Ռուբեն Արուտչյան
Ռուբեն Սերգեյի Արուտչյան (հունիսի 18, 1947, Երևան, Հայկական ԽՍՀ, ԽՍՀՄ) հայ նկարիչ, ճարտարապետ, ՀՀ վաստակավոր նկարիչ (2012)։
Ռուբեն Արուտչյան | |
|---|---|
| Ի ծնե | Ռուբեն Սերգեյի Արուտչյան |
| Ծնվել է | հունիսի 18, 1947 (72 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Ազգություն | հայ |
| Կրթություն | Փանոս Թերլեմեզյանի անվան գեղարվեստական ուսումնարան և Հայաստանի ազգային պոլիտեխնիկական համալսարան |
| Մասնագիտություն | նկարիչ |
| Պարգևներ | Հայաստանի Հանրապետության վաստակավոր նկարիչ |
| Անդամակցություն | Հայաստանի նկարիչների միություն և Հայաստանի ճարտարապետների միություն |
| Հայր | Սերգեյ Արուտչյան |
Նկարիչ Սերգեյ Արուտչյանի որդին,և նկարիչ Միքայել Արուտչյանի եղբորորդին:
Բովանդակություն
ԿենսագրությունԽմբագրել
Ռուբեն Արուտչյանը ծնվել է 1947 թվականին Երևանում, ՀԽՍՀ ժողովրդական նկարիչ Սերգեյ Արուտչյանի ընտանիքում։ 1961-1964 թվականներին սովորել է Փանոս Թերլեմեզյանի անվան գեղարվեստի ուսումնարանում, 1964-1970 թվականներին՝ Երևանի պոլիտեխնիկական ինստիտուտի ճարտարապետական ֆակուլտետում։ 1974 թվականից Հայաստանի ճարտարապետների միության անդամ է, 1976 թվականից՝ Հայաստանի նկարիչների միության անդամ։ 1979-1989 թվականներին դասավանդել է Երևանի գեղարվեստա-թատերական ինստիտուտում, 1986-1990 թվականներին եղել է Հայաստանի Գեղարվեստի ֆոնդի կերպարվեստի կոմբինատի գլխավոր նկարիչ։ 1987-2012 թվականներին եղել է Հայաստանի նկարիչների միության վարչության անդամ, 1995 թվականից՝ Դիզայներների միջազգային միության անդամ։ 1990-1992 թվականներին․ և 2001 թվականին եղել է Երևան քաղաքի գլխավոր նկարիչը, 2001 թվականին՝ Երևանի քաղաքապետարանի արտաքին ձևավորումների վարչության պետ, քաղաքի գլխավոր նկարիչ, 2011 թվականից՝ Աշխարհի հայ նկարիչների միության անդամ[1]:
Ռուբեն Արուտչյանի շատ աշխատանքներ գտնվում են մասնավոր հավաքածուներում, աշխարհի տարբեր քաղաքներում։ Ռ. Արուտչյանը հեղինակ է մի շարք դիզայներական նախագծերի, որմնանկարների, հուշամեդալների, զինանշանների և այլն։
Ստեղծագործական գործունեությունԽմբագրել
2004 թ. հեղինակել է Հայաստանի պաշտպանության նախարարության զինանշանը, 2006 թ.՝ Հոլոքոստի և Հայոց Եղեռնի զոհերի հիշատակին նվիրված հուշաքարը, որը տեղադրված է Երևանի Օղակաձև այգում։ 2012 թ. Լոնդոնում մասնակցել է Թեքեյան մշակութային կենտրոնի կողմից կազմակերպված հայ նկարիչների ցուցահանդեսին։ Հեղինակ է ծանրամարտի աշխարհի առաջնության (1983, Երևան), Հայաստանի անկախության հանրաքվեի (1991, Երևան) և այլ միջոցառումների ձևավորումների, ինքնատիպ արտահայտչամիջոցներով աչքի ընկնող գրաֆիկական և գեղանկարչական շարքերի։
- «Անապաստաններ», 1993-1995
- «Գրկախառնություն», 1993-2000
Գեղանկարչական շարքեր՝
- «Հիմնական ձև», 1995-1998
- «Գրկախառնություն», 1993-2003
ՑուցահանդեսներԽմբագրել
- 1973-1991 հանրապետական, միութենական, և միջազգային ցուցահանդեսների մասնակից (պլակատ, գրաֆիկա, գեղանկար)
- 1976 Դիպլոմ լավագույն գրաֆիկական աշխատանքի համար (Մոսկվա)
- 1986, 1997 Մեդալներ տարվա լավագույն գրաֆիկական աշխատանքի համար (Երևան)
- 1994 Անհատական ցուցահանդես Երևանում
- 1997 Անհատական ցուցահանդեսներ Մոսկվայում և Երևանում։ Ցուցահանդեսներ ԱՄՆ- ում, Կանադայում
- 2001 Ցուցահանդես Ֆրանսիայում, Մոնպելյե
- 2004 թվականին մասնակցել է Փարիզում Գեղանկարչական Սալոնի աճուրդին (անգլ.՝ Drouot Action House)
- 2005-2009 Որմնանկարների կատարում Երևանում, Օդեսայում
- 2012 Հայաստանի ազգային պատկերասրահ[2]
- 2015 Երևանի ժամանակակից արվեստի թանգարան[3]
- 2017 Անհատական ցուցահանդես «Իմ ճանապարհը» Երևանի Հենրիկ Իգիթյանի անվան Գեղագիտության ազգային կենտրոնում
- Անհատական ցուցահանդես Հայ-ռուսական համալսարանում
- 2018 Խմբակային ցուցահանդես քանդաքագործ Աշոտ Բաղդասարյանի հետ Հայ-ռուսական համալսարանում
ՊարգևներԽմբագրել
- Մոսկվայի «Երկրի երիտասարդությունը» համամիութենական ցուցահանդեսի դիպլոմ և մրցանակ (1976)
- Առաջին հանրապետական ցուցահանդեսի մրցանակ (1979, 1997)
- «Մեկական աշխատանքի» հանրապետական ցուցահանդեսի մեդալ՝ լավագույն գրաֆիկայի համար (1986)
- Հայկական նոր թղթադրամների էսքիզների մրցույթի մրցանակ (1996)
- ՀՀ 50000 դրամ անվանական արժեքով թղթադրամի էսքիզների մրցույթի առաջին մրցանակ (2000)
- Հայկական դրամի նշանի էսքիզի մրցույթի առաջին մրցանակ (2001)
- Շուշի քաղաքի զինանշանի մրցույթի առաջին մրցանակ (2007)
- Լեռնային Ղարաբաղի Հանրապետության «Երախտագիտություն» մեդալ (2012)
- Հայաստանի Հանրապետության վաստակավոր նկարիչ (2012)[4]
- Պաշտպանության նախարարույան կողմից պարգևատրվել է «Գարեգին Նժդեհ» մեդալով (2017)
- Հռչակվել է «Տարվա մարդ» գեղանկարչության ասպարեզում (Հայ- ռուսական համալսարանում) (2017)
- Հայկական նոր թղթադրամների Էսքիզների ստեղծման համար Հայաստանի Կենտրոնական բանկի կողմից պարգևատրվել է հուշամեդալով (2017)
ԾանոթագրություններԽմբագրել
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005
- ↑ Աշնանը Ազգային պատկերասրահում կբացվի Արուտչյան ընտանիքի ցուցահանդեսը
- ↑ Ռուբեն Արուտչյան. Երբ մարդը դառնում է արվեստի գործ
- ↑ Հայաստանի Հանրապետության պատվավոր կոչումներ շնորհելու մասին