	Եզրափակիչ (1993)
Զուգախաղ
Խաղեր Հ/Պ	41–50
Ամենաբարձր վարկանիշ	93 (2003 թվական հունվարի 13)
Մեծ Սաղավարտի մրցաշարեր
Ավստրալիա	1-րդ շրջան (1990)
Ֆրանսիա	1/4 եզրափակիչ (1989)
Ավարտել է կարիերան

Ընդհանուր տեղեկություն

Սեդրիկը ծնվել է մարզական ընտանիքում։ Նրա հայր Մորիսը և մայր Ադրիանան զբաղվում էին վոլեյբոլով և ծանոթացել էին Փարիզում խաղի ժամանակ, որտեղ Սեդրիկի մայրը ժամանել էր Ռումինիայի հավաքականի կազմում։

Կինը՝ Միրել Բերկոտ, որդին՝ Անդրեա (ծնվել է 1993 թվականին)։

Սիրում է ստորջրյա լողը և հանգիստը ծովափին։

Մարզական կարիերա

Սեդրիկ Պիոլինը պրոֆեսիոնալ կարիերան սկսել է 1989 թվականին։ Նույն թվականին նորամուտում է Մեծ Սաղավարտի իր համար տնային մրցաշարին՝ Ֆրանսիայի բաց առաջնությանը։ 1991 թվականին առաջին անգամ մրցաշրջանն ավարտում է առաջին հարյուրյակում՝ 51-րդ հորիզոնականում։ 1992 թվականի Լիոնի ATP մրցաշարում առաջին անգամ դուրս է գալիս եզրափակիչ, որտեղ պարտություն է կրում ամերիկացի Փիթ Սամփրասից՝ 4-6, 2-6։ Իր տաղանդը առավել հաջող նա կարողանում է բացահայտել հաջորդ մրցաշրջանում։ Մոնտե Կարլոյի «Մասթերս» շարքի հեղինակավոր գրունտային մրցաշարում Սեդրիկը կարողանում է դուրս գալ եզրափակիչ, որտեղ նա պարտվում է 1993 թվականի Ֆրանսիայի բաց առաջնության ապագա հաղթող Սերխի Բրուգերին՝ 6-7(2), 0-6։ Այնուհետև, Ուիմբլդոնի մրցաշարում, Սեդրիկը հասնում է մինչև քառորդ եզրափակիչ։ Սակայն տարվա ամենանշանակալից իրադարձությունը տեղի է ունենում ԱՄՆ բաց առաջնությունում։ Չորրորդ շրջանի խաղում առավելության հասնելով այդ պահին աշխարհի առաջին ռակետ ամերիկացի Ջիմ Կուրիեի նկատմամբ՝ 7-5, 6-7(4), 6-4, 6-4, Պիոլինն արդյունքում կարողանում է դուրս գալ այդ նշանավոր մրցաշարի եզրափակիչ։ Սակայն հաղթանակի ճանապարհին կանգնում է Փիթ Սամփրասը, ով երեք սեթում հաղթում է Պիոլինին՝ 4-6, 4-6, 3-6։ Դրանից հետո Սեդրիկը կարողանում է եզրափակիչ դուրս գալ ևս երեք մրցաշարերում՝ Թուլուզում, Բոլցանոյում և Լիոնում, սակայն այդպես էլ չի կարողանում հասնել ATP մրցաշարերում իր համար առաջին հաղթանակին։ Մրցաշրջանը Պիոլինը եզրափակում է 10-րդ հորիզոնականում։

1994 թվականը դառնում է քիչ հաջողակ և Սեդրիկի արդյունքներն անկում են ապրում։ Նա կարողանում է եզրափակիչ դուրս գալ միայն մեկ մրցաշարում՝ Լոնգ Այլենդում, ինչն անդրադառնում է վարկանիշի ամփոփիչ արդյունքի վրա՝ 51-րդ հորիզոնական։ Հաջորդ տարի նա կարիերայում երկրորդ անգամ կարողանում է դուրս գալ Ուիմբլդոնի մրցաշարի քառորդ եզրափակիչ։ 1996 թվականի փետրվարին նրան հաջորղվում է հերթականությամբ դուրս գալ եզրափակիչ Զագրեբի և Մարսելի մրցաշարերում, սակայն, ինչպես և նախկինում, կրկին պարտություն է կրում այդ փուլում։ Նույն թվականի մարտին, ATP մրցաշարերի իր համար տասներորդ եզրափակիչում, նրան հաջողվում է շահել առաջին տիտղոսը։ Դա տեղի է ունենում Կոպենհագենի մրցաշարում։ Մրցաշրջանի վերջում նա օգնում է Ֆրանսիայի թենիսի հավաքականին հաղթանակ տանել Դևիսի Գավաթում, եզրափակիչում առավելության հասնելով Շվեդիայի հավաքականի նկատմամբ՝ 3-2։ Հաջորդ հաղթանակին Պիոլինին հաջողվում է հասնել 1997 թվականին Պրահայի մրցաշարում։ Այդ նույն թվականի Ուիմբլդոնի մրցաշարում նա կարիերայում երկրորդ անգամ կարողանում է դուրս գալ Մեծ Սաղամարտի շարքի մրցաշարերի եզրափակիչ։ Ինչպես և 1993 թվականի ԱՄՆ բաց առաջնությունում, նա զիջում է Փիթ Սամփրասին՝ 4-6, 2-6, 4-6։ 1998 թվականի մրցաշրջանում նա եզրափակիչ է դուրս գալիս երկու մրցաշարում՝ Լոնդոնում և Մոնտե Կարլոյում, ինչպես նաև Ֆրանսիայի բաց առաջնության կիսաեզրափակիչ։

1999 թվականին Սեդրիկը հաղթանակ է տանում իր համար երրորդ ATP մրցաշարում՝ Նոթինգհեմում։ Ուիմբլդոնի մրցաշարում հասնում է մինչև քառորդ եզրափակիչ, իսկ ԱՄՆ բաց առաջնությունում՝ մինչև կիսաեզրափակիչ։ 2000 թվականի փետրվարին նա հաղթանակի է հասնում Ռոտերդամի մրցաշարում։ Ապրիլին Սեդրիկին հաջողվում է տիտղոս նվաճել Մոնտե Կարլոյի «Մասթերս» շարքի մրցաշարում, եզրափակիչում առավելության հասնելով Դոմինիկ Հրբաթիի նկատմամբ՝ 6-4, 7-6(3), 7-6(6), շնորհիվ որի բարձրանում է դասակարգման աղյուսակի իր կարիերայում ամենաբարձր հինգերորդ աստիճանին։ 2001 թվականին Ֆրանսիայի հավաքականի կազմում կարիերայում երկրորդ անգամ հաղթում է Դևիսի Գավաթում։ 2002 թվականին ավարտում է պրոֆեսիոնալ թենիսիստի կարիերան։

Նվաճումներ

• Մեծ Սաղավարտի երկու մրցաշարերի եզրափակիչի մասնակից մենախաղում։
• ATP մենախաղի 5 և զուգախաղի 1 տիտղոսների տիրակալ։
• Աշխարհի նախկին թիվ 5 ռակետ մենախաղում։

Մեծ Սաղավարտի մրցաշարերի եզրափակիչներ

Մենախաղ (2)

Պարտություններ (2)

№	Թվական	Մրցաշար	Մրցակից	Հաշիվ
1.	1993	ԱՄՆ բաց առաջնություն	Փիթ Սամփրաս	4-6, 4-6, 3-6
2.	1997	Ուիմբլդոնի մրցաշար	Փիթ Սամփրաս	4-6, 2-6, 4-6

Ելույթները ATP մրցաշարերում

Մրցաշար
Մեծ Սաղավարտի մրցաշարեր
Մասթերս Գավաթ / АТР-տուրի եզրափակիչ
ATP Մասթերս / ATP Մասթերս 1000
АТР Gold / АТР 500
АТР International/ АТР 250

Տիտղոսներ կարիերայի ընթացքում (8)

Մենախաղ (5)

№	Ամսաթիվ	Մրցաշար	Ծածկույթ	Մրցակից	Հաշիվ
1.	1996 թվականի մարտի 11	Կոպենհագեն	Գորգ(i)	Քեննեթ Կարլսեն	6-2, 7-6(7)
2.	1997 թվականի ապրիլի 28	Tento Czech Open Պրահա	Գրունտ	Բոգդան Ուլիգրախ	6-2, 5-7, 7-6(4)
3.	1999 թվականի հունիսի 14	Նոթինգհեմ	Խոտածածկ	Քևին Ուլիետ	6-3, 7-5
4.	2000 թվականի փետրվարի 14	ABN AMRO World Tennis Tournament Ռոտերդամ	Հարդ(i)	Թիմ Հենմեն	6-7(3), 6-4, 7-6(4)
5.	2000 թվականի ապրիլի 17	Monte-Carlo Rolex Masters Մոնտե Կարլո	Գրունտ	Դոմինիկ Հրբաթի	6-4, 7-6(3), 7-6(6)

Զուգախաղ (1)

№	Ամսաթիվ	Մրցաշար	Ծածկույթ	Խաղընկեր	Մրցակիցներ	Հաշիվ
1.	1993 թվականի հուլիսի 5	Allianz Suisse Open Gstaad Գշտադ	Գրունտ	Մարկ Ռոսե	Հենդրիկ-Յան Դավիդս Պիտ Նորվալ	6-3, 3-6, 7-6

Թիմային մրցաշարեր (2)

№	Թվական	Մրցաշար	Թիմ	Մրցակից	Հաշիվ
1.	1996	Դևիսի Գավաթ	Ֆրանսիա Ա. Բյոչ, Ս. Պիոլին, Գ. Ռաու, Գ. Ֆորժե	Շվեդիա Յ. Բյորկման, Ն. Կուլտի, Ս. Էդբերգ, Թ. Էնկվիստ	3-2
2.	2001	Դոսիսի Գավաթ	Ֆրանսիա Ս. Գրոժան,Ս. Պիոլին, Ֆ. Սանտորո, Ն. Էսկյուդե	Ավստրալիա Ու. Արտուրս, Պ. Ռաֆտեր, Լ. Հյուիթ	3-2

Պարտություններ եզրափակիչներում (14)

Одиночный разряд (12)

№	Ամսաթիվ	Մրցաշար	Ծածկույթ	Մրցակից	Հաշիվ
1.	1992 թվական հոկտեմբերի 26	Grand Prix de Tennis de Lyon Լիոն	Գորգ(i)	Փիթ Սամփրաս	4-6, 2-6
2.	1993 թվական ապրիլի 26	Monte-Carlo Rolex Masters Մոնտե Կարլո	Գրունտ	Սերխի Բրուգերա	6-7(2), 0-6
3.	1993 թվական սեպտեմբերի 13	ԱՄՆ բաց առաջնություն	Հարդ	Փիթ Սամփրաս	4-6, 4-6, 3-6
4.	1993 թվական հոկտեմբերի 11	Թուլուզ	Հարդ	Առնո Բյոչ	6-7(5), 6-3, 3-6
5.	1993 թվական հոկտեմբերի 18	Բոլցանո	Գորգ(i)	Ջոնաթան Սթարկ	3-6, 2-6
6.	1993 թվական հոկտեմբերի 25	Grand Prix de Tennis de Lyon Լիոն	Գորգ(i)	Փիթ Սամփրաս	6-7(5), 6-1, 5-7
7.	1994 թվական օգոստոսի 29	Waldbaum's Hamlet Cup Լոնգ Այլենդ	Հարդ	Եվգենի Կաֆելնիկով	7-5, 1-6, 2-6
8.	1996 թվական փետրվարի 5	PBZ Zagreb Indoors Զագրեբ	Գորգ(i)	Գորան Իվանիշևիչ	6-3, 3-6, 2-6
9.	1996 թվական փետրվարի 19	Մարսել	Հարդ(i)	Գի Ֆորժե	5-7, 4-6
10.	1993 թվական սեպտեմբերի 13	Уимблдонский турнир	Խոտածածկ	Փիթ Սամփրաս	4-6, 2-6, 4-6
11.	1998 թվական մարտի 2	Milan Indoor Լոնդոն	Գորգ(i)	Եվգենի Կաֆելնիկով	5-7, 4-6
12.	1998 թվական ապրիլի 27	Monte-Carlo Rolex Masters Մոնտե Կարլո	Գրունտ	Կառլոս Մոյա	3-6, 0-6, 5-7

Զուգախաղ (1)

№	Ամսաթիվ	Մրցաշար	Ծածկույթ	Խաղընկեր	Մրցակիցներ	Հաշիվ
1.	2002 թվական հոկտեմբերի 28	BNP Paribas Masters Փարիզ	Հարդ	Գուստավո Կուերտեն	Ֆաբրիս Սանտորո Նիկոլա Էսկյուդե	3-6, 6-7(6)

Թիմային մրցաշարեր (1)

№	Թվական	Մրցաշար	Թիմ	Մրցակից	Հաշիվ
1.	1999	Դևիսի Գավաթ	Ֆրանսիա Ս. Գրոժան, Օ. Դելատր, Ս. Պիոլին, Ֆ. Սանտորո	Ավստրալիա Պ. Ռաֆտեր, Մ. Ֆիլիպուսիս, Լ. Հյուիթ	2-3

Աղբյուրներ

• Հաշիվը ATP-ի կայքում

Վիքիպահեստն ունի նյութեր, որոնք վերաբերում են «Սեդրիկ Պիոլին» հոդվածին։