Կարլ ֆոն Բլաաս
Կարլ ֆոն Բլաաս (գերմ.՝ Karl von Blaas, ապրիլի 28, 1815[1][2][3][…], Nauders, Landeck District, Տիրոլ, Ավստրիա[4] - մարտի 19, 1894[1][2][3][…], Վիեննա, Ավստրո-Հունգարիա[4]), ավստրիացի նկարիչ, մանկավարժ։ Ստեղծագործել է ուշ բիդերմայերի պատմական ժանրով։ Եղել է Վիեննայի (1851 թ.) և Վենետիկի գեղարվեստի ակադեմիաների (1855 թ.) պրոֆեսոր։
Կարլ ֆոն Բլաաս գերմ.՝ Karl von Blaas | |
|---|---|
 | |
| Ծնվել է | ապրիլի 28, 1815[1][2][3][…] |
| Ծննդավայր | Nauders, Landeck District, Տիրոլ, Ավստրիա[4] |
| Վախճանվել է | մարտի 19, 1894[1][2][3][…] (78 տարեկան) |
| Մահվան վայր | Վիեննա, Ավստրո-Հունգարիա[4] |
| Քաղաքացիություն |  Ավստրիական կայսրություն |
| Կրթություն | Վենետիկի գեղարվեստի ակադեմիա |
| Մասնագիտություն | նկարիչ, ինքնակենսագիր, խճանկարիչ և ուսուցիչ |
| Ժանր | պատմական գեղանկարչություն |
| Ուսուցիչ | Յոհան Ֆրիդրիխ Օվերբեկ |
| Աշակերտներ | Leopold Carl Müller?, Karl Karger?[5] և Epaminonda Bucevschi? |
 Karl von Blaas Վիքիպահեստում | |
Կենսագրություն խմբագրել
Կարլ ֆոն Բլաասը ծնվել է ոչ հարուստ ընտանիքում։ Նկարչության ոլորտում նկատելով Կարլի ընդունակությունները` նրա ազգականները, առաջին հերթին քեռին` բարոն Ֆրանց Կսավիեր Պուտշեր ֆոն Եշենբուրգը (1768-1841 թթ.), ով հետագայում դարձավ նկարչի հովանավորը, կարողանում են ուսման նպատակով նրան 1832 թվականին ուղարկել Ինսբրուք, ապա Իտալիա, որտեղ նա ավարտում է Վենետիկի գեղարվեստի ակադեմիան (իտալ.՝ L'Accademia di Belle Arti di Venezia): Եղել է Լյուդովիկո Լիպարինիի աշակերտը։
1837 թվականի մարտին Կարլը Վենետիկում ստեղծել է իր առաջին պատմական խոշոր գործը` «Մովսեսը Սինա լեռան վրա», որի համար ստացել է Վիեննայի ակադեմիայի հռոմեական մրցանակ և հնգամյա նվիրատվություն Իտալիայի մայրաքաղաք այցելությունների համար։ Նույն թվականին նկարիչն ուղևորվել է Հռոմ։
Մի քանի տարի նա ապրել է Ֆլորենցիայում և Հռոմում, որտեղ նրա վրա մեծ ազդեցություն է թողել գերմանացի նկարիչ Յոհան Ֆրիդրիխ Օվերբեկի արվեստը, հատկապես վարպետի ֆրեսկոները։
Արդեն քսանամյա հասակում, Վենետիկի ցուցահանդեսներում ստացած մի քանի մրցանակների շնորհիվ, մեծ ճանաչում է ձեռք բերել` որպես տաղանդավոր դիմանկարիչ և պատմական գեղանկարչության վարպետ[6]։
1851 թվականին Կարլ Բլաասն ընդունում է Վիեննայի գեղարվեստի ակադեմիայում պրոֆեսորի պաշտոն ստանալու առաջարկը։ Այս շրջանում նա ֆրեսկոներ է ստեղծում մայրաքաղաքի Altlerchenfelder Pfarrkirche եկեղեցու և Վիեննայի ռազմապատմական թանգարանի համար։
1855 թվականին նկարչի «Կարլ Մեծն այցելում է տղաների դպրոց» նկարն արժանանում է Փարիզի Համաշխարհային ցուցահանդեսի մրցանակին։ Նույն թվականին նկարչի ընտանիքը տեղափոխվում է Վենետիկ, որտեղ Կարլ ֆոն Բլաասը դառնում է Վենետիկի գեղարվեստի ակադեմիայի պրոֆեսոր։
Կարլ Բլաասն ավստրիական նկարչական նշանավոր ընտանիքի ներկայացուցիչներից` Էժեն դե Բլաաս և Յուլիուս դե Բլաաս, ավագն էր։
Ստեղծագործություն խմբագրել
Կարլ Բլաասը պատմական ուղղության գեղանկարիչ է, ստեղծել է նաև կտավներ դիցաբանական, կրոնական թեմաներով, ինչպես նաև դիմանկարներ։ Ավստրո-հունգարական ազնվականության, կայսերական Հաբսբուրգների ընտանիքի և իտալացի պատվիրատուների շրջանակներում մեծ հաջողություն են ունեցել նկարչի` պատմական թեմաներով աշխատանքները։
Կարլ ֆոն Բլաասի գլխավոր գործը Ավստրիայի պատմության կարևորագույն դրվագները ներկայացնող ֆրեսկոն է Վիեննայի ռազմապատմական թանգարանի Փառքի սրահում։
Վիեննայի գեղարվեստի ակադեմիայում նրա աշակերտներից է եղել Լեոպոլդ Կարլ Մյուլերը։
Բլասի որդիները` Էժեն դե Բլաասը (1843-1931 թթ.) և Յուլիուս ֆոն Բլաասը (1845-1922 թթ.) նույնպես եղել են պատմական ուղղության նկարիչներ։
1895 թվականին Վիեննայի 19-րդ շրջանի` Դյոբլինգի փողոցներից մեկն անավանակոչվել է նկարչի պատվին` Բլաասշտրասե (գերմ.՝ Blaasstraße):
Հատընտիր աշխատանքներ խմբագրել
- Ռազմապատմական թանգարանի Փառքի սրահի ֆրեսկոներ, Վիեննա
- «Հակոբի ճանապարհորդությունն անապատով» (1841 թ.),
- «Սուրբ Եկատերինային տանող հրեշտակները» (1841 թ.),
- «Սուրբ Ելիզավետա» (1839 թ.),
- «Սուրբ ընտանիք»,
- «Հովհաննես Մկրտիչ»,
- «Սամսոն և Դալիլա»,
- «Այցելություն»
- «Ֆրանց I կայսեր մուտքը Վիեննա 1814 թվականի հունիսին» (1869 թ., Վիեննայի ռազմապատմական թանգարան)
Պատկերասրահ խմբագրել
-
Նկարիչ Յանոշ Շիտովսկու դիմանկարը -
Հովանոցով և էսքիզների թղթապանակով կինը -
Սուրբ Ելիզավետա -
Վիեննայի պաշտպանությունը թուրքերից 1863 թվականին -
Ֆրեսկոներ Վիեննայի ռազմապատմական թանգարանում -
Ֆրեսկոներ Վիեննայի ռազմապատմական թանգարանում
Ծանոթագրություններ խմբագրել
- ↑ 1,0 1,1 1,2 1,3 1,4 Carl von Blaas (նիդերլ.)
- ↑ 2,0 2,1 2,2 2,3 2,4 Blaas, Karl or Carl von // Benezit Dictionary of Artists — OUP, 2018. — ISBN 978-0-19-977378-7 — doi:10.1093/BENZ/9780199773787.ARTICLE.B00020375
- ↑ 3,0 3,1 3,2 3,3 3,4 Frodl-Schneemann M. Blaas, Karl [Carl von] // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — ISBN 978-1-884446-05-4 — doi:10.1093/GAO/9781884446054.ARTICLE.T009081
- ↑ 4,0 4,1 4,2 4,3 4,4 4,5 Deutsche Nationalbibliothek Record #119038560 // Gemeinsame Normdatei (գերմ.) — 2012—2016.
- ↑ Ավստրիական կենսագրական բառարան (գերմ.) — ÖAW. — doi:10.1553/0X00281068
- ↑ В 1934 году Карл занял два первых места на академической выставке. В следующем 1935 году художник снова удостоился двух призовых мест на выставке в Академии, одно из них — Золотая медаль за картину «Тулия, переезжающая через тело своего отца» (1832).
Գրականություն խմբագրել
 | Վիքիպահեստն ունի նյութեր, որոնք վերաբերում են «Կարլ ֆոն Բլաաս» հոդվածին։ |