Լուսիկ Ագուլեցի

Լուսիկ Ագուլեցի
Ի ծնե	Լուսիկ Ժորիկի Հարությունյան
Ծնվել է	մայիսի 31, 1946
Ծննդավայր	Վերին Ագուլիս, Նախիջևանի Ինքնավար Հանրապետություն
Վախճանվել է	հուլիսի 13, 2018 (72 տարեկան)
Ազգություն	հայ
Քաղաքացիություն	ԽՍՀՄ և Հայաստան
Կրթություն	Փանոս Թերլեմեզյանի անվան գեղարվեստական ուսումնարան (1967)
Մասնագիտություն	նկարչուհի և ազգագրագետ
Պարգևներ	Հայաստանի Հանրապետության մշակույթի վաստակավոր գործիչ և Մովսես Խորենացու մեդալ
Անդամակցություն	Հայաստանի նկարիչների միություն
Ամուսին	Յուրի Սամվելյան

Լուսիկ Ագուլեցի (Լուսիկ Ժորժիկի Սամվելյան, մայիսի 31, 1946(1946-05-31), Վերին Ագուլիս, Նախիջևանի Ինքնավար Հանրապետություն - հուլիսի 13, 2018(2018-07-13)^[1]), հայ նկարչուհի, ազգագրագետ, ՀՀ մշակույթի վաստակավոր գործիչ (2014)։

Քանդակագործ Յուրի Սամվելյանի կինն է։

ԿենսագրությունԽմբագրել

Լուսիկ Ագուլեցին ծնվել է 1946 թվականի մայիսի 31-ին՝ Նախիջևանի Վերին Ագուլիս գյուղաքաղաքում, 1919 թվականին թուրք-ադրբեջանցիների կողմից իրագործված Ագուլիսի եղեռնից հետո այնտեղ բնակվող վերջին հայերի՝ Հարությունյանների ընտանիքում։ 1953 թվականին ընտանիքով տեղափոխվել են Երևան։ 1963-1967 թվականներին սովորել է Երևանի Փանոս Թերլեմեզյանի անվան գեղարվեստի ուսումնարանում։ 1966 թվականին՝ ուսումնառության տարիներին արժանացել է «Ավանգարդ» թերթի հատուկ մրցանակի։ 1974 թվականից Հայաստանի նկարիչների միության անդամ է^[2]։

Լուսիկ Ագուլեցու կտավները գտնվում են Հայաստանի և արտերկրի թանգարաններում, մասնավոր հավաքածուներում։

ՑուցահանդեսներԽմբագրել

1968 թվականից մասնակցել է հանրապետական տարբեր ցուցահանդեսների Հայաստանում և արտերկրում։

Անհատական ցուցահանդեսներԽմբագրել

1996 թ. Հայաստանի ազգային պատկերասրահ
1997 թ. Ստեփանակերտ
1997 թ. «Մկրտչյան» ցուցասրահ
1999 թ. Հունաստան, Սալոնիկ

Խմբակային ցուցահանդեսներԽմբագրել

1977 թ. Փարիզ
1977 թ. ԱՄՆ
1978 թ. Գերմանիա
1981 թ. Իրաք
1983 թ. Լոս Անջելես, Դեթրոյթ, Տորոնտո, Մոնրեալ
1985 թ. Մոսկվա
1986 թ. Ճապոնիա
1987 թ. Հունաստան
1987 թ. Իջևան
1989 թ. «Հայ արվեստագետները «Հայաստան» հիմնադրամին», Հայաստանի ազգային պատկերասրահ
1994 թ. Բելգիա, Նորմանդիա, Ֆրանսիա
1995, 1997 թթ. Սիմպոզիում Արցախում
1998 թ. «Ժամանակակից արվեստը 21-րդ դարի շեմին»
2003 թ. Մինսկ, ցուցահանդես նվիրված Հայաստանի անկախության տոնին
2003 թ. «Հայաստան-Սփյուռք» համաժողովին նվիրված ցուցահանդես

Պարգևներ, մրցանակներԽմբագրել

1967 թ. Մրցանակ Անդրկովկասյան ցուցահանդեսում
1968 թ. Կին նկարիչների ցուցահանդեսի առաջին մրցանակ
1975 թ. Մոսկվայի համամիութենական ցուցահանդեսի Գեղարվեստի ակադեմիայի մրցանակ
ՀՀ մշակույթի նախարարության պատվոգիր
Երևանի քաղաքապետարանի պատվոգիր
2003 թ. Մեսրոպ Մաշտոցի անվան մշակույթի կենտրոնի կողմից համամարդկային արժեքները պապհանելու համար մրցանակ
2010 թ. Մովսես Խորենացու մեդալ^[3]
2011 թ. «Գրքարվեստ» հանրապետական չորրորդ մրցանակաբաշխությանը Լուսիկ Ագուլեցու «Անցյալի մասունքներ» գիրքն արժանացել է գլխավոր մրցանակի, ստացել է նաև ԱՊՀ երկրների «Գրքարվեստ» միջազգային մրցանակաբաշխության «Արվեստի գիրք» անվանակարգում առաջին մրցանակ
2014 թ. ՀՀ մշակույթի վաստակավոր գործիչ^[4]
2014 թ. Երևանի քաղաքապետի ոսկե մեդալ

Լուսիկ Ագուլեցի տուն-թանգարանԽմբագրել

Երևանի Մուրացան փողոցի 79 տունը, որտեղ շուրջ 45 տարի ապրել և ստեղծագործել է Լուսիկ Ագուլեցին, ընտանիքի անդամների նախաձեռնությամբ վերածվելու է տուն-թանգարանի, որտեղ կազմակերպվում են ժողովրդական համերգներ, նկարչության, պարի և վարպետության դասեր։ Թանգարանին կից գործում է «Ագուլեցի արտ-սրճարան»-ը, որտեղ ներկայացված է հայկական ավանդական խոհանոցը՝ ագուլիսյան ուտեստներով^[5]^[6]։

Մեջբերումներ Լուսիկ ԱգուլեցուցԽմբագրել

Նկարչությունն ինձ օգնեց ծավալվելու մշակույթի տարբեր ճյուղերում, տեսնելու, ընկալելու և գնահատելու այն արժեքները, որոնք ստեղծել է մեր ժողովուրդը, ուստի ուսումնասիրում եմ ժողովրդական մշակույթը, հատկապես ազգային տոները, ծեսերը, տարազները։

ԵրկերԽմբագրել

Լուսիկ Ագուլեցի «Անցյալի մասունքներ», Երևան, 2010։
Լուսիկ Ագուլեցի «Յուրի Սամվելյան», Երևան, 2012։

ԳրականությունԽմբագրել

Լուսիկ Ագուլեցի-Սամվելյան, Երևան, 2004, 90 էջ։
Նազիկ Արմենակյան, Հայոց տոնածիսական մշակույթն ըստ գեղանկարչուհի Լուսիկ Ագուլեցու ստեղծագործությունների, Երևան, 2015, 408 էջ։

ԾանոթագրություններԽմբագրել

↑ ^1,0 ^1,1 ^1,2 Կյանքից հեռացել է ազգագրագետ Լուսիկ Ագուլեցին
↑ A1+ Vernissage, Սամվելյան Լուսիկ Ագուլեցի
↑ Հայաստանի Հանրապետության շքանշանով և մեդալով պարգևատրելու մասին
↑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԱՎՈՐ ԿՈՉՈՒՄՆԵՐ ՇՆՈՐՀԵԼՈՒ ՄԱՍԻՆ
↑ «Ապրիլի 6-ից կբացվի Լուսիկ Ագուլեցի տուն-թանգարանը, որին կից կգործի «Ագուլեցի արտ-սրճարան»-ը»։ Armtimes.com (հայերեն)։ Վերցված է 2020-02-26
↑ «Լուսիկ Ագուլեցու բնակարանը կդառնա տուն-թանգարան»։ Azat TV (հայերեն)։ 2019-04-06։ Վերցված է 2020-02-26

Արտաքին հղումներԽմբագրել

[_4df6f2dea05e0474-1] 1,0 ^1,1 ^1,2 Կյանքից հեռացել է ազգագրագետ Լուսիկ Ագուլեցին

[2] A1+ Vernissage, Սամվելյան Լուսիկ Ագուլեցի

[3] Հայաստանի Հանրապետության շքանշանով և մեդալով պարգևատրելու մասին

[4] ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԱՎՈՐ ԿՈՉՈՒՄՆԵՐ ՇՆՈՐՀԵԼՈՒ ՄԱՍԻՆ

[5] «Ապրիլի 6-ից կբացվի Լուսիկ Ագուլեցի տուն-թանգարանը, որին կից կգործի «Ագուլեցի արտ-սրճարան»-ը»։ Armtimes.com (հայերեն)։ Վերցված է 2020-02-26

[6] «Լուսիկ Ագուլեցու բնակարանը կդառնա տուն-թանգարան»։ Azat TV (հայերեն)։ 2019-04-06։ Վերցված է 2020-02-26

[1]

[2]

[3]

[4]

[5]

[6]