Երևանի քաղաքապետարան

Երևանի քաղաքապետարան, համայնքային ծառայություն իրականացնող պետական մարմին, որի նպատակն ու խնդիրն ավագանու և քաղաքապետի՝ Հայաստանի Հանրապետության օրենքներով, այլ իրավական ակտերով վերապահված լիազորությունների լիարժեք և արդյունավետ իրականացման, ինչպես նաև քաղաքացիական իրավահարաբերություններին ավագանու և քաղաքապետի մասնակցության ապահովումն է։

Երևանի քաղաքապետարան
Երևանի քաղաքապետարանի շենքը yerevan.am
Դիրք	Երևան, Հայաստան
Կոորդինատներ DMS	40°10′29″ հս․ լ. 44°30′15″ ավ. ե.
Տարածք	13,5 հազար քառակուսի մետր
Ճարտարապետ	Ջիմ Թորոսյան

Կանոնադրություն

Երևանի քաղաքապետը և ավագանին քաղաքապետարանի միջոցով Երևանում իրականացնում են օրենքով տեղական ինքնակառավարման մարմիններին վերապահված սեփական և պետության կողմից պատվիրակված լիազորությունները, համակարգում Երևանի ենթակայության հիմնարկների, առևտրային և ոչ առևտրային կազմակերպությունների գործունեությունը, կազմակերպում հանրապետական գործադիր մարմինների և դրանց՝ Երևանի տարածքային ծառայությունների հետ հարաբերությունները։ Քաղաքապետարանը ստեղծվում, վերակազմակերպվում և նրա գործունեությունը դադարեցվում է ավագանու որոշմամբ։

Երևանի քաղաքապետարանի շենքը

Հիմնական հոդված՝ Երևանի քաղաքապետարանի շենք

Երևանի քաղաքապետարանի ներկայիս շենքը գործարկվել է 2004 թվականից։ Շենքն ունի 5 հարկ, ընդհանուր մակերեսը կազմում է 13,5 հազար քառակուսի մետր։ Այն զարդարում է 47 մետր բարձրություն ունեցող աշտարակը։ Շենքը կառուցված է երևանյան ճարտարապետության ավանդույթներով՝ հաշվի առնելով նորը։ Հիմքում՝ ճարտարապետ Ջիմ Թորոսյանի նախագիծն է։ Քաղաքապետարանի նոր շենքում է տեղակայված Երևան քաղաքի պատմության թանգարանը։ Երևանի քաղաքապետարանի շենքի ճակատը զարդարված է բազմաթիվ ռելիեֆային զարդանախշերով, Կենաց Ծառի պատկերով։ Շենքի խոյակների վրա փորագրված են Հայաստանի մայրաքաղաքների անունները։

Պատկերասրահ

• 
• 
• 
• 

Երևանի քաղաքապետարանի շենք

Արտաքին հղումներ

• Պաշտոնական կայքը

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Երևանի քաղաքապետարան կատեգորիայում։