Վիքիպեդիա

Լյուդմիլա Պուտինա

Լյուդմիլա Ալեքսանդրովնա Պուտինա (ի ծնե՝ Շկրեբնևա, երկրորդ ամուսնու ազգանվամբ՝ Օչերետնայա, հունվարի 6, 1958(1958-01-06)[1], Կալինինգրադ, ՌԽՖՍՀ, ԽՍՀՄ[2], Կալինինգրադ[3], ԽՍՀՄ, ՌԽՖՍՀ), ռուսաստանցի մշակույթի և կրթության գործիչ, Ռուսաստանի Դաշնության նախագահ Վլադիմիր Պուտինի նախկին կինը, ում[4][5], հետ շուրջ երեսուն տարի եղել է քաղաքացիական ամուսնության մեջ[6]։ Եղել է Ռուսաստանի Դաշնության առաջին տիկին 2000 թվականից 2008 և 2012 թվականից մինչև 2013 թվականները։

Լյուդմիլա Պուտինա
 
Կրթություն՝ Սանկտ Պետերբուրգի համալսարանի լեզվաբանական ֆակուլտետ (1986)
Մասնագիտություն՝ համալսարանի դասախոս, ուղեկցորդ և քաղաքական գործիչ
Դավանանք Ռուս ուղղափառ եկեղեցի
Ծննդյան օր հունվարի 6, 1958(1958-01-06)[1] (67 տարեկան)
Ծննդավայր Կալինինգրադ, ՌԽՖՍՀ, ԽՍՀՄ[2]
Քաղաքացիություն  Ռուսաստան
Ի ծնե անուն ռուս.՝ Людмила Александровна Шкребнева
Հայր Aleksander Shkrebnev?
Մայր Yekaterina Shkrebneva?
Ամուսին Artur Ocheretny? և Վլադիմիր Պուտին
Զավակներ Katerina Tikhonova? և Maria Vorontsova?
 
Պարգևներ

Կենսագրություն

խմբագրել

Ծնվել է 1958 թվականի հունվարի 6-ին Կալինինգրադում, Ալեքսանդր Աբրահամիչի (1925-2000) և Եկատերինա Տիխոնովնա Շկրեբնևաների (ծնվ. 1926) ընտանիքում[7]։ Նրա հայրը Ստարոդուբսկի շրջանի Բրյանսկի մարզի Գարցևի համայնքի Շնյակի գյուղից էր[8]։

 
Վլադիմիր և Լյուդմիլա Պուտինները Բորիս Ելցինի ծննդյանը (2002)
 
Բելլա Քոչարյանը, Լորա Բուշը, Լյուդմիլա Պուտինան և Զորկա Պրվանովան. Հայաստանի, ԱՄՆ-ի, Ռուսաստանի և Բուլղարիայի առաջին տիկնայք(2003)

1975 թվականին ավարտել է Կալինինգրադի № 8 միջնակարգ դպրոցը, եղել է Կենտրոնական կոմիտեի (ՀԼԿԵՄ) ակտիվ անդամ[9]։ Աշխատել է փոստատար, այնուհետև խառատ՝ Կալինինգրադի «Թորգմաշ» գործարանում, որտեղ ստացել է խառատի որակավորում։ Եղել է քաղաքային հիվանդանոցի սանիտարուհի, Պիոներների տան դրամատիկական խմբակի ղեկավար, նվագակցող, Կալինինգրադի օդային զորքերի ներքին գծի ստյուարդ[10]։

1986 թվականին ավարտել է Սանկտ Պետերբուրգի պետական համալսարանը՝ բանասերի մասնագիտությամբ։ Դիպլոմային նյութի թեման եղել է «Ժամանակակից իսպաներենի դերբայներ»-ը։ 1986 թվականից 1990 թվականներին ամուսնու հետ ապրել և աշխատել է Գերմանիայի Դեմոկրատական Հանրապետությունում։ 1990 թվականից 1994 թվականներին Լենինգրադի պետական համալսարանի ամբիոնից՝ դասախոսների կատարելագործման համար դասավանդել է գերմաներեն լեզու։

2008 թվականից հետո սկսում է հաճախ հայտնվել հասարակության մեջ[11], որն էլ առիթ է հանդիսանում այն խոսակցություններին, որ երկրի առաջին տիկինը դարձել է միանձնուհի կամ բաժանվել է ամուսնուց[12][13]։ Այս երկու տարբերակներն էլ պաշտոնապես հերքվում են նրանց կողմից. Պուտինը նախկինի պես կրում էր ամուսնական մատանին[14]։

2012 թվականի մարտի 4-ի նախագահական ընտրություններին ամուսնու հետ քվեարկել է Ռուսաստանի գիտությունների ակադեմիայի թիվ 2079 ընտրատեղամասում։ Ի տարբերություն ամուսնու, նա ներկայացնում է իր հաշվառման վկայագիրը։ Վլադիմիր Պուտինն ինչպես նախագահական, այնպես էլ Մոսկվայի Գագարինի շրջանի ՏԻՄ ընտրություններին մեկ անձնագրով ընտրում է երկու քվեաթերթիկներում[15]։

2013 թվականի մարտի 26-ին, առաջին անգամ հայտնվելով հասարակության մեջ, ընդունում է «Գարկովի անվան գրականության մրցանակաբաշխության» հրավերը, որը 2012 թվականին տեղի էր ունեցել Մոսկվայում[16][17]։

2013 թվականի հունիսի 6-ին Վլադիմիր և Լյուդմիլա Պուտինները Կիևում ներկայացվող «Էսմերելդա» բալետի ընդմիջման ժամանակ տված հարցազրույցում հայտարարում են իրենց ամուսնալուծության մասին[5]։

2014 թվականի ապրիլի 1-ին հանրապետության մամլո քարտուղարը հաստատում է զույգի բաժանման փաստը[18]։

Անձնական կյանք

խմբագրել
 
Լյուդմիլա Պուտինան երիտասարդ տարիներին
 
Վլադիմիր Պուտինն ու Լյուդմիրա Պուտինան ՔԿԱԳ-ում: Նկարը Ռուսաստանի նախագահի պաշտոնական կայքից:

Առաջին ամուսնու՝ Վլադիմիր Պուտինի հետ ամուսնացել է 1983 թվականի հուլիսի 28-ին[7]։ Բաժանման մասին պաշտոնապես հայտարարել են 2013 թվականի հունիսի վեցին[4][5]։

 
Վլադիմիր Պուտինն ու Լյուդմիլա Պուտինան «Հայրենիքի պաշտպանի օրվան» նվիրված հանդիսավոր երեկոյի ժամանակ, (2002)

Երկրորդ ամուսինն Արթուր Սերգեևիչ Օչերետնին է (ծնվել է 1978 թվականի մարտի 29-ին)[19][20]։

Առաջին ամուսնությունից Լյուդմիլան ունի երկու դուստր՝ Մարիան (ծնվել է 1985 թվականի ապրիլի 28-ին, Սանկտ Պետերբուրգ[21]) և Կատերինան (ծնվել է 1986 թվականի օգոստոսի 31-ին, Դրեզդեն[21]): Երկու երեխաներին էլ կոչել են տատիկների՝ Մարիա Պուտինայի և Եկատերինա Շկրեբնևայի պատվին։ Սովորել են Պետերշուլի (Peterschule) մասնավոր գիմնազիայում։

Անվանակարգեր և մրցանակներ

խմբագրել
 
Ջորջ Բուշն ու Լյուդմիլա Պուտինան Սանկտ Պետերբուրգի ծննդյան 300 ամյակին: Պետերգոֆ (2003)
  • Կալինինգրադի պատվավոր քաղաքացու կոչում (2007 թվականի հուլիսի 4)։
  • Համարվում է Յակոբ Գրիմի անվան մրցանակի դափնեկիր (Գերմանիա, 2002 թիվ) «Ռուսաստանում գերմաներեն լեզվի դարերով ուսուցմանն օժանդակելու ու շարունակելու համար» անվանակարգում։

Դրամական մրցանակ է հանձնել Ռուսաստանի Սանկտ Պետերբուրգ քաղաքի ազգային դեկորատիվ-կիրառական արվեստի դպրոցին[22]։

  • Եվրասիական ազգային համալսարանի պաշտոնական պրոֆեսորի կոչում և «Ոսկե մարտիկ» մեդալ (Ղազախստան, 2005 թվական)։
  • Ալեքսանդր Պուշկինի անվան մեդալ «Ռուսաց լեզվի տարածմանն ուղղված աշխատանքների համար» անվանակարգում (2003 թվական)[23]։
  • Կիրգիզ-ռուսական համալսարանի և «Կուրմաջան Դատկա» մրցանակների դափնեկիր (Ղրղզստան, 2002 թվական)։
  • Հայ-ռուսական (սլավոնական) համալսարանի «Ձիթենու ճյուղ» շքանշան (Երևան, Հայաստան, 2002 թիվ)։
  • «Սանկտ Պետերբուրգի համալսարանի 270 ամյակ» միջոցառման հոբելյանական հուշամեդալ (ՍՊՊՀ, 1997 թվական)։
  • «Կոմսոմոլսկայա պրավդա» մրցույթի «Տարվա մարդ» (2002) անվանակարգում «Տարվա լուսավորիչ» կոչման դափնեկիր[24]։

Ֆիլմագրություն

խմբագրել
  • Դարյա Միխայլովան «Համբույր՝ ոչ մամուլի համար» գեղարվեստական ֆիլմում (Ռուսաստան, 2008 թիվ)։

Ծանոթագրություններ

խմբագրել
  1. ↑ 1,0 1,1 http://cn.ieonline.microsoft.com/knows/search?mkt=zh-cn&q=Lyudmila+Putina
  2. ↑ 2,0 2,1 2,2 http://www.telegraph.co.uk/news/worldnews/vladimir-putin/10107804/Lyudmilla-Putin-from-the-shadows-to-the-wilderness.html
  3. ↑ «Биография Людмилы Путиной» (ռուսերեն). ՌԻԱ Նովոստի. 2013 թ․ հունիսի 6. Արխիվացված օրիգինալից 2013 թ․ հունիսի 10-ին. Վերցված է 2018 թ․ օգոստոսի 24-ին.
  4. ↑ 4,0 4,1 Владимир и Людмила Путины: развод был нашим общим решением
  5. ↑ 5,0 5,1 5,2 Президент РФ Владимир Путин разводится с женой
  6. ↑ Владимир и Людмила Путины официально сообщили о разводе
  7. ↑ 7,0 7,1 Людмила Александровна Шкребнева (Путина) р. 6 январь 1958 — Родовод
  8. ↑ Шкребнев Александр Аврамович(չաշխատող հղում)(չաշխատող հղում)
  9. ↑ Зенькович Н. А. Астанькович Александра Георгиевна // Путинская энциклопедия. Семья. Команда. Оппоненты. Преемники. — М.: ОЛМА-ПРЕСС, 2006. — С. 35. — 569 с. — ISBN 5-94850-329-1
  10. ↑ Агентство федеральных расследований
  11. ↑ «Пропала Людмила Путина, «Свобода», 19.05.2009». Արխիվացված է օրիգինալից 2011 թ․ հուլիսի 29-ին. Վերցված է 2018 թ․ օգոստոսի 24-ին.
  12. ↑ Людмила Путина не является настоятельницей Спасо-Елеазаровского монастыря — Псковская Епархия, «Псковская Лента Новостей», 24.09.2010.
  13. ↑ «Путин всё-таки развёлся с женой, утверждают таблоиды, 19.10.2010». Արխիվացված է օրիգինալից 2011 թ․ ապրիլի 29-ին. Վերցված է 2018 թ․ օգոստոսի 24-ին.
  14. ↑ Пострадают ли шансы Путина на избрание от слухов «о жене, заточённой в монастырь»? — [Ольга Крыштановская журналу The Guardian
  15. ↑ Путин вместе с супругой проголосовали на участке в Академии наук
  16. ↑ «Объявлены лауреаты Горьковской литературной премии | РИА Новости». Արխիվացված օրիգինալից 2013 թ․ ապրիլի 4-ին. Վերցված է 2013 թ․ մարտի 31-ին.
  17. ↑ «Новости Уходящая из СФ Журова выложила фото жены Путина, появившейся на публике после долгого перерыва, NEWSru.com». Արխիվացված օրիգինալից 2013 թ․ ապրիլի 4-ին. Վերցված է 2013 թ․ մարտի 31-ին.
  18. ↑ В Кремле подтвердили, что Путин официально развёлся
  19. ↑ http://whoiswho.dp.ru/cart/person/1935873/
  20. ↑ «Արխիվացված պատճենը». Արխիվացված է օրիգինալից 2018 թ․ օգոստոսի 24-ին. Վերցված է 2018 թ․ օգոստոսի 24-ին.
  21. ↑ 21,0 21,1 Дочки № 1. Путин / Рита Болотская, Инга Земзаре. Собеседник, 12.08.2002
  22. ↑ «Какие драгоценности накопили Людмила Путина и Светлана Медведева - Политическая жизнь России - МК». Արխիվացված օրիգինալից 2013 թ․ մարտի 21-ին. Վերցված է 2013 թ․ մարտի 19-ին.
  23. ↑ «Медаль А. С. Пушкина на сайте МАПРЯЛ». Արխիվացված է օրիգինալից 2011 թ․ օգոստոսի 25-ին. Վերցված է 2018 թ․ օգոստոսի 24-ին.
  24. ↑ «13 декабря в Государственном Кремлёвском дворце состоялась церемония награждения лауреатов конкурса «Комсомольской правды» «Лица года 2002»». Արխիվացված է օրիգինալից 2013 թ․ մարտի 18-ին. Վերցված է 2018 թ․ օգոստոսի 24-ին.

Արտաքին հղումներ

խմբագրել
 Վիքիպահեստն ունի նյութեր, որոնք վերաբերում են «Լյուդմիլա Պուտինա» հոդվածին։
Ստացված է «https://hy.wikipedia.org/w/index.php?title=Լյուդմիլա_Պուտինա&oldid=10149118» էջից