Հալիձոր

Հալիձոր
Գյուղ
	Հալիձոր
	Հալիձոր մի մասը
	Կոորդինատներ: 39°24′37″ հս․ լ. 46°17′43″ ավ. ե. / 39.41028° հս․. լ. 46.29528° ավ. ե.
Երկիր	Հայաստան
Մարզ	Սյունիքի
Համայնք	Տաթև (համայնք)
ԲԾՄ	1350 մ
Պաշտոնական լեզու	Հայերեն
Բնակչություն	602 մարդ
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
	Հալիձոր Վիքիպահեստում

Հալիձոր, գյուղ Հայաստանի Սյունիքի մարզում,Տաթև համայնքում, մարզկենտրոնից՝ 69 կմ հյուսիս-արևմուտք, Որոտան գետի ձախափնյակում։ Բարձրությունը ծովի մակարդակից մոտ 1300-1350 մ է, հեռավորությունը Գորիս քաղաքից՝ 23 կմ։

Ներկայիս Հալիձորը կառուցվել է 1966 թ. և մինչև 1991 թ. գտնվում էր Հարժիսի խորհտնտեսության կազմում։

Անվան ստուգաբանությունԽմբագրել

Հալիձոր անունը ծագել է Հաբանդ գավառի Հալե, Հալիս կոչվող բնակավայրերի անվանումներից։ 10-րդ դարի սկզբին իշխանուհի Համազասպուհին Հալիձորը նվիրաբերել է Տաթևի վանքին, որի կալվածքն է եղել մինչև XIX դարը։

ԲնակչությունԽմբագրել

Ըստ Ազգային վիճակագրական ծառայության 2001 թվականին կատարած մարդահամարի տվյալների՝ գյուղի բնակչությունը կազմում է 602 մարդ^[2]։

Հալիձորի ազգաբնակչության փոփոխությունը.^[3]

Տարի	1831	1897	1926	1939	1959	1970	1979	2001	2004	2008
Բնակիչ	58	584	615	657	577	518	482	602	625	634

ՏնտեսությունԽմբագրել

Բնակչությունը զբաղվում է դաշտավարությամբ, այգեգործությամբ և մեղվաբուծությամբ։

Պատմամշակութային կառույցներԽմբագրել

Գյուղում է գտնվում կանգուն Սբ. Մինաս եկեղեցին՝ կառուցված 1611 թ., ոչ հեռու՝ Հալիձորի Սբ. Աստվածածին կամ «Կուսանաց անապատ» վանքը։ Գյուղից 2 կմ հարավ-արևմուտք գտնվում է նշանավոր Հարանց Անապատը, շրջակայքում են «Խաչին խութ» կոչվող եկեղեցին, «Պողոս-Պետրոս» մատուռը, մի շարք գյուղատեղիներ՝ «Հալիձոր», «Կարմիր», «Հայկաշեն», «Հայկատափ», Հալե, Հին Շենատեղ, ինչպես նաև բազմաթիվ խաչքարերով գերեզմանոցը։ Որոտանի ձախ ափին, այգիների մեջ պահպանված է ժայռաբեկորի վրա կանգնեցված 1265 թ. արձանագրություն։