Նեյթան Լեյն (անգլ.՝ Nathan Lane, ծնունդով՝ Ջոզեֆ Լեյն (անգլ.՝ Joseph Lane), փետրվարի 3, 1956(1956-02-03)[1][2][2][…], Ջերսի Սիթի, Նյու Ջերսի, ԱՄՆ), ամերիկացի դերասան, «Թոնի» մրցանակի եռակի և «Էմմի» ցերեկային մրցանակի կրկնակի դափնեկիր։

Նեյթան Լեյն
NathanLane2018.jpg
Ծնվել էփետրվարի 3, 1956(1956-02-03)[1][2][2][…] (65 տարեկան)
ԾննդավայրՋերսի Սիթի, Նյու Ջերսի, ԱՄՆ
ԿրթությունSt. Peter's Preparatory School?
ՔաղաքացիությունFlag of the United States.svg ԱՄՆ
Մասնագիտությունհնչյունավորող, երգիչ, գրող, հեռուստատեսային դերասան, թատրոնի դերասան, կինոդերասան և կինոպրոդյուսեր
ԸնտրանիԱռյուծ արքան
Պարգևներ և մրցանակներԼոուրենս Օլիվյեի պարգև Ցերեկվա Էմմի մրցանակ «Թոնի» մրցանակ՝ մյուզիքլում լավագույն տղամարդու դերի համար «Թոնի» մրցանակ՝ մյուզիքլում լավագույն տղամարդու դերի համար Հոլիվուդյան փառքի ծառուղու աստղ և Drama Desk Award for Outstanding Actor in a Musical?

Լեյնն առավել հայտնի է թատրոնում կատարած աշխատանքով և «Վանդակ թռչնակների համար» (1996), «Պրոդյուսերները» (2005), «Մկան որս» (1997) ֆիլմերում ու «Ամերիկյան ընտանիք» (2010-2017), «Լավ կին» (2012-2014), «Ժողովուրդն ընդդեմ Օ. Ջեյ Սիմփսոնի։ Հանցագործությունների ամերիկյան պատմություն» (2016) սերիալներում կատարած դերերով, ինչպես նաև՝ «Առյուծ արքան» մուլտֆիլմի եռագրություններում չափահաս Տիմոնի հնչյունավորմամբ (1994-2004)։

Վաղ տարիներԽմբագրել

Լեյնը ծնվել է 1956 թվականին Նյու Ջերսի նահանգի Ջերսի Սիթի քաղաքում՝ իռլանդա-ամերիկացի կաթոլիկների ընտանիքում[3][4]։ Ծնվելուց հետո ստացել է Ջոզեֆ անունը՝ ի պատիվ հորեղբոր, որը եղել է ճիզվիտների քահանա[5]։ Նրա հայրը՝ Դենիելը, եղել է բեռնատարի վարորդ և տաղանդավոր տենոր, բայց 1967 թվականին, երբ Լեյնը 11 տարեկան էր, մահացել է հարբեցողությունից։ Նրա մայրը՝ Նոռան, եղել է տնային տնտեսուհի և քարտուղարուհի. նա տառապել է երկբևեռ աֆեկտիվ խանգարումով և վախճանվել է 2000 թվականին[6][7][8]։ Լեյնն ունի նաև երկու եղբայր՝ Դենիել կրտսերը և Ռոբերտը[9]։ Լեյնը սովորել է կաթոլիկ դպրոցում, որտեղ դեռ այն ժամանակ բացահայտվել է նրա դերասանական տաղանդը. 1974 թվականին Սուրբ Պետրոսի նախապատրաստական դպրոցում (անգլ.՝ St. Peter's Preparatory High School) նա ճանաչվել է «Լավագույն դերասան»։

Լեյնը երկու անգամ (2013[10] և 2015[11] թվականներ) առաջադրվել է Նյու Ջերսիի փառքի սրահում ընդգրկվելու համար։

ԿարիերաԽմբագրել

1970-1980-ականներԽմբագրել

Լեյնը կրթաթոշակով ընդունվել է Սուրբ Հովսեփի քոլեջ (անգլ.՝ Saint Joseph's University) և այնտեղ գնացել է իր եղբոր՝ Դենիելի հետ։ Քոլեջ ժամանելու օրը պարզել է, որ իր դերասանական կրթաթոշակը չի բավականացնում ապրելու և ուսման ծախսերը հոգալու համար և որոշել է հեռանալ տարվա ընթացքում գումար վաստակելու համար[9]։

Քանի որ դերասանական արհմիությունում արդեն գրանցվել էր դերասան Ջոզեֆ Լեյն անվամբ, իր անունը փոխել է Նեյթան՝ ի պատիվ «Տղաներ և տիկնիկներ» մյուզիքլի կերպար Նեյթան Դեթրոյտի[12]։ Նա տեղափոխվել է Նյու Յորք, որտեղ երկարատև աշխատանքներից հետո, այնուամենայնիվ, կարողացել է ստեղծել դերասանի իր կարիերան՝ սկսելով Պատրիկ Սթեքի հետ կատակերգական սթենդ-ափ շոուից[13][14], իսկ հետո՝ տեղի մի շարք թատրոնների ոչ բրոդվեյական բեմադրություններում։ Լեյնն առաջնաելույթ է ունեցել 1982 թվականին Բրոդվեյում՝ խաղալով Նոել Կաուարդի «Այդ ծիծաղը» բեմադրության վերստեղծած տարբերակում (այդ դերի համար նա առաջադրվել է «Դրամա Դեսկ» մրցանակի)[15]։ Երկրորդ անգամ Բրոդվեյում հայտնվել է 1983 թվականին՝ «Մերլին» մյուզիքլում խաղալով Չիտա Ռիվերի և Դագ Հենինգի հետ։ Հետո Լեյնը մասնակցել է մի շարք բեմադրություններում՝ ներառյալ «Քամին ուռիների մեջ» մյուզիքլը[16]։

1990-ականներԽմբագրել

1992 թվականին Նեյթան Լեյնը հայտնվել է «Տղաներ և տիկնիկներ» մյուզիքլի վերածնված տարբերակում։ Հենց Նեյթան Դեթրոյտի (որից նա ժամանակին վերցրել էր անունը) դերի կատարումը նրան առաջին անգամ բերել է «Թոնի», «Դրամա Դեսկ»[17] և «Քննադատների արտաքին հասարակություն»[18] մրցանակների անվանակարգեր։ Նույն թվականին շահել է «Obie» մրցանակը։

Նեյթանը բավականին ակտիվ աշխատել է իր մտերիմ ընկերոջ՝ սցենարիստ Թերենս Մաքնելիի հետ։ Բրոդվեյական բեմադրությունների շարքից հետո ծանոթացել է Սթիվեն Սոնդհեյմի հետ։ Առաջին անգամ նրանք իրար հետ աշխատել են «Մարդասպաններ»-ում և «Իմաստուններ»-ում։ Սոնդհեյմը և Լեյնը կրկին հանդիպել են արդեն 2004 թվականին Լինքոլն կենտրոնում «Գորտեր» մյուզիքլի համար ընթացող աշխատանքների ընթացքում։ Սթիվենը Նեյթանի համար նույնիսկ երգ է գրել, որը նա երգել է «Վանդակ թռչնակների համար» ֆիլմում։ Այս ֆիլմը Լեյնին կատակերգությունում կամ մյուզիքլում լավագույն տղամարդկային դերի համար բերել է «Ոսկե գլոբուս» մրցանակի անվանակարգ[19]։

Մաքնելիի և Սոնդհեյմի պիեսներով գործը չի սահմանափակվել. Լեյնը խաղացել է այն ժամանակվա ոչ բրոդվեյական բազմաթիվ բեմադրություններում՝ «Չափը չափի համար», «The Common Pursuit» և «The Film Society»:

90-ականների վերջին արդեն Լեյնի պատկերների թվում էին «Ֆրենքի և Ջոնի»-ն, «Ադամսների ընտանեկան արժեքները»-ը, «Մկան որս»-ը և այլն։

2000-2010-ականներԽմբագրել

Նեյթան Լեյնը ստացել է երկորդ «Թոնի» մրցանակը «Պրոդյուսերները» մյուզիքլում կատարած գլխավոր դերի համար (առաջինը նա ստացել է «Ֆորումի ճանապարհին զվարճալի պատահար»-ի համար)։ 2004 թվականին ելույթ է ունեցել որպես Ռիչարդ Դրեյֆուսի փոխարինող, որը որպես մյուզիքլի լավագույն դերասանի նրան բերել է Լոուրենս Օլիվիեի մրցանակ։

2005 թվականին թողարկվել է «Պրոդյուսերները» ֆիլմը՝ մյուզիքլի էկարանվորումը, որտեղ նախկինում խաղացել էր Նեյթանը։ Այս մյուզիքլում նրա խաղընկերը Մեթյու Բրոդերիկն էր, որը նաև խաղացել է ֆիլմում։ Այս դերի համար Լեյնը ստացել է «Ոսկե գլոբուս»-ի անվանակարգ[19]։

2006 թվականին Լեյնը կինոարդյունաբերության զարգացման գործում իր ավանդի համար Հոլիվուդյան փառքի ծառուղում արժանացել է աստղի։ Նրա համարը 6801-ն է[19]։

Հետո Լեյնը նկարահանվել է մի քանի ֆիլմերում՝ ներառյալ «Սթափ գլխով»-ը և «Մարդուկ-ջարդուկը և առնետների թագավորը»-ը։ 2012 թվականին թողարկվել է «Ասա դու ինձ, հայելի՛» ֆիլմը, որտեղ դերասանը կատարել է գլխավոր դերերից մեկը՝ Բրայթոնի դերը, որը թագուհու անձնվեր ծառան էր[20]։

Անձնական կյանքԽմբագրել

Մեթյու Շեփարդի մահից հետո Լեյնը որպես գեյ կատարել է քամինգ աութ[21]։ 2015 թվականի նոյեմբերի 17-ին ամուսնացել է իր խաղընկեր, թատրոնի պրոդյուսեր և գրող Դևլին Էլիոթի հետ, որի հետ ապրել է շուրջ 20 տարի[22][23]։

Ընտրված ֆիլմագրությունԽմբագրել

Տարի Անվանում Բնօրինակ անվանում Դեր
1991 ֆ Նա ասել է, նա ասել է He Said, She Said Ուոլի Թուրման
1991 ֆ Ֆրենքի և Ջոնի Frankie and Johnny Թիմ
1994 մֆ Առյուծ արքան The Lion King Տիմոն
1995 ֆ Ջեֆրի Jeffrey
1996 ֆ Վանդակ թռչնակների համար The Birdcage Ալբերդ
1997 ֆ Մկան որս MouseHunt Էրնի Շմունտց
1998 մֆ Առյուծ արքան 2։ Սիմբայի հպարտությունը The Lion King II: Simba's Pride Տիմոն
2000 ֆ Իսկական կին Isn't she great Իրվինգ Մենսֆիլդ
2002 ֆ Օսթին Պաուերսը Գոլդմեմբերում Austin Powers in Goldmember խորհրդավոր մարդ դիսկոտեկում
2004 մֆ Առյուծ արքան 3։ Հակունա մատատա The Lion King 3: Hakuna Matata Տիմոն
2005 ֆ Պրոդյուսերները The Producers Մաքս Բելիստոկ
2008 ֆ Սթափ գլխով Swing Vote Արթ Կրամբ
2010 ֆ Մարդուկ-ջարդուկը և առնետների թագավորը The Nutcracker in 3D հորեղբայր Ալբերտ
2012 ֆ Ասա դու ինձ, հայելի՛ Mirror Mirror Բրայթոն
2017 ֆ Սիդնի Հոլլ Sidney Hall Հարոլդ

ԾանոթագրություններԽմբագրել

  1. 1,0 1,1 Internet Movie Database — 1990.
  2. 2,0 2,1 2,2 2,3 Internet Broadway Database — 2000.
  3. Dezell Maureen (2003-10-19)։ «Nathan Lane goes beyond Broadway»։ The Boston Globe։ Վերցված է 2008-06-09 
  4. Tugend, Tom In Search of Nathan Lane's 'Jewish' Roots (und) // Կաղապար:Нп3. — 2005. — Т. 58. — № 14. Архивировано из первоисточника 10 Փետրվարի 2008.
  5. Smith David (2004-11-07)։ «Bring on the clown»։ Guardian Unlimited։ Արխիվացված է օրիգինալից 2012-08-30-ին։ Վերցված է 2008-06-09 
  6. Vilanch Bruce (1999-02-02)։ «Citizen Lane - Actor Nathan Lane»։ The Advocate։ Վերցված է 2008-06-09 
  7. «Nathan Lane Biography»։ Yahoo! Movies։ 2008։ Արխիվացված է օրիգինալից 2012-08-30-ին։ Վերցված է 2008-06-09 
  8. «Nathan Lane Biography»։ Film Reference։ 2008։ Վերցված է 2008-06-09 
  9. 9,0 9,1 Witchel Alex (2001-09-02)։ «'This Is It -- As Happy As i Get, Baby' Nathan Lane»։ The New York Times (անգլերեն)։ 0362-4331։ Վերցված է 2017-10-06 
  10. «Nathan Lane, '74 Nominated for NJ Hall of Fame | Saint Peter's Prep» (անգլերեն)։ www.stpetersprep.org։ Արխիվացված է օրիգինալից 2018-06-12-ին։ Վերցված է 2017-10-06 
  11. «2015 Nominees»։ New Jersey Hall of Fame (անգլերեն)։ 2015-04-18։ Վերցված է 2017-10-06 
  12. Collins Glenn (1992-04-22)։ «AT LUNCH WITH: Nathan Lane; A 'Guy' Thrives on Broadway»։ The New York Times (անգլերեն)։ 0362-4331։ Վերցված է 2017-10-06 
  13. «Nathan Lane and Brian Dennehy: Interview»։ Time Out Chicago (անգլերեն)։ Վերցված է 2017-10-06 
  14. «The Groundlings»։ The Groundlings Website։ Արխիվացված է օրիգինալից 2010-09-15-ին։ Վերցված է 2017-10-06 
  15. Cox Gordon (2014-10-24)։ «‘Laughter’ Was Present in Nathan Lane’s Early Stage Career»։ Variety (անգլերեն)։ Վերցված է 2017-10-06 
  16. «Nathan Lane | Playbill» (անգլերեն)։ Playbill։ Վերցված է 2017-10-06 
  17. «Nominees and Recipients | Drama Desk» (անգլերեն)։ www.dramadesk.org։ Վերցված է 2017-10-06 
  18. «AWARDS FOR 1991-1992» (անգլերեն)։ outercritics.org։ Արխիվացված է օրիգինալից 2016-03-03-ին։ Վերցված է 2017-10-06 
  19. 19,0 19,1 19,2 Awards for Nathan Lane
  20. Слуги для другой Белоснежки
  21. Here Publishing The Advocate. — Here Publishing, 1999-02-02. — 76 с.
  22. Healy, Patrick. A Play’s Love Woes Cut Close to Home(անգլ.) // The New York Times. — 2013.
  23. Scnurr, Samantha (2015-11-20)։ «Nathan Lane Marries Devlin Elliott After 18 Years of Dating»։ E! Online (անգլերեն)։ Վերցված է 2017-10-06