Յուրի Պիմենով
Յուրի (Գեորգի) Իվանովիչ Պիմենով (նոյեմբերի 26, 1903[1], Մոսկվա, Ռուսական կայսրություն[2] - սեպտեմբերի 6, 1977[1], Մոսկվա, ԽՍՀՄ), ռուս խորհրդային նկարիչ, գրաֆիկ։ ԽՍՀՄ ժողովրդական նկարիչ (1970)։ ԽՍՀՄ Գեղարվեստի ակադեմիայի իսկական անդամ (1962)։
Յուրի Պիմենով | |
|---|---|
 | |
| Ծնվել է | նոյեմբերի 26, 1903[1] |
| Ծննդավայր | Մոսկվա, Ռուսական կայսրություն[2] |
| Վախճանվել է | սեպտեմբերի 6, 1977[1] (73 տարեկան) |
| Մահվան վայր | Մոսկվա, ԽՍՀՄ |
| Քաղաքացիություն |  ԽՍՀՄ |
| Կրթություն | Վխուտեմաս |
| Մասնագիտություն | նկարիչ, գծանկարիչ և արվեստագետ |
| Ժանր | բեմանկարչություն |
| Աշակերտներ | Petro Slabynsky?, Aleksandr Borisov? և Anatoliy Timofeevitsj Dobrolezja? |
| Պարգևներ |        և  |
| Անդամակցություն | ԽՍՀՄ նկարիչների միություն |
| Կայք | artpimenov.ru |
 Yury Pimenov Վիքիպահեստում | |
Կենսագրություն
խմբագրել1920-1925 թվականներին սովորել է Մոսկվայի Վխուտեմասում (Բարձրագույն գեղարվեստական տեխնիկական արվեստանոցներ)՝ Մ․ Վ․ Մալյուտինի, Վ․ Ա․ Ֆավորսկու մոտ։ Դասավանդել է (1945-1972,1947 թվականից՝ պրոֆեսիոնալ) Մոսկվայի կինեմատոգրաֆիայի համամիութենական ինստիտուտում։ Պիմենովի վաղ շրջանի գործերին բնորոշ է հորինվածքի մոնումենտալությունը։ 1930-ական թվականներից սկսած Պիմենովը հիմնականում ստեղծել է ժանրային նկարներ, ինչպես և բնանկարներ ու նատյուրմորտներ։ Մարդուն պատկերելով աշխատանքում և ամենօրյա հոգսերով՝ Պիմենովը բացահայտել է խորհրդային իրականության առօրյա երևույթների բանաստեղծականությունն ու կարևորությունը։ Ստեղծելով հիմնականում խորհրդային կանանց կերպարներ՝ քնարականորեն հավաստում է նրանց հոգևոր և ֆիզիկական գեղեցկությունը։ Աշխատել է նաև գրաֆիկայի և բեմանկարչության ասպարեզներում։
Լավագույն աշխատանքներ
խմբագրել«Նոր Մոսկվան» (1937), «Անվադողերի հետքերը» (1944, երկուսն էլ՝ Տրետյակովյան պատկերասրահ, Մոսկվա), «Նոր թաղամասեր» (1963-1967, լենինյան մրցանակ, 1967), Լավրենյովի «Նրանց համար, ովքեր ծովում են» (1946, Փոքր թատրոն, Մոսկվա, ԽՍՀՄ պետական մրցանակ, 1947) և Վիննիկովի «Լայնարձակ տափաստան» (1949, Խորհրդային բանակի կենտրոնական թատրոն, ԽՍՀՄ պետական մրցանակ, 1950) պիեսների ներկայացումների ձևավորումները։ Պարգևատրվել է Լենինի, Աշխատանքային կարմիր դրոշի շքանշաններով։
Ծանոթագրություններ
խմբագրել- ↑ 1,0 1,1 1,2 1,3 1,4 Կերպարվեստի արխիվ — 2003.
- ↑ 2,0 2,1 2,2 Пименов Юрий Иванович // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
 | Վիքիպահեստն ունի նյութեր, որոնք վերաբերում են «Յուրի Պիմենով» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 296)։ 
|