Ռենատա Սկոտտո
Ռենատա Սկոտտո (իտալ.՝ Renata Scotto, փետրվարի 24, 1934[1][2][3][…], Սավոնա, Իտալիայի թագավորություն[3] - օգոստոսի 16, 2023[4], Սավոնա, Իտալիա[5]), իտալացի օպերային երգչուհի (սոպրանո), թատերական ռեժիսոր։ Աչքի է ընկնում ոճի զգացողությամբ և երաժշտականությամբ, առավելապես հայտնի է բելկանտո ռեպերտուարի, Վերդիի և վերիստական օպերաներում դերերգերի կատարմամբ։ 2002 թվականից զբաղվում է օպերաների բեմականացմամբ և երգեցողության դասավանդմամբ (Սանտա Չեչիլիա ակադեմիայում (Իտալիա) և Ջուլիարդի դպրոցում (ԱՄՆ))։
| Ռենատա Սկոտտո իտալ.՝ Renata Scotto | |
|---|---|
 | |
| Ծնվել է | փետրվարի 24, 1934[1][2][3][…] |
| Ծննդավայր | Սավոնա, Իտալիայի թագավորություն[3] |
| Մահացել է | օգոստոսի 16, 2023[4] (89 տարեկան) |
| Մահվան վայր | Սավոնա, Իտալիա[5] |
| Քաղաքացիություն |  Իտալիա և  ԱՄՆ |
| Մայրենի լեզու | իտալերեն |
| Մասնագիտություն | օպերային երգչուհի, երաժշտության ուսուցիչ, կենսագիր, օպերային ռեժիսոր և մանկավարժ |
| Աշխատավայր | Սանտա Չեչիլիայի ազգային ակադեմիա և Ջուլիարդ դպրոց |
| Ամուսին | Lorenzo Anselmi? |
| Պարգևներ և մրցանակներ | |
 Renata Scotto Վիքիպահեստում | |
Կենսագրություն
խմբագրելՌենատան ծնվել է Իտալիայի Սավոնա քաղաքում, որտեղ 18 տարի անց առաջին անգամ ելել է օպերային բեմ՝ կատարելով Վիոլետայի դերը Վերդիի «Տրավիատա» օպերայում։ 1953 թվականից հանդես էր գալիս Միլանի «Նուովո» օպերային թատրոնում, իսկ հաջորդ տարի՝ «Լա Սկալա»-ում։ 1957 թվականից ելույթ է ունեցել Լոնդոնում («Սիրո ըմպելիք»-ում կատարել է Ադինայի դերերգը)։ Հաջողությունն ուղեկցեց երգչուհուն 1957 թվականի Էդինբուրգի փառատոնին, որտեղ նա փոխարինեց Մարիա Կալլասին Ամինայի դերում «Լուսնոտը» օպերայում։ Սկոտտոյի՝ որպես երգչուհի կայացման վրա մեծ ազդեցություն է ունեցել իսպանացի երգչուհի և մանկավարժ Մերսեդես Լյոպարտը[8]։
1964 թվականին Լա Սկալա թատրոնի հետ Ռենատա Սկոտտոն առաջին անգամ համերգաշրջանով եղավ Մոսկվայում․ երգում էր «Լյուչիա դի Լամերմուր» օպերայում։
1965-1987 թվականներին Ռենատա Սկոտտոն համագործակցում է Մետրոպոլիտեն օպերայի հետ (առաջին բեմելը եղել է «Մադամ Բատերֆլայ» օպերայում), որտեղ կատարել է Լյուչիայիլ Լեոնորայի դերերգերը «Տրուբադուր»-ում, Ելիզավետայի դերերգը՝ «Դոն Կարլոս»-ում, Դեզդեմոնայի դերերգը։ Երգել է նաև Մյունխենում, Բեռլինում, Չիկագոյում (1960 թվականից), բազմիցս մասնակցել է Արենա դի Վերոնա փառատոնին (1964-1981)։ Սկոտտոյի երգանկում ներառված էին նաև դրամատիկական բնույթի դերերգեր, ինչպիսիք են Նորման, լեդի Մակբեթը, Ջոկոնդան Պոնկիելլիի համանուն օպերայում։ 1992 թվականին «Վարդերի ասպետը» օպերայում կատարել է մարշալուհու դերը (Մասիմո Բելլինիի թատրոն, Կատանիա), 1993 թվականին Ֆլորենտական երաժշտական մայիս փառատոնին հանդես է եկել Պուլենկի «Մարդկային ձայն» մոնոօպերայում։ 1997 թվականին կամերային ծրագրով ելույթ է ունեցել Մոսկվայում։ Ռենատայի երգացանկն ընդգրկում էր ընդհանուր առմամբ 40 դերերգ։
2011 թվականին Ռենատա Սկոտտոն ներառվեց Սանկտ Պետերբուրգում ընթացող Չայկովսկու անվան վոկալիստների միջազգային մրցույթի կազմում[9][10]։
Ռենատան ապրում է ԱՄՆ-ում, սակայն երկար ժամանակ անց է կացնում Եվրոպայում՝ որպես ռեժիսոր մասնակցելով թատերական ներկայացումների։ Դասավանդում է Հռոմի Սանտա Չեչիլիայի երաժշտական ակադեմիայում։
Մրցանակներ
խմբագրել- Սուրբ Միքայելի մրցանակ, 1994
- Էմմի մրցանակ՝ Նյու Յորք Սիթի օպերայում «Տրավիատա» բեմադրության համար, 1995
- Opera News Award 2006
Ծանոթագրություններ
խմբագրել- ↑ 1,0 1,1 Օպերա Վիվրա
- ↑ 2,0 2,1 Discogs — 2000.
- ↑ 3,0 3,1 3,2 3,3 3,4 Archivio Storico Ricordi — 1808.
- ↑ 4,0 4,1 4,2 Fallece con 89 años la célebre soprano italiana Renata Scotto (իսպ.)
- ↑ 5,0 5,1 5,2 https://www.nytimes.com/2023/08/16/arts/music/renata-scotto-dead.html
- ↑ Archives du Bureau du Cabinet du ministre de la Culture. Ordre desarts et lettres (1962-2000) — Archives nationales.
- ↑ Renata Scotto: Opera singer — Carnegie Corporation of New York.
- ↑ Славный юбилей: Ренате Скотто — 75 OperaNews.ru — Всё об опере, 01.03.2009
- ↑ Ренате Скотто в жюри конкурса имени Чайковского не хватило «интернациональной составляющей» ИТАР-ТАСС, 28.06.2011
- ↑ Как на конкурсе Чайковского судит оперная прима Рената Скотто(չաշխատող հղում) «Российская газета» № 5515 (139) от 30 июня 2011 г.
Արտաքին հղումներ
խմբագրել- Рената Скотто на Бельканто.ру
- «Оперный клуб» с участием Ренаты Скотто. Радио «Эхо Москвы», 10.09.2006
- Записи опер с участием Ренаты Скотто в магазине Ozon.ru
- Annual Opera News Award Արխիվացված 2020-01-30 Wayback Machine (անգլ.)
 | Վիքիպահեստն ունի նյութեր, որոնք վերաբերում են «Ռենատա Սկոտտո» հոդվածին։ |