Մեյրա Կումար
Մեյրա Կումար (անգլ.՝ Meira Kumar, հինդի՝ मीरा कुमार, մարտի 31, 1945[1], Sasaram, Պատնա, Bihar Province, Բրիտանական Հնդկաստան, Բրիտանական կայսրություն), հնդիկ պետական և քաղաքական գործիչ, Լոկ սաբհայի հինգ համագումարների պատգամավոր, փաստաբան և նախկին դիվանագետ։ Լոկ սաբհայի պատմության առաջին կին խոսնակ (2009-2014)[2][3]։ 2004-2009 թվականներին եղել է Հնդկաստանի սոցիալական արդարացիության և լիազորությունների նախարար։ Հնդկական ազգային կոնգրես կուսակցության անդամ։
| Մեյրա Կումար | |
| |
| Կուսակցություն՝ | Հնդկական ազգային կոնգրես |
|---|---|
| Կրթություն՝ | Դելիի համալսարան, Indraprastha College for Women?, Faculty of Law?, Miranda House? և Banasthali Vidyapith? |
| Մասնագիտություն՝ | քաղաքական գործիչ և դիվանագետ |
| Դավանանք | հինդուիզմ |
| Ծննդյան օր | մարտի 31, 1945[1] (79 տարեկան) |
| Ծննդավայր | Sasaram, Պատնա, Bihar Province, Բրիտանական Հնդկաստան, Բրիտանական կայսրություն |
| Քաղաքացիություն |  Հնդկաստան
|
| Հայր | Jagjivan Ram? |
Կենսագրություն խմբագրել
Վաղ տարիներ խմբագրել
Մեյրա Կումարը ծնվել է 1945 թվականի մարտի 31-ին Պատնա շրջանում, Բիհար։ Նրա հայրը՝ Ջագջիվան Ռայը, եղել է հնդիկ քաղաքական գործիչ՝ լինելով Հնդկաստանի վարչապետի տեղակալ, իսկ մայրը՝ Ինդրիանի Դևին, Հնդկաստանի խաղաղության մարտիկ։ Դելիի համալսարանում ստացել է իրավունքի բակալավրի և մագիստրոսի գիտական աստիճաններ[4]։
Դիվանագիտական կարիերա խմբագրել
1973 թվականին սկսել է զբաղվել դիվանագիտությամբ՝ աշխատանքի անցնելով Հնդկաստանի դիվանագիտական ծառայությունեւմ։ Իսպանիայում (1976-1977), Մեծ Բրիտանիայում (1977-1979) և Մավրիկիոսում եղել է Հնդկաստանի դեսպանությունների աշխատակից։ 1980-1985 թվականներին աշխատել է Հնդկաստանի արտաքին գործերի նախարարությունում։
Քաղաքական կարիերա խմբագրել
1984 թվականին սկսել է քաղաքական կարիերան։ Ուտար Պրադեշի Բիջնոր ընտրական շրջանից ընտրվել է 8-րդ համագումարի Լոկ սաբհայի պատգամավոր։ 1996-1997 թվականներին եղել է 11-րդ համագումարի Լոկ սաբհայի, իսկ 1998-1999 թվականներին՝ 12-րդ համագումարի Լոկ սաբհայի պատգամավոր։ Երկու անգամ ընտրվել է Դելիի Կարոլ Բագհ ընտրական շրջանից։ 1999 թվականին պարտվել է Բհարատիա ջանատա փարթիի թեկնածուին։ 2004 թվականին Բիհարի Սասարամ ընտրական շրջանից ընտրվել է 14-րդ համագումարի Լոկ սաբհայի պատգամավոր, որտեղից ավելի վաղ ընտրվել էր նրա հայրը։ 2009 թվականին այդ նույն ընտրական շրջանից ընտրվել է 15-րդ համագումարի Լոկ սաբհայի պատգամավոր։
2004-2009 թվականներին զբաղեցրել է Հնդկաստանի սոցիալական արդարացիության և լիազորությունների նախարարի պաշտոնը։ 2009 թվականին նշանակվել է ջրային պաշարների նախարար։ Ընդամենը երեք օր անց՝ ընտրվելով Լոկ սաբհայի խոսնակ։ հրաժարվել է նախարարական լիազորություններից։
Անձնական կյանք խմբագրել
Ամուսնացած է Մանջուլ Կումարի՝ Հնդկաստանի բարձրագույն դատարանի փաստաբանի հետ։ Երեք երեխաների մայր։
Ծանոթագրություններ խմբագրել
- ↑ 1,0 1,1 D'Souza S. M. Encyclopædia Britannica
- ↑ India: Woman Wins Post of Speaker New York Times, June 4, 2009.
- ↑ Meira Kumar brings Jagjivan to fore The Times of India, June 4, 2009.
- ↑ Biography Արխիվացված 2009-04-12 Wayback Machine Lok Sabha
Արտաքին հղումներ խմբագրել
- Մեյրա Կումարի կենսագրությունը Հնդկաստանի կառավարության կայքում
 | Վիքիպահեստն ունի նյութեր, որոնք վերաբերում են «Մեյրա Կումար» հոդվածին։ |