Գուստավ Կաֆկա
Գուստավ Կաֆկա (գերմ.՝ Gustav Kafka, հուլիսի 23, 1883[1], Վիեննա, Ավստրո-Հունգարիա[2] - փետրվարի 12, 1953[1], Ֆայտսհյոխհայմ, Վյուրցբուրգ, Ստորին Ֆրանկոնիա, Բավարիա, Գերմանիայի Ֆեդերատիվ Հանրապետություն), ավստրիացի հոգեբան և փիլիսոփա, կաթոլիկական գործիչ։
Գուստավ Կաֆկա Gustav Kafka | |
|---|---|
| Ծնվել է | հուլիսի 23, 1883[1] Վիեննա, Ավստրո-Հունգարիա[2] |
| Մահացել է | փետրվարի 12, 1953[1] (69 տարեկան) Ֆայտսհյոխհայմ, Վյուրցբուրգ, Ստորին Ֆրանկոնիա, Բավարիա, Գերմանիայի Ֆեդերատիվ Հանրապետություն |
| Քաղաքացիություն |  Ավստրիա |
| Մասնագիտություն | հոգեբան, փիլիսոփա և համալսարանի դասախոս |
| Հաստատություն(ներ) | Լյուդվիգ Մաքսիմիլիանի Մյունխենի համալսարան, Դրեզդենի տեխնիկական համալսարան և JMU |
| Ալմա մատեր | Լայպցիգի համալսարան |
| Գիտական աստիճան | գիտությունների դոկտոր |
| Տիրապետում է լեզուներին | գերմաներեն[3] |
| Գիտական ղեկավար | Վիլհելմ Վունդտ |
| Ինչով է հայտնի | Խմբագրել է փիլիսոփայության և հոգեբանության պատմության 36 հատոր |
Կենսագրություն խմբագրել
Գուստավ Կաֆկան ծնվել է 1883 թվականի հուլիսի 23-ին Վիեննայում։ Դաստիարակվել է հոգեհոր և հոգեմոր կողմից Բոնո քաղաքում (նախկին անվանումը՝ Բրյուն)։
Կաֆկան սովորել է Վիեննայում` Գյոթինգենում (Հ. Է. Մյուլլերի և Է. Գուսսերլի մոտ), Լայպցիգում (Թ. Լիպսի մոտ) և Մյունխենում։ Աշխատել է որպես Թ. Լիպսի և Է. Բեխերի օգնական (ասիստենտ)։ Վիլհելմ Վունդտի ղեկավարությամբ պատրաստվել է դոկտորական դիսերտացիայի։
1910 թվականից Գուստավ Կաֆկան եղել է փիլիսոփայության պրիվատ-դոցենտ, իսկ 1915 թվականից` պրոֆեսոր։
Զինվորական ծառայության տարիներին (1914-1918) Կաֆկան հոգետեխնիկական ծառայություն է կազմակերպել ավստրիական բանակի համար։ Ծառայությունից հետո դասավանդել է Մյունխենի համալսարանում (կիրառական հոգեբանության ամբիոնում)։ 1923 թվականից եղել է Դրեզդենի բարձրագույն տեխնիկական դպրոցի փիլիսոփայության և մանկավարժության պրոֆեսոր։ 1929 - 1933 թվականներին եղել է հոգեբանների գերմանական ընկերության անդամ։ Պատերազմի տարիներին արտագաղթել է։ 1947 թվականից ղեկավարել է Վյուրցբուրգյան համալսարանի փիլիսոփայության և հոգեբանության ամբիոնը, 1950 - 1951 թվականներից եղել է ֆակուլտետի դեկանը, ինչից հետո պաշտոնաթող է եղել։
Գործունեություն խմբագրել
Գուստավ Կաֆկան հայտնի է որպես փիլիսոփայության և հոգեբանության պատմության երեսունվեց հատորների խմբագիր։ Կաֆկայի հոգեբանական հետազոտությունների ոլորտն ընդգրկուն է՝ կենդանիների վարքագիծ, էքսպրեսիվ ռեակցիայի, շփման, խոսքի, արվեստի, մասնագիտական կայացման, կենսական տարիքի հոգեբանություն, իրավաբանական հոգեբանություն, պարահոգեբանություն։ Կաֆկան տվել է նաև հիմնական աֆեկտների տիպաբանություն։ Բացի այդ, Կաֆկան եղել է մի շարք ընկերությունների անդամ՝ Կանտյան ընկերություն, գերմանական կենդանաբանական ընկերություն և փորձարարական հոգեբանության ընկերություն։ 1948 թվականին ղեկավարել է հոգեբանների գերմանական ընկերությունը։
Ծանոթագրություններ խմբագրել
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 Deutsche Nationalbibliothek Record #116016825 // Gemeinsame Normdatei (գերմ.) — 2012—2016.
- ↑ Bibliothèque nationale de France data.bnf.fr (ֆր.): տվյալների բաց շտեմարան — 2011.
Արտաքին հղումներ խմբագրել
- Густав Кафка, биография (ռուս.)
- О Г. Кафка на сайте "Психология" (ռուս.)