Ջեֆ Կունս

ամերիկացի նկարիչ

Ջեֆ Կունս (անգլ.՝ Jeff Koons), հունվարի 21, 1955(1955-01-21)[2][3][4][…], Յորք, Փենսիլվանիա, ԱՄՆ[5][6]), ամերիկացի նկարիչ է, որը հայտնի է դարձել քիտչի հանդեպ ունեցած հետաքրքրությամբ։

Ջեֆ Կունս
անգլ.՝ Jeff Koons[1]
Jeff Koons at the 2009 Tribeca Film Festival.jpg
Ծնվել էհունվարի 21, 1955(1955-01-21)[2][3][4][…] (66 տարեկան)
ԾննդավայրՅորք, Փենսիլվանիա, ԱՄՆ[5][6]
ՔաղաքացիությունFlag of the United States.svg ԱՄՆ[7]
ԿրթությունԱրվեստի դպրոց Չիկագոյի ինստիտուտ և Մերիլենդի ինստիտուտի արվեստի քոլեջ
Մասնագիտությունքանդակագործ, նկարիչ, լուսանկարիչ, ինստալյացիոն արտիստ և դիզայներ
Ոճփոփ արտ և պոստմոդեռնիզմ
Ժանրնատյուրմորտ[8] և հանրային արվեստ[8]
Ուշագրավ աշխատանքներBalloon Dog (Blue)?, Balloon Dog (Magenta)?, Kiepenkerl?, Puppy? և Rabbit?
ՈւսուցիչEd Paschke?
Ներշնչվել էԷնդի Ուորհոլ և Մարսել Դյուշան
ՊարգևներԱմերիկայի արվեստների և գիտությունների ակադեմիայի անդամ և Berliner Bär?
ԱնդամակցությունԳեղարվեստի թագավորական ակադեմիա և Արվեստների և գիտությունների ամերիկյան ակադեմիա
ԱմուսինՉիչոլինա[9]
Կայքjeffkoons.com
Jeff Koons Վիքիպահեստում

ԿենսագրությունԽմբագրել

Ջեֆ Կունսը ծնվել է Յորքում, Փենսիլվանիա։ Պատանի հասակում ընթերցել է Սալվադոր Դալիի ստեղծագործությունները։ Ջեֆ Կունսը հաճախել է Չիկագոյի Նկարչական համալսարանի դպրոց և Մերլինյան նկարչական քոլեջ[10]։ Քոլեջից հետո Կունսը աշխատել է Ուոլ-Սթրիթում, որպես բրոկեր։ Ճանաչում է ձեռք բերել 1980 թվականին, որից հետո բացել է ստուդիա-գործարան Սոխոյում (Նյու Յորք)։ Իր աշխատակազմում նա գլխավորում էր ավելի քան 30 աշխատողների, որոնցից յուրաքանչյուրը պատասխանատու էր իր աշխատանքի համար։ Այժմ նկարիչը համարվում է Նյու Յորքի Jeff Koons LLC շտաբ-գրասենյակի նախագահ։ Ըստ տվյալների, այդ գործարանը արտադրում է ժամանակակից արվեստի առարկաներ։ Կունսը ստեղծում է կերպարներ և մոդելներ համակարգչով, իսկ աշխատակիցները նյութականացնում են այն։

ՍտեղծագործությունԽմբագրել

Կունսի ստեղծագործությունը դասակարգվում է պոպ և հետ-պոպ ընկած ժամանակահատվածում, որը 80-ականների կոնցեպտուալիզմի և մինիմալիզմի ռեակցիան է։ Կունսի վաղ աշխատանքներից` կոնցեպտուալ քանդակից ավելի հայտնի է " 50/50 Tanks"-ը (1985), որը բաղկացած էր 3 բասկետբոլային գնդակներից, որոնք լողում էին ջրում, որը կիսով չափ լցնում էր թափանցիկ տարածությունը։ 1990-ական թվականներին Ջեֆ Կունսը ստեղծել է մի շարք հսկայական քանդակներ` օգտագործելով ոչ իրական թռչող փուչիկներ։ Նման փուչիկներով խաղը, ինչպես Կունսն էր ասում, փոքր տարիքում տպավորել էր իրեն և տպավորությունը առկա է մինչև այսօր։ Նրա «Առօրեականություն» շարքի կուլմինացիան դարձավ 1988 թվականին ստեղծված Մայքլ Ջեքսոնի քանդակը իրական չափերով։ 3 տարի անց այն վաճառվել է Նյու Յորքի Sotheby’s աճուրդում ավելի քան 5 միլիոն դոլար։

 
Շան քանդակը Բիլբաբոյում

Վերջին աշխատանքներԽմբագրել

Լոսանջելեսյան արվեստի թանգարանի (LACMA) տնօրենը ծրագիր էր մշակել, ըստ որի պետք է կառուցվեր իր տան շենքի մուտքի մոտ 45 մետրանոց վերամբարձ, որը պետք է կառուցվեր 1940-ական թվականների լոկոմոտիվի կրկնօրինակի վրա։ Ըստ Ջեֆ Կունսի` շոգեքարշը պետք է պարբերաբար ձայն և ծուխ արձակեր` տեղեկացնում էր The New York Times ամսագիրը։ Նախագծի արժեքը և իրացման ժամանակահատվածը դեռևս հայտնի չէ, բայց թանգարանի տնօրինությունն արդեն ստացել է ամերիկյան ժամանակակից արվեստի կոլեկցիոներ Էլի Բրոդից օգնություն, ում հավաքածուն մասնավորապես ներառում էր Կունսի 20 աշխատանքները։ Լոսանջելեսյան արվեստի թանգարանը հայտարարեց, որ վճարել է «Շոգեքարշ» կոմպոզիցիայի համար, որը պատրաստ եղավ 2014 թվականին և արժեցավ 25 միլիոն դոլար[11]։ BMW ընկերությունը Կունսին հանձնարարել է կառուցել մրցարշավային հատուկ ավտոմեքենայի մոդել։ Երգչուհի Լեդի Գագայի ալբոմի երեսի Artpop-ի վրա նույնպես աշխատել է Ջեֆ Կունսը։ Artpop-ի վրայի կափարիչը զարդարված էր Կունսի փչովի փուչիկով։ Նկարի ետևի ֆոնում կարելի է տեսնել Բոտիչելիի «Վեներայի ծնունդը» կտավից մի հատված։ Լեդի Գագան Կունսի աշխատանքը այսպես է նկարագրել. «Ես անչափ ուրախ եմ ձեզ հետ կիսվել այն բանով, որը համարում եմ իմ սրտի մի մասնիկը, որը ես խորապես փայփայում եմ։ Այս կազմն ամենալավն է ինձ նկարագրում»։ Երգչուհին ասում էր, որ Կունսի քանդակը հնարավոր կլինի տեսնել ալբոմի թողարկման երեկույթին։ Artpop-ը վաճառքի դուրս եկավ 2013 թվականի նոյեմբերի 11-ին[12]։

Հեղինակային իրավունքների խախտումԽմբագրել

2017 թվականի մայիսի 12-ին Ջեֆ Կունսը Նյու Յորքում ներկայացրեց իր աշխատանքը`«Նստած պարուհին» քանդակը։ Ամեն դեպքում Ջեֆ կունսը կրկնօրինակել էր Օկսաննա Լեոնտևի Ճնիկռուպի աշխատանքը` խախտելով հեղինակային իրավունքի նորմերը։ Կրկնօրինակված աշխատանքի համար նա վաստակել է կլորիկ գումար[13]։

ԾանոթագրություններԽմբագրել