Մարտին Պետրոսյան
- Վիքիպեդիայում կան հոդվածներ Պետրոսյան ազգանունով այլ մարդկանց մասին։
Մարտին Վիրաբի Պետրոսյան (մարտի 10, 1936, Ծաղկաբեր, Սպիտակի շրջան), հայ նկարիչ, ՀԽՍՀ վաստակավոր նկարիչ (1976)։
Մարտին Պետրոսյան | |
|---|---|
 | |
| Ի ծնե | Մարտին Վիրաբի Պետրոսյան |
| Ծնվել է | 1936, մարտի 10 |
| Ծննդավայր | Ծաղկաբեր, Լոռու մարզ |
| Ազգություն | Հայ |
| Քաղաքացիություն |  Հայաստան |
| Կրթություն | Փանոս Թերլեմեզյանի անվան գեղարվեստի պետական քոլեջ և Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտ |
| Մասնագիտություն | նկարիչ |
| Պարգևներ |  |
Կենսագրություն
խմբագրել- 1953-1958 թվականներին սովորել է Երևանի Փանոս Թերլեմեզյանի անվան գեղարվեստի ուսումնարանում։
- 1958-1961 թվականներին` Լենինգրադի Իլյա Ռեպինի անվան գեղարվեստի ակադեմիայի ազատ ունկնդիր։
- 1976 թվականից ԽՍՀՄ նկարիչների միության անդամ[1]։
Աշխատանքները գտնվում են Ժամանակակից արվեստի թանգարանում (Երևան), Հայաստանի ազգային պատկերասրահում (Երևան)[2], Արևելքի ժողովուրդների թանգարանում (Մոսկվա), Տրետյակովյան պատկերասրահում (Մոսկվա), Պուշկինի անվան Կերպարվեստի թանգարանում, Հայաստանի նկարիչների միության և ՀՀ մշակույթի նախարարության ֆոնդերում (Երևան), Հայաստանի և արտերկրի բազմաթիվ մասնավոր հավաքածուներում։
Ստեղծագործական ուղի
խմբագրելՄարտին Պետրոսյանի խոր ազգային ստեղծագործության մեջ գերիշխում են կերպավորման պայմանական լեզուն և վառ երևակայությունը, զուգորդվում են իրատեսականն ու անրջայինը, այլաբանությունն ու հիպերբոլան։ Երփնագրերին բնորոշ են կերպավորման ազատությունը, կենսալի, լուսավոր տրամադրությունը, անսպասելի լուծումները։
Ստեղծագործել է գեղանկարի և գրաֆիկայի, կոմպոզիցիոն նկարի, բնանկարի, դիմանկարի, ինչպես նաև գրքի պատկերազարդման ոլորտներում։ Մշտապես համագործակցել է «Պիոներ» և «Ծիծեռնակ» մանկական ամսագրերի հետ։ Ձևավորել և պատկերազարդել է մի շարք մանկական գրքեր։ Նկարաշարեր է ստեղծել հայկական «Սասունցի Դավիթ» էպոսի և Վարդան Այգեկցու բարոյախրատական առակների համար։
- «Նատյուրմորտ», 1961, մասնավոր հավաքածու, Մոսկվա
- «Հեքիաթ», 1961
- «Սայաթ-Նովա», 1963
- «Ընկերուհիներ», 1967, ԺԱԹ
- «Կեսօր», 1968, ԺԱԹ
- «Զոհաբերություն», 1968, ԺԱԹ
- «Տղաներ», 1967-1970, մասնավոր հավաքածու, Երևան
1980-1990-ական թվականների գործերը միագույն են «խամրած», սակայն թափանցիկ կոլորիտով։
- «Մուտք Երուսաղեմ», 1983, Արևելքի ժողովուրդների արվեստի թանգարան, Մոսկվա
- «Իմ սիրելի Արարատը», 1990
Գրաֆիկական թերթեր՝
- «Կնոջ աշխարհը», 1963
- «Հանգիստ», 1964
- «Առևանգում», 1974
Գրքերի ձևավորոմներ՝ «Պապն ու շաղգամը», 1963
- Հովհաննես Թումանյանի «Գառնիկ ախպեր», 1963
- «Զարմանալի աշուղը», 1967
Ցուցահանդեսներ
խմբագրել- 1961 թվականից հանրապետական բազմաթիվ ցուցահանդեսների մասնակից է
- 1967 թվականից՝ միջազգային ցուցահանդեսների մասնակից
Անհատական ցուցահանդեսներ
խմբագրել- 1976 - Հայաստանի նկարիչների միություն (Երևան)
- 1983 - Արևելքի ժողովուրդների թանգարան (Մոսկվա)
- 1994 - Փարիզ
- 2005 - Լոս Անջելես
- 2007 - Հայաստանի ազգային պատկերասրահ (Երևան)
- 2009 - Հայաստանի նկարիչների միություն (Երևան)
Գրականություն
խմբագրել- Իգիթյան Հ., Հովնաթանյանից Մինաս. Ե,. 2011
- Աղասյան Ա., Հայ կերպարվեստի զարգացման ուղիները 19-20-րդ դարերում, Ե., 2009
Ծանոթագրություններ
խմբագրել- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ Մարտին Պետրոսյանի ստեղծագործությունները Հայաստանի ազգային պատկերասրահում