Ավագ Պետրոսյան
- Վիքիպեդիայում կան հոդվածներ Պետրոսյան ազգանունով այլ մարդկանց մասին։
Ավագ Գեղամի Պետրոսյան (մարտի 16 (29), 1912[1], Կամարիս, Երևանի գավառ, Երևանի նահանգ, Կովկասի փոխարքայություն, Ռուսական կայսրություն[1] - նոյեմբերի 5, 2000, Երևան, Հայաստան), հայ երգիչ, դրամատիկական տենոր։ Հայկական ԽՍՀ (1956), Ադրբեջանական ԽՍՀ (1962) ժողովրդական արտիստ։
| Ավագ Պետրոսյան | |
|---|---|
| Ծնվել է | մարտի 16 (29), 1912[1] Կամարիս, Երևանի գավառ, Երևանի նահանգ, Կովկասի փոխարքայություն, Ռուսական կայսրություն[1] |
| Երկիր |  Ռուսական կայսրություն,  ԽՍՀՄ և  Հայաստան |
| Մահացել է | նոյեմբերի 5, 2000 (88 տարեկան) Երևան, Հայաստան |
| Մասնագիտություն | երգիչ |
| Երգչաձայն | տենոր[1] |
| Աշխատավայր | Ալեքսանդր Սպենդիարյանի անվան օպերայի և բալետի ազգային ակադեմիական թատրոն[1] |
| Կրթություն | Երևանի Կոմիտասի անվան պետական կոնսերվատորիա (1939)[1] և Մոսկվայի կոնսերվատորիա (1941)[1] |
| Պարգևներ |    և  |
Կենսագրություն
խմբագրել1940-1941 թվականներին սովորել է Մոսկվայի կոնսերվատորիայում։ 1942 թվականին ավարտել է Երևանի Կոմիտասի անվան կոնսերվատորիան։ 1934 թվականից եղել է Հայաստանի պետական երգչախմբի երգիչ, 1939 թվականից՝ մեներգիչ։ 1939 թվականին մեծ հաջողությամբ մասնակցել է Մոսկվայում հայ արվեստի և գրականության տասնօրյակին։ 1941-1989 թվականներից եղել է Երևանի օպերայի և բալետի թատրոնի մեներգիչ։ 1949-1950 թվականներին վերապատրաստման է գործուղվել Մոսկվայի Մեծ թատրոն[2][3]։
Ստեղծագործական գործունեություն
խմբագրելՀամերգային երգացանկում ընդգրկված են եղել հայ, ռուս, արևմտա-եվրոպական կոմպոզիտորների երկեր, հայկական ժողովրդական երգեր[4][5]։
Ազգային օպերաներում մի շարք դերերգերի առաջին կատարողն էր։
- Սանթուր, Արմեն Տիգրանյանի «Դավիթ Բեկ»
- Տիրիթ, Տիգրան Չուխաճյանի «Արշակ Բ»
- Կարո, Անդրեյ Բաբաևի «Արծվաբերդ»
- Վահան, Հարո Ստեփանյանի «Հերոսուհին», ԽՍՀՄ պետական մրցանակ՝ 1951
Դերերգերից են՝
- Սարո, Արմեն Տիգրանյանի «Անուշ»[6]
- Աշուղ և Շեյխ, Ալեքսանդր Սպենդիարյանի «Ալմաստ»
- Ռադամես, Ջուզեպպե Վերդիի «Աիդա»
- Մանրիկո, Վերդիի «Տրուբադուր»
Կատարումներ
խմբագրել- Սարոյի արիան Ա. Տիգրանյանի «Անուշ» օպերայից
- Գոհար Գասպարյանի և Ավագ Պետրոսյանի զուգերգը Ա. Տիգրանյանի «Անուշ» օպերայից
- Տիրիթի արիան Տ. Չուխաջյանի «Արշակ Երկրորդ» օպերայից
- Սանթուրի արիան Ա. Տիգրանյանի «Դավիթ Բեկ» օպերայից
- Կոմիտաս - Հոյ նազան իմ
- Սայաթ-Նովա - Ես քու ղիմեթն չիմ գիդի
- Գուրգեն Ալեմշահ - Իղձ
Մրցանակներ
խմբագրել- 1947 ՀԽՍՀ վաստակավոր արտիստ
- 1951 ԽՍՀՄ Պետական մրցանակ
- 1956 Հայկական ԽՍՀ ժողովրդական արտիստ
- 1962 Ադրբեջանական ԽՍՀ ժողովրդական արտիստ
Ավագ Պետրոսյանի մասին
խմբագրել
|
Տեսնել էր պետք այդ օրերի «Դավիթ Բեկ» օպերան։ Ավագ Պետրոսյանը կատարում էր զինվոր Սանթուրի արիան, և երբ կատարում էր «Արցունք մի՛ թափեք իմ գերեզմանին» արիան, բոլորս՝ թե՛ խաղընկերները, թե՛ հանդիսատեսը հուզվում էինք իր հետ միասին։ - ԽՍՀՄ ժողովրդական արտիստ Գոհար Գասպարյան
|
|
Հիշատակ
խմբագրել2014 թվականի հունիսի 11-ին Երևանի կենտրոնում՝ Սայաթ-Նովայի պողոտայի և Ավագ Պետրոսյան փողոցի խաչմերուկում տեղադրվել է Ավագ Պետրոսյանի հուշարձանը[7]։
Ծանոթագրություններ
խմբագրել- ↑ 1,0 1,1 1,2 1,3 1,4 1,5 1,6 1,7 1,8 Հայկական սովետական հանրագիտարան, հատոր 9 (հայ.) — հատոր 9. — էջ 260—261.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ ««Հնագույն մշակույթ ունեցող ազգերի մենաշնորհներից է մեծարել հանճարներին»». Առավոտ - Նորություններ Հայաստանից. Վերցված է 2016 թ․ օգոստոսի 13-ին.
- ↑ «Ավագ Պետրոսյան | Music of Armenia». www.musicofarmenia.com. Արխիվացված է օրիգինալից 2018 թ․ մարտի 22-ին. Վերցված է 2016 թ․ օգոստոսի 13-ին.
- ↑ «Անկրկնելի «Սարոն» 100 տարեկան է դառնում». Առավոտ - Նորություններ Հայաստանից. Վերցված է 2016 թ․ օգոստոսի 13-ին.
- ↑ Ավագ Պետրոսյան, Սարոյի արիա, «Բարձր սարեր»
- ↑ «Մայրաքաղաքում բացվել է ԽՍՀՄ պետական մրցանակի դափնեկիր, ժողովրդական արտիստ Ավագ Պետրոսյանի հուշաքանդակը». Առավոտ - Նորություններ Հայաստանից. Վերցված է 2016 թ․ օգոստոսի 13-ին.
Արտաքին հղումներ
խմբագրել | Վիքիքաղվածքն ունի նյութեր, որոնք վերաբերում են «Ավագ Պետրոսյան» հոդվածին։ |
 | Վիքիդարանն ունի նյութեր, որոնք վերաբերում են «Ավագ Պետրոսյան» հոդվածին։ |