Ռոմե օրագիրը (ֆիլմ)

«Ռոմե օրագիրը» (անգլ.՝ The Rum Diary), 2011 թվականին նկարահանված ամերիկյան կատակերգական դրամա: Ռեժիսորը Բրյուս Ռոբինսոնն է: Ֆիլմը գոնզո-լրագրող Հանթեր Սթոքթոն Թոմփսոնի նույնանուն վեպի էկրանավորումն է: Համաշխարհային պրեմիերան տեղի է ունեցել 2011 թվականի հոկտեմբերի 13-ին, իսկ Ռուսաստանում` նույն թվականի հոկտեմբերի 20-ին:

Picto infobox cinema.png
Ռոմե օրագիրը
The Rum Diary
ԵրկիրFlag of the United States.svg ԱՄՆ
Ժանրդրամա[1][2][3][4][5], կինոկատակերգություն և գրական ստեղծագործության էկրանավորում
Թեմահարբեցողություն
ՀիմքThe Rum Diary?
Թվական2011 և օգոստոսի 2, 2012[6]
Լեզուանգլերեն
ՌեժիսորBruce Robinson?[2][7][8][3][4][9][10]
ՊրոդյուսերՋոնի Դեփ և Գրեհեմ Քինգ
Սցենարի հեղինակBruce Robinson?
ԴերակատարներՋոնի Դեփ[7][8][3][4][11][9][10], Աարոն Էկհարտ[7][8][3][4][11][9][10], Մայքլ Ռիսպոլի[7][3][4][11][10], Էմբեր Հյորդ[3][4][11][9][10], Ռիչարդ Ջենիկինս[4][11][9], Ջովաննի Ռիբիզի[4][11][9], Բիլլ Սմիրտովիչ[4][11], Ամորի Նոլասկո[4][11], Մարշալ Բել[4][11], Jason Smith?, Էնցո Չիլենտի[11], Քարեն Օսթին[12] և Aaron Lustig?[12]
ՕպերատորԴարիուշ Վոլսկի
ԵրաժշտությունՔրիստոֆեր Յանգ
ՄոնտաժCarol Littleton?
Պատմվածքի վայրՊուերտո Ռիկո
Նկարահանման վայրՊուերտո Ռիկո, Մեքսիկայի Միացյալ Նահանգներ և Հոլիվուդ
ԿինոընկերությունInfinitum Nihil? և GK Films
Տևողություն120 րոպե
Պաշտոնական կայքէջ
The Rum Diary (film) Վիքիպահեստում

ՍյուժեԽմբագրել

Ֆիլմի գործողությունները տեղի են ունենում 1960 թվականին Պուերտո Ռիկոյի Սան Խուան զբոսաշրջային քաղաքում: Փոլ Քեմփը արթնանում է հյուրանոցի համարում ծանր խումհարով։ Փոլը գրող է, բայց Նյու Յորքում նրան չի հաջողվում ոչ մի գիրք ավարտել և վաճառել, դրա համար նա գալիս է Սան Խուան, որպեսզի լրագրողի մասնագիտությամբ աշխատի տեղական թերթերից մեկում: Խմբագրությունում նա հանդիպում է հաստիքային լուսանկարիչ Բոբ Սալային: Փոլը ձևացնում է, որ իր մոտ շաղկապենաբորբ է, բայց թերթի խմաբագիր Լոթերմանը հասկանում է, որ Փոլի աչքերը կարմրել են հարբեցողությունից։ Բայց այնուամենայնիվ նրան վերցնում են աշխատանքի:

Փոլն անմիջապես սկսում է խմել Բոբի հետ և իմանում, որ թերթը աղետալի վիճակում է, և այն շուտով կփակեն: Նա հանդիպում է արկածախնդիր և թունդ հարբեցեղ Մոբերգի հետ, ով հանցագործությունների և կրոնական կյանքի գծով թերթի աշխատակից էր: Փոլը գնում է, որ մի քիչ լողա ծովում, և հանդիպում Շենո անունով աղջկա, ում հանդեպ միանգամից համակրանք է զգում: Սակայն նա իմանում է, որ Շենոն արդեն ինչ-որ մեկի հետ հանդիպում է:

Փոլը ղեկավարում է հորոսկոպի և բոուլինգի խորագրերը, խմբագիր Լոթերմանը նրան բացատրում է, որ մարդկանց պետք չեն խնդիրների և դժվարությունների մասին ցինիկ նորություններ, նրանք ցանկանում են կարդալ զվարճությունների մասին թեթև հոդվածներ: Դրանից հետո նա Փոլին տալիս է ավելի պատասխանատու առաջադրանք` հարցազրույց վերցնել Մայամիի քաղաքապետից: Բայց չվերթը, որով ժամանելու էր քաղաքապետը, չեղարկվում է, իսկ օդանավակայանում Փոլը հանդիպում է Հել Սանդերսոնին, ով անշարժ գույքի գործակալ է: Սանդերսոնը ապրում էր շքեղ վիլլայում, և պարզվում է, որ Շենոն նշանված է հենց նրա հետ: Փոլը և Շենոն ձևացնում են, որ ծանոթ չեն:

Փոլը չափազանց շատ է խմում, և Պատերսոնը հրաժարվում է ֆինանսավորել նրա կյանքը հյուրանոցում: Փոլը տեղափոխվում է Բոբի փոքր, կեղտոտ բնակարանը, որտեղ երբեմն լինում է նաև Մոբերգը: Ջուրն անընդհատ անջատում են, անգամ հետուստացույց հեռադիտակով նայում են խուլ հարևանուհու բաց պատուհանից: Բոբը բազմացնում էր կռվող աքլորներ և մի քիչ վաստակում էր աքլորակռիվներից:

Մոբերգը բնակարան է բերում մաքրող զտիչներ ռոմի գործարանից, որոնք պարունակում են շատ ալկոհոլ: Բայց Փոլը փորձում է քիչ խմել, չնայած որ դա նրա մոտ վատ է ստացվում: Փոլը գնում է Սանդերսոնի մոտ և հետևում, թե ինչպես է նա սեքսով զբաղվում Շենոյի հետ: Առանձնատանը նա հանդիպում է թոշակի անցած մայոր Զիմբուրգերին, ապա երեկոյան ծանոթանում է Սեգարայի հետ: Այդ մարդիկ ուզում էին կղզում հյուրանոց կառուցել, բայց դրա համար նրանց անհրաժեշտ էր լրագրողի աջակցությունը, և դրա համար նրանք ցանկացան օգտագործել Փոլին:

Բոբը և Փոլը վիճում են տեղական սրճարաններից մեկի սեփականատիրոջ հետ, և նրանք ստիպված վազքով փախուստի են դիմում: Նրանց սկսում են հետապնդել՝ փորձելով վախեցնել, Փոլը պատահաբար այրում է ոստիկանի դեմքը: Արդյունքում նրանց ուղարկեցին բանտ, երկուսին էլ սպառնում էր մեկ տարվա ազատազրկում: Սանդերսոնը ժամանում է, գրավ է մուծում և ազատում նրանց:

Հաջորդ օրը Բոբը և Փոլը գնում են Բոբի մեքենան փնտրելու, որը մնացել էր սրճարանից ոչ շատ հեռու: Տեղացիները դուրս էին հանել առջևի նստատեղը, և Փոլը ստիպված նստում է Բոբի ծնկներին, այդպես նրանք գնում են քաղաք: Բայց նրանք այնտեղ հանդիպեցին այն նույն ոստիկանին, ում դեմքը այրել էին, և փորձելով փախչել, ջարդում են ավտոմեքենան: Այդ պատահարի պատճառով Փոլը ուշացավ Սանդերսոնի, Զիմբուրգերի և Սեգարայի հետ հանդիպումից: Նրանք արդեն դրսևորում էին թեթև դժգոհություն: Սանդերսոնը Փոլին բանտից ազատելով կարծում էր, որ վերջինս հիմա յուրաքանչյուր պահի կաշխատի իրենց համար: Նա տղաներին է տալիս 500 դոլար և ավտոմեքենա: Սանդերսոնը Փոլին խնդրում է գնալ Շենոյի հետևից: Երբ Փոլը նրա հետ վերադառնում է քաղաք, Շենոն նրան գրազ է առաջարկում. ով ավելի շուտ կբղավի, եթե գնան առավելագույն արագությամբ: Փոլը սկսում է բղավել մի քանի վայրկյան ավելի վաղ, և նրանք հրաշքով չընկան նավամատույցից։

Փոլը Բոբին առաջարկում է միասին գնալ այն կղզի, որտեղ պետք է կառուցվի հյուրանոցը, թեև ողջ նախագիծը պետք է գաղտնիք մնար: Դիտելով կղզին Զիմբուրգերի հետ` նրանք գնում են Սենտ Թոմաս՝ դիմակահանդեսի: Այնտեղ նրանք հանդիպում են Սանդերսոնին, ով կռվում էր Փոլի հետ՝ Բոբին կղզի բերելու համար: Փոլը կրկին զրույցի է բռնվում Շենոյի հետ՝ Սանդերսոնի զբոսանավի քթամասում առանձնացած: Այնուհետև բոլորը գնում են ակումբ և պարում, Սանդերսոնը վիճում է Շենոյի հետ, որովհետև վերջինս ցանկանում էր ակումբում մենակ մնալ:

Շենոն հաջորդ օրը անհետանում է, իսկ Սանդերսոնը Փոլին ասում է, որ նա այլևս խաղի մեջ չէ և վերցնում է մեքենայի բանալիները: Տանը Փոլը և Բոբը փորձում են զգայապատրանք առաջացնող ինչ-որ նյութ, որը ճարել էր Մոբերգը: Խմբագրությունում Փոլը իմանում է, որ թերթը փակվում է, իսկ Լոտերմանը հեռացել է՝ հրաժարվելով տպագրել Փոլի պատմությումը, ով որոշել էր հրատարակել Սեգարայի և Սանդերսոնի մութ պլանները:

Շենոն հայտնվում է Փոլի տանը և մնում նրա հետ, քանի որ Սանդերսոնը վռնդել էր նրան: Փոլը որոշում է ընդունում մարդկանց պատմել այս աշխարհի սրիկաների մասին: Միևնույն ժամանակ Սանդերսոնը բանտից հետ է վերցնում գրավը և Փոլն ու Բոբը սկսում են հետախուզվել իրավապահների կողմից, որպեսզի ձերբակալվեն: Շենոն լոգարանում համբուրում է Փոլի պարանոցը և նրանք սկսում են սեքսով զբաղվել: Սակայն, հանկարծ ամբողջ բնակարանով մեկ սկսում է հնչել Ադոլֆ Հիտլերի խոսքը. այն հնչում էր ձայնապնակից, որը միացրել էր տուն վերադարձաձ Մոբերգը: Փոլն իմանում է, որ աշխատակազմի բոլոր անդամները չեն ստացել վերջնահաշվարկ: Փոլն առաջարկում է աշխատակիցներին թողարկել թերթի վերջին համարը և դիմակազերծ անել Լոթերմանին: Թերթի աշխատակիցները հայտարարում են, որ դրա համար գումարը բավարար չէ:

Շենոն հեռանում է Նյու Յորք, բայց Փոլը նրա հետ չի գնում, և որոշում է ամեն դեպքում փորձել թողարկել թերթի համարը: Վերցնելով կռվող աքլորին, Փոլը, Բոբը և Մոբերգն այցելում են կախարդ-հեքիմ կնոջ մոտ, որը օրհնում է թռչունին: Հաջորդ աքլորակռվի ժամանակ նրանց հաջողվում է աշխատել 6000 դոլար: Բայց պարզվում է, որ թերթի խմբագրությունից արդեն տարել էին տպագրական սարքավորումները և Փոլի մտահղացումը տապալվում է:

Հաջորդ օրը Փոլն առաջարկում է գողանալ Սանդերսոնի զբոսանավը, որպեսզի փախչեն Սան Խուանից: Վերջին պահին Բոբը ասում է, որ «աքլորին պետք է վերադարձնել», և մնում է Մոբերգի հետ նավամատույցում: Փոլը փախչում է միայնակ. «այսպես ավարտվում է մի պատմություն, և սկսվում ուրիշը»:

ԴերերումԽմբագրել

ՍտեղծումԽմբագրել

Հանթեր Ս․ Թոմփսոնի «Ռոմե օրագիրը» գրվել է 1959 թվականին, սակայն հրատարակվել է միայն 39 տարի անց[13]։ 2000 թվականին Shooting Gallery-ն և SPi Films անկախ կինոընկերությունները ձեռք բերեցին էկրանավորման թույլատվություն, իսկ Ջոնի Դեփը և Նիկ Նոլթին կնքեցին պայմանագիր ֆիլմում մասնակցության համար[14]։ Նախագիծը սառեցվել է ստեղծման փուլում[15]։ Նորից որոշում կայացվեց ստեղծել ֆիլմ արդեն 2002 թվականին, ինչը կրկին անհաջողությամբ է ավարտում[14]։ Ֆիլմում պետք է խաղաին Բենիսո դել Տորոն և Ջոշ Հարթնեթը[16]։

2007 թվականին ադապտացիայի իրավունքը ձեռք է բերում GK Films-ի սեփականատեր, բրիտանացի պրոդյուսեր Գրեմ Քինգը[17]։ Սցենարը գրել է բրիտանացի դրամատուրգ Բրյուս Ռոբինսոնը, որը հետագայում զբաղվեց նաև ֆիլմի ռեժիսորությամբ[18]։ 2009 թվականի սկզբին նախագծի ֆինանսավորմանը միացավ Infinitum Nihil ընկերությունը, և մարտին նկարահանող խումբն ուղևորվում է Պուերտո Ռիկո, որտեղ սկսվում է «Ռոմե օրագրի» նկարահանումները[19]։

ՔննադատություններԽմբագրել

Ֆիլմը ստանում է կինոքննադատների ամենատարբեր արձագանքները։ Rotten Tomatoes-ում այն ձեռք բերեց միջին ռեյտինգ՝ 10-ից 5․6 բալ[20]։ Metacritic-ում՝ 56 բալ 100-ից[21]։

Հանդիսատեսը միանշանակ չընդունեց ֆիլմը, IMDb-ում վարկանիշն է 10 բալից 6,2 բալի հասավ[22]։

ԾանոթագրություններԽմբագրել

  1. http://www.nytimes.com/2011/10/28/movies/hunter-s-thompsons-rum-diary-with-johnny-depp-review.html?ref=movies
  2. 2,0 2,1 http://www.imdb.com/title/tt0376136/
  3. 3,0 3,1 3,2 3,3 3,4 3,5 http://www.adorocinema.com/filmes/filme-126372/
  4. 4,00 4,01 4,02 4,03 4,04 4,05 4,06 4,07 4,08 4,09 4,10 http://www.filmaffinity.com/en/film405926.html
  5. http://www.metacritic.com/movie/the-rum-diary
  6. Person Profile // Internet Movie Database — 1990.
  7. 7,0 7,1 7,2 7,3 http://stopklatka.pl/film/dziennik-zakrapiany-rumem
  8. 8,0 8,1 8,2 http://www.interfilmes.com/filme_27291_Diario.de.Um.Jornalista.Bebado-(The.Rum.Diary).html
  9. 9,0 9,1 9,2 9,3 9,4 9,5 http://www.bbfc.co.uk/releases/rum-diary-2011-0
  10. 10,0 10,1 10,2 10,3 10,4 http://www.allocine.fr/film/fichefilm_gen_cfilm=126372.html
  11. 11,0 11,1 11,2 11,3 11,4 11,5 11,6 11,7 11,8 11,9 http://www.imdb.com/title/tt0376136/fullcredits?ref_=tt_ov_st_sm
  12. 12,0 12,1 ČSFD — 2001.
  13. Tilly, Chris (2007-01)։ «Depp opens 'Rum Diary'»։ Time Out։ Վերցված է 2013-06-02 
  14. 14,0 14,1 Goldstein, Gregg (2007-07-30)։ «Depp toasts Hunter S. Thompson with "Rum Diary"»։ Reuters։ Վերցված է 2013-06-02 
  15. Tilly, Chris (2007-01)։ «Depp opens 'Rum Diary'»։ Time Out։ Վերցված է 2013-06-02 
  16. Tilly, Chris (2007-01)։ «Depp opens 'Rum Diary'»։ Time Out։ Վերցված է 2013-06-02 
  17. Goldstein, Gregg (2007-07-30)։ «Depp toasts Hunter S. Thompson with "Rum Diary"»։ Reuters։ Վերցված է 2013-06-02 
  18. Chalmers, Robert (2011-02-20)։ «Bruce Robinson: 'I started drinking again because of The Rum Diary'»։ The Independent։ Վերցված է 2013-06-02 
  19. IGN Staff (2009-04-02)։ «The Rum Diary Now Filming»։ IGN։ Վերցված է 2013-06-02 
  20. The Rum Diary — Rotten Tomatoes
  21. The Rum Diary — Metacritic
  22. The Rum Diary — IMDb

Արտաքին հղումներԽմբագրել